حبك سكن بالروح شكاني نصين .... نص انته اخذته وياك والثاني هم دين
|
حبك سكن بالروح لو ناسي اذكرك
مو انته جنت اتكول عمري اعلة عمرك |
حبك سكن بروح سودني كلش
مشكك علية الثوب وبراسي املش |
حبك سكن بالروح يسگي المشاعر
الشــــــــــــــــعر بالدلال مو بالدفاتر |
حبك سكن بالروح خلاني مسطور
عشرة نهر تعبان وبصفه ناعور |
حبك سكن بالروح ما يقبل يـــــشيل
ارض الكنانه الروح وعيونك النيل |
حبك سكن بالروح خلخل كياني
خلصت عمري وياك انطر وتاني |
حبك سكن بالروح واحتاربالي
مدري ابجي انه عليك لو على حالي |
حبك سكن بالروح هل مرة تمليك
بروحي وكول بعيد جا وين اوديك |
الساعة الآن 10:34 AM |
Powered by vBulletin® Copyright ©2000 - 2024, Jelsoft Enterprises Ltd.