|
يدهري شبيك بالله من صفاتي صافي وجذب تلكه من صفاتي الوفه والخير والحب من صفاتي وصفات الكرم كلهن ذني بيـه |
الدهر يأهل المروة .. من صفالي
وسجاجين على اظهري .. من صفالي حبيبي خلاف عينك .. من صفالي عذول يحرك اجروحي الشجيه |
وحگ اعيونك ورسمك وداعك وحگ جلماتك الحلوه وداعك يصاحب فرهَد ابروحي وداعك انتلف ثلثين والباقي باذيه |
شياطين البحسنك .. ترجمته
ابذني وغدت روحي .. ترجمته بشغف نظرات عينك .. ترجمته اسف طلعت مسبه الوالديه |
اضل ناعور بس اترس ..واكتما
ويضل حبكم يمرمرني ..وكتمة تدري شوكت انساكم ...وكت ما اموت ويمشي الجناز بية |
اذا تمشين احس روحي يتيمه...
بالگلب غيرج ولا واحد يتيمه.. اشلونج شنهي اخبارج يتيمه .. بكبر بغداد يوجد شوك بيه |
حبيبي شما غبت عنك وأردلك لأن زارع وسط كلبي وأردلك خبر بعدي أذا مرة وأردلك جذبة ولاتشمة عداي بيه |
ابد مااحسب الساعات بكربك ولاعيد وكلامي واحد بحبك ولاعيد الفرح مامرني بغيابك ولاعيد عيدتي الصدك من تمر بيه |
وحك رمضان وصيامه ولمساك
ابد ماملن صباحك ولمساك يسويها البخت خايب ولمساك احس الجنه صارت بين اديه |
انطرك دوم من صبحك ولمساك
وشفافي ماوصلت لخدك ولمساك هجرك صوم يمدلل ولمساك وعيد الفطر من تكبل عليه |
| الساعة الآن 04:12 PM |
Powered by vBulletin® Copyright ©2000 - 2024, Jelsoft Enterprises Ltd.