يالتمشي عكس الريح خويه اعلى كيفك
خافك تروح ابعيد ومنين اجيبك

الكاف
تحياتي لك ياعبد الامير
والله بس انت تستاهل السلام
لانك متواصل معي
اما البقية
فياتون ليقروا ولايساهمو
عتبي عليهم كثير كثير
دمت بود وخير

دزّيلي هَلْ الجفين تـُغرفلج دمــــــوع
من كلب مو غدار بس دَردَه مشلوع
العين
تحياتي المؤطرة بالورد لأميرتنا الغالية
أرجو ألا تنفعلي كثيرا لعدم مشاركة الأخوة
الشعراء ، فلكل ٍ ظرفه الخاص به ( شفتي الأخ
القدير أحمد القلعاوي كيف اعتذر ثم انتخى لندائك
فأجاب ؟! ) دمت لنا مشرفة غالية وأختا كريمة

جواب لدارمي الأخ الكريم أحمد القلعاوي

جَنّـك رخيت زمام وانـْوَخذ ْ بوشكْ
من هـَجّةِ النسوان.....فـَنَّه الينوشكْ

الكاف

عذرا لأخي الحبيب أحمد القلعاوي لهذا الدارمي الذي ما عنيت به غير المزاح ، وليس تقليلا من الشأن الذي أحترمه
جدا من خلال مشاركاتك الرائعة التي أتابعها بشغف واعتناء كبيرين .... دمت أخا كريما ورائعا

جواب دارمي الرائعة أميرة بحرف الكاف
كلما تهزني الريح ويّاي أجيبـــــــك
واحني الضلوع عليك لو شر يصيبك

الكاف أيضا يا أميرتنه
مع التحية

كافي الحصل بهواك كافي الجنيته
بكل دورة بالشريان اسمك لكيته
الهاء

هل جذب جبتي منين وانتي الشرايين
يرفسني كلبي الهام ، بيه من تمريــن

النون

نوفي ونكَلك كَول واتمنى شتريد
غالي بغلاة الروح يالشوفتك عيد
الدال

دَوّخَتْ بلـْـشِتريدْ راسِيْ اولِعْبتْ
سُولـَفِتْ للخوّان كَالولي جـِذبَتْ

التاء

تمشي عكس دنياي مدري شجاها
قدمت هاي الروح للي نساها



ااااااااااااااا