|
يا فارس الأشعار يا فارس الأشعار مني تحيــــــــــــة مع ريشتي حــــاولت أصور معانيك مزجتها بــــــــــــــالوان روحي هديه يـــــا ليتي آخذ باقي العمر واهديك يا ما خذينا مـــــــــــن حنانك عطيه وش عندنا في مثل ذا اليوم نعطيك |
يا خوي
قيلت هذه القصيدة بمناسبة إجراء عملية جراحية لصاحب السمو الملكي الأمير عبد الله الفيصل في النمسا عام 1411هـ .. من ونتك ونيت تسعين ونــــــــــــــــه يا ليتها بي وانت ما عـــــــــــاد ونيت يا ليتها بي وانت مـــــــــــا جاك هنه كل ما سمعتك قلت يا ليت يـــا ليت يا خوي عمري لك ولا فيه منــــــــــه أفديك بالغالي وبــــــــــالحي والميت لى شفت من له وسط قلبي محنه في ناظره شكوى وصــــدره تناهيت ضاقت بي الدنيا وصديت منــــــــــــه وارسلت لله دعوتي لـــــــــه وصليت لو المرض ينشال شلناه عنــــــــــــه ولو المرض رجــــــــال بالسيف رديت هني من لـــــــــــه مثلك أخو مضنه بالطايله يذكر وبـــــــــالجود له صيت حب أجاهر به وحب أكنـــــــــــــــــــه والحب يظهر لــــــــو تداريت واخفيت |
يرد الشوف
يرد الشوف مـــــن خارج زمانه يبي وجـــــــه يعرفه في مكانه يقلب نظرتــــــــه في كل ماثل يـــــــدور في صخر عمره ليانه تفحص كـــــــل وجه وكل نظرة ولا عين سوى الغـــــربه وزانه جفونه مثقلات مـــــن سنينه ومن هول الدهر عقدة لسانه يبي ينهض ورجلينــــه تخونه وسمعه من قبل رجليه خـانه سمعت أقصاه يوم انـــــه تزفر وشفت العـز في لحظة هوانه |
حديث روحين
مريت بيتك عقب مــــــوتك وناديت : عليك مني يــــــــــــا بو خالد سلاما من غير صوت يــــا أقرب الناس رديت أنا معك لــــــــــــــو كان قبري مقاما مــــــديت روحي يحضنك وانت مديت روح بــــــــــــدفوه عشت يا ما ويا ما يا عاشق الأرواح يـــــــــــا ما تغنيت في عشقها اللي يز كـــــــل الغراما حلقت بــــــــه حي وحلقت به ميت دايم على هــــام المشاعر تسامى أحلى المعاني نوخت لك على البيت وكل القوافي عند شعرك تــــــرامى كم قلب مجروح مــــــن الحب داويت وكم ساهر على قصيـــــــــدك يناما رفعت شعــــــرك مع سموك وعليت مشـــــــاعر الإحساس فوقه سناما يا باقي مــــــــــا دام للعشق تنهيت وما دام للمعنى الجميــــــل احتراما ما والله أنسى لكــــــــن اني تمنيت إنك تعــــــــــــــايشني بعد كم عاما |
هذه القصيدة كتبها شاعرنا الأمير خالد الفيصل بعد عملية جراحية
في القلب أجريت لشقيقه سمو الأمير سعد الفيصل عام 1409هـ .. يا جريح القلب يـــــا جريح القلب بي عنك الجروح جعل قلبي فدوة لك يــــــــــا سعد مشرط الجراح في قلبي يــــــــروح كل ما هوجست بــــــك يوم الأحد خفقة تجـــــــــــــزع وخفقات تنوح عالجوا جرحــــــك وجرحي بك قعد يشهد الله لـــــــو تعوض الروح روح يا ابــن ابوي فداك روحي والجسد يا جحود الضيم مـــــــــا ودك تبوح بالخفوق جروح ولسانك جحـــــــد شلت حب الناس بالقلب النصوح لين صار الحب بعروقـــــــــك سدد سمح الله درب ذا الوجه السـموح زال شرك والمقابيل السعـــــــــــد |
اجهد فؤاده
اجهد فؤاده بــــــالعزم والشجاعة والقلب مـــــــا ساير قوي العزايم هــذي سوات اللي طويل ذراعه يمناه مــــــا تلحق مداها القويم عـــــز الرفيق وللعدو سم ساعه من طلعته مـــــع بيرق العز قايم الحاكم الصالـــــــــح كثير الوراعه ما يجنحه عن ما قف الحق لايم بينه وبين المجد قــــرب ورضاعه من عهد ابوه وجد جـــــده قدايم وبينه وبين الهــون بغض وقطاعه في دارهم والله مـــــــاله رسايم وداع يا شيخ جرحنـــــــــــا وداعه خالد ولد مـــــن صاحبته العظايم |
قالوا وراها
قالوا وراها ما رثته الصحـــــــــــافة قلت السيوف وصهوة الخيـل ترثيه عد النصف يا اللي تعــرف النصافه ابن مساعد وش فعـل في مباديه دايم وخشم الــــرمح يرعف رعافه الرمح يطعن بـــــــــه وسيفه يرويه وانشد ميادين الوغى كيف شافه ضده من الفرسان يومـــــــه يدنيه الفارس اللي مـــــا يعرف المخافه إلا مخافة والي العـــــــــرش تثنيه فيه الشهامه والورع والنظـــــــافه نظيف عرض ما يدنس مـــــواطيه وفيه الكــــرم والجود راعي ضيافه ذولا يغذيهم وهــــــــــــــذا يعشيه على العدل ميزان والظلم آفـــــــه لى جاه مظلوم لـــه الحق يعطيه ما نال ضده غيــــــر ثوب الكسافه والا رفيقـــــــــــــــه بالمعزة يباريه |
مرثية الفهد
مرحوم يـــــــــا فهد العرب رمز الإسلام مرحوم يا كـــــــاسر عصا جيش صدام يا من وفــــــــــــــا بالوعد للشيخ جابر وعـــــــــــاد الكويت وطاح صدام ما قام مـــــــــــــــرحوم ياللي عزها ما ظلمها بـــــــــــــالعدل والإحسان داره حكمها يــــــــــــــــا خادم البيتين باني حرمها ياللي بكته النــــــــــاس وارضه والأيام مرحوم يا فارس وحــــــــــــــــاتم زمانه يا من اعز السيف والمــــــــــــال اهانه ربي عطاه مــــــــــــــــن المهابة مكانة في حضرته تصير عـــــــــــــــدوانه أقزام مرحوم ياللي مــــــــــــــــا يغره منافق ولا يثيره بالغضب صــــــــــــــــوت ظافر بالناس لــــــــــــــه نظره وعقل وخافق مـــــــــــا هوب عجل لكن إن قام عزام مرحوم يـــــــــــا ملجم جموح المعادي اللي يثير الفتنة بكـــــــــــــــــــل نادي ينثر سمومه بــــــــــــــالحضر والبوادي حتى عدل راسه على الحق صمصام مرحوم يا راعي الوفــــــــــــــا والحمية يا كاسب الطولات جــــــــــــزل العطية ياللي اذا نهض عزومـــــــــــــــــــه قويه دايم وشوفاته بعيده وقــــــــــــــــــــدام مرحوم يا ثالث سهوم المنايــــــــــــــا عقبان جو ما خلطهم حدايـــــــــــــــــا تشيلهم هامــــــــــــــــــــــاتنا والحنايا عبد الله وسلطان دام السعــــــــد دام |
رفيع الجبين
امشي على الــــــــــــدنيا رفيع الجبين ما اسعى ورا منصب ولا اسعى ورا مال اعتز بأفعالي وافــــــــــــــــــــاخر بديني وادفع برجلي تعتلي كــــــــــــل ما طال ارتاح اذا طــــــــــــــاعمت ضيف يجيني وامد لـــــــــــــــــــــه من دلة العز فنجال ابوي فيصل قــــــــــــــــــــدوة الحاكمين وجــــــــــــدي معزي عارب العم والخال |
ارفع راسك
ارفـــــــــــع راســـــــك إنت سعودي طيبك جاوز كـــــــــــل حـــــــــــــدود مــــــــــــــــــــــــــالك مثيل بــــالدنيا غيــــــــــــرك ينقص وأنـــــــــت تزود فـــــــــــارس وأجدادك فــــــــــوارس واصبحت لبيت الله حـــــــــــــــارس مـــــــــــــغروس بـــــــالمجد وغارس في ميـــــــــــــــــــــــدان العز شهود علمك غــــــــانم وجارك سالــــــــم يخشى مـــــــــــن هيبتك الظـــالم راعي صمله دايـــــــــــــــــــم والــم سيف وقلب وفعل زنــــــــــــــــــــود في العالم مـــــــــــــا مثلك مسلم دايـــــــــــــــــــــــم بالفضيله محرم والخــــــــــــــــــايف في دارك منعم عــــــــن دخيل حمــــــــــــــاك تذود دايــــم سيفك بيــــــــــــــــدك سله مــــــــــــــا تغمد سيفك مـــــن ذله وحجـــــــاجك دايــــــــــــــــم منفله وانت بنصـــــــــــــــــر الله مــــــوعود فهد القايد فهــــــــــــــــــــد الــــرايد فهد الصقر الحــــــــــــــــــر الصـــايد والعيد بفضل الله عــــــــــــــــــايـــد وسعودك يـــــــــــــــا وطن سعودي |
رافع الراس
رافع الراس .. وامشي طول مجدي وارفع الصوت .. انــا جندي سعودي مـــــــــــن تكلم سمع بالفعل ردي جــــاه صوتي على الخفجي رعود مــــــــــــــــا نهاب المنايا والتحدي نسبق الموت ونـــــــــــذود الحدود يشهد اللي نـــــــــــزل معنا وشد بــــــــالكويت أول السابق جنودي عـــــــــــدة لي وطبع أبوي وجدي عقب اللي قصـــــــــر دون الجدود كل مـــــــــا كبرت الشدات عندي السعودي على الشــــــــدة يزود بالسمايم واذا ما اشتد بــــــردي أنقل الحمــــــــل في بيض وسود واعتمادي على الله ثم زندي..نسل الأمجاد..أنا جندي سعودي |
لا تواني
لا تـــــــــــــواني تقدم وارفع الرايه فـل بيرق هل التوحيد نمشي به سر بنــــــــــا يا رفيع القدر والغايه كــل غالي تحت رايتك نصخي به بـــــــــــالحرايب لنا عادات وهوايه كــل ظالم على ظلمه نضحي به ما شرينا سلاح الجــــــــو لداعيه البحر نركبـــــــــه والموج نعدي به جيشنا والحرس عقب الله حمايه كل قــــــــرم من العوجا نماري به كـــــــل طاغوت نجعل لامره نهايه مثل مـــا صار في مكه نسوي به مـــــــــــن تعرض حمانا نجعله آيه ما يــــــــــرد الخبر منهم معزي به |
يا سيدي
يــــــا سيدي جيناك (نطع وجاعد ) بسلاحنا في كــــف والروح في كف تـــــــــرك صبي في ذرا البيت قاعد لا قــــــــاد شجعان ولا بينهم صف لى ثورت واصبح على الراس راعد قليل من يثبت على القاع ما خف إلا الذي في سلــــــم المجد صاعد ما هف بــــــــالخونه وبالذل ما هف أسلافنا للــــــــــــــــدار حطوا قواعد وحنا بنينا فوق جدرانهــــــــا سقف ما نهرب من الموت عنــــــده نواعد إما لنا والا المنـــــــــــــــايا لنا شف انـــــــــــــت الأمير وكلنا لك سواعد عيب على اللي بالوغى ناظره رف ما عــــــــــــــاد به سر خفي يباعد العـــــــالم بين للمشاهد ومن كف عدوانكم فـــــــوق الشواهد صواعد واعـــــــــوانهم وسط الإدارات تلتف والله بنصره لاهــــــل الإسلام واعد والباغي الظــــــــالم يهون لو طف |
عز الثرى
طابت لنــــــا الدنيا عقب عج الزمان بـــــــالدين والسيف الصقيل نصونها دانت لنا العدــــــــــــوان والمغتر دان واهل الهقاوي هونوا مــــــــن دونها يوم الردي يغدر وبعض الربع خـــــان ثبت ولد عبد العزيز ركونهـــــــــــــــا يوم انهم رازوه زلزل بالمكــــــــــــان فجر مسامعها وشق عيونهـــــــــــا يا كاتب التاريخ سجلها بيـــــــــــان جيش السعودي دك كــــل حصونها دون الوطن عز الثرى والـــــدم هان ربعي من الــــــدم الحمر يسقونها ناس لهم في ماضي التاريخ شان سنـــــــة سلفهم بالوغى يحيونها ما فيهم الخــــــاين ولا فيهم جبان ساعة شرف بـــــارواحهم يشرونها |
أنا السعودي
أنا السعودي رايتي رمــــــــز الإسلام وأنا العرب واصل العروبة بـــــــــــــلادي وانا سليل المجد من بدأ الأيــــــــــام الناس تشهد لي ويشهد جهـــــــادي دستوري القرآن قانون ونظــــــــــــــام وسنة نبي الله لنا خير هـــــــــــــادي أمشي على الدنيا وانا رافـــــع الهام وافخر على العالم وانا اجني حصادي إذا تأخر بعضهم رحت قــــــــــــــــــدام واذا توارى خايف قمت بـــــــــــــــــادي إن جيت ساحات الوغى صرت قـــدام وإن صرت بلحالي فلانيب عــــــــــادي واظهر على غيري إذا صرت بــــــزحام عقيد قوم بـــــــــــــــــــالطبيعة ريادي |
اليوم عرضه صوت يحورب .. قــــــامت تلبي صفوف طــق الطبل .. وانسلت تغطرف سيوف اليــــوم عرضة .. نشوة السيف والخيل والعـــــــــز ومضه .. في حياة الرجاجيل صكــــــــــوا على البيرق قروم النشاما ذبوا غترهم مـــــــــــا على الهام هاما كــــــــــــــــــــل تحزم بالشجاعة حزاما يـــــــــــــــــا موت ول .. وبيرق العز قاما اليوم عــــرضه .. نشوة السيف والخيل والعـــــــــز ومضه .. في حياة الرجاجيل الأرض ثـــــــــــــــــور عجها حدر الأقدام رجــــــــــــــــل تدوس الذل ورجول قدام العج وأصـــــــــــــــوات الرجاجيل وزحام يـــــــــا موت ول .. وبايع الروح ما سام اليــــوم عرضة .. نشوة السيف والخيل والعـــــــــز ومضه .. في حياة الرجاجيل نـــــــــــــــــــز العرق بجباه حمر النواظر كل هتف يا ساعة المجد حــــــــــــاضر وسيوفهم تمشي كما السيل هــــادر يا موت ول .. والطير بــــــــــالجو كاسر واليوم عرضة .. رقصـــة الحرب والموت وما للرجل رقصه .. سوى رقصة الموت |
هل التوحيد يـــــــــــا هل التوحيد هبوا للجهاد مرخصين الــــــــــــروح والجنه وعد ما يدوس الباغي حـــــــدود البلاد والنشامى بـــــــــــاقي منهم ولد دارنا من دونهـــــــــــــا خرط القتاد دونها الموت الحمر قـــــــــام وقعد ما تروعنا جموعـــــــــــــــك والعتاد الوعد لى جــــــــــــــاك زلزال ورعد الوعــــــد لين انقلب صبحك سواد ثم جا للنــــــــــــــــار في دارك زبد من زرع يحصـــــــد وذا يوم الحصاد والظلوم نجــــــــــــرعه كاس النكد يا عدو الله دنـــــــــــــا يوم السداد للكويت حســــــــــاب وديون سند نحسب انك ذخر الأيــــــام الشداد أثرك اللي خـــــان أخوك اللي رقد خاين المعروف يـــــــــــا شر العباد ما رعيت حقوق جـــــــارك يا وغد إستبحت العرض وافشيت الفساد تبت يدينك وتــــــــــــب اللي فسد يا بــــــــــو فيصل رايكم فينا سداد سر بنـــــــــــــــا ترى لكم منا عهد مـــــا نهاب الموت من عصر الجياد لين جــــــــــا عصر الصواريخ الجدد نـــــــــــــــــارهم قدامنا تصبح رماد الجنود فهود والقايـــــــــــــــــد فهد |
جنب اللي ما وقف موقف محمـد
ابن عمي نــــــــايف قروم الرجال مثـــــــــل أبوه ومثل عمانه مـردد نادر مجناه مــــــــــــن عم وخـال حجم الإرهاب شهم مـــــا تــردد لين شتت شمل تجنيد الضــلال ارسلو لــــــه خاين العهد يتصـيد لحظة العفو الكريمـــــــة باغتيال انتحر يوم انفجر حقد وتبــــــــدد وسلم الله من عطاه أمن ومـــآل يخسأ اللي كل ما ستامن تمرد المحرم في مذاهبهم حــــــــلال للعدو خوار ولـــــــــــــــربعه توقد يحرق بلاده وللقدس اشتعـــال يا ولد نــــايف عـداك اللوم أمجد مثلك اللي نرتقي بـــــه للطوال إنتم أشبال السعود اللي تجدد كل جيل سجل بفعله مثـــــــال في سبيـل الله والأوطان نتعهد نرخص الأرواح لـــــــو عز المنال حي موت العز والتــاريخ يشهد ولا طويل العمر في ذل الليالي |
التحدي كل ما زاد التحدّي زدت قـــــــــــوه عادة لابوي وجـــــــــدي من قديم حـــــاملين المصحف وهدي النبوه والسيــوف إذا انتهى حلم الحليم من قديم سنينها مــــــــاهوب توه اســـــــــأل الدرعية وركن الحطيم من قديم سنينها مــــــــاهوب توه اســـــــــأل الدرعية وركن الحطيم السعودي له مــــــــــع القوة مروّه ان ضرب يقطع واذا استولى كريم وان رحل قرم ظهر قـــــــــرم مفوه ماسدة أبطال معظمهم عظيـــــم يا العدوّ مـــــا كان في نيتك سوّه نستعين الله على حـرب الخصيم كل ما شب العدو نيــــــــران ضوه نسكب مــــــــن مزننا سيل وديم تجرف سيول الغضب قـــــوة عدوه وتجعل اقصيــرات هقواته هشيم والمنابت تزدهر مــــــــن ديم نوه مـــــــا يميل بزهرها غير النسيم ناصــــــــــــع تاريخنا ما قد تشوّه ما يضيره جــــــــــــــاحد ولاّ لئيم |
لا تزايد
لاتــــــــــــــــزايد بالإسلام وتجنى من حكم بـــــــــالشريعة غير حنا ومن رفــــــــــع كلمة التوحيد رايه وأعلن الدين الدستــــــــور وتبنى يوم بعض العــــــــرب شرق وغرب مــــــــا ثبت غير اسود العرب منا ويوم كل عـــــــــن إسلامه تخلى ألتجا هارب الــــــــــــــــدين وزبنا ويوم هانت على المسلم صلاته واستهانوا وهانـــــــــوا ما ستهنا ما يـــــــــــــــزايد علينا غير ظالم أو عــــــــــــــــــــدو ولا زال يتمنى يا بـــــــــــــو متعب ترانا فدوة لك اضرب بسيفــــــك اللي ما تثنى لا تخلي لخاينهم هقــــــــــــاوي أو لنــــــــــــــــذل تستر واستكنا ومن يبرر لهم تــــــــــــــراه منهم لــــــــــــــو لقى فرصة فينا طعنا دارنا مـــــــــــــا تهون لمن بغاها نرخص الــــــروح ولا يرخص وطنا |
آخر قصيدة في هذا الديوان : رثاء الأمير خالد والده الفيصل وهي من أكثر القصائد شهرة ً قصيدة : لا هنت لا هنت يــــا راس الـــرجاجيل لا هنت لا هــــــان راس في ثرى العود مدفون والله ما احطك بــــــــالقبر لكن امنـــت باللي جعل دفـن المسلمين مسنون منزلك يا عز الشرف لـــــــو تمكنــــــت فوق النجوم اللي تعلت على الكـــون سكنت دار المجــــد يا شيخ واسكنت شعبك معـــك في منزل العــــز ممنون صنت العهد يــــا وافــي العهد ما خنت عـــلمتهم وش لـــــون الأشراف يوفون كــــم ظـــالم عاداك واعفيت واحسنت واخلفت ظــــــن جموع نــــاس يظنون شلت الأمانة حافظ مــــــــا تهــــــاونت شفنا بك رجال عـــلى النفس يقـوون يــــا اللي طلبه الملك بـــــالحب زينت عرشك بتاج قـــــلوب شعب يـــــحبون لونت تــــــاج الملك ما قــــــــــد تلونت مـــا غرتك دنيـــــــــاك ما صرت مفتون بـالزهد والمعروف والصبر كـــــــــــــونت منهـــــاج فيصل منهج اللي يعدلــــون تلفتت روس المخـــــاليق وين انـــــت وين العظيم وعـــــــود الشوف مطعون كـــــم خافق وقف عقب مــــــا تكفنت وكـــــم نـــــــــاظر ذوب سواده محزون لـــو شفت حـــال الناس عقبك تبينت مـــــــــقدار حب النــاس للي يــــودون ممــــــا بقلبي قلت يـــــا بوي لا هنت والا انت فــوق القـــــــول مهما يقولون |
تم ّ بـ حمد ِ الله وتوفيقه
// كل ّ الشكر والتقدير لكل ّ من مر ّ بالديوان وترك له بصمة علي الغنامي وليد غرز الدين عمران العميري سارة الودعاني شكرًا جزيلا ً لكم ولكل ّ زائر هـُنا ~ |
فزَّ الخفوق وقلت ياالله عسى خير
أثر الَّليالي عاد غايـب قمرهـا مع شوفته نشوه وفزَّه وتخديـر وعيون خـلاَّنٍ تعانـق نظرهـا |
| الساعة الآن 08:30 AM |
Powered by vBulletin® Copyright ©2000 - 2025, Jelsoft Enterprises Ltd.