أحرار
 

احرار عبيد ما بتفرقشي
احرار مادمنا في سعادة
ومن غير سعادة ما تشغلشي
عشان ساعتها في عبادة

نجيك شمال لو جيتنا يمين
ترُش هَمْ نعمل نايمين
ونصحى على قولة آمين
نِدَوَّخ الجوزه زياده

إلَّا الإرادة دي شكلها إيه
كمنجة ولا كتفاحة
الناس بتمشي وتهتف ليه
وكالأطرش احنا في الساحة

وكُلّ شيء جيِّد متوفَّر
بلاش نعيب نعمة ونتأفوَر
رصيدنا زال في البنك اتصفّر
ونشكره القهوة السادة

صوابعي ستة يا سلامة...الدنيا سرّ وشايفينه
وحرِّية القول وكرامة...خطير ومحناش شامِّينه
ليه نجيب لأرواحنا ملامة...واللي اتقفش بُه ساجنينه


أمَّا الخروف ده صحيح نُكته
ملبوس عليه الأمر (زُغطة)
ولا راضي يدرك البتَّه
بالوعي احنا بنتعادى

قال ايه استبد بأحوالنا
وباختيارنا وٱمالنا
بالحكمة طب مهو جمَّعنا
والمركب الغارقة تساعنا
والحُر اهو ياعم اهو نادى