اذا شمسين تطلع كارثة اتصير .... جمالك كلي هذا منين جبته اتفق ويه الشمس لدوخ بيك الناس لو تطلع شمس لو تطلع انته .... |
بيه فرح .. بيه حزن ..
وثنينهن يردن دمع والعله مدري بيا كتر لا شوفها ولا تنسمع المرحوم الشاعر كاظم خبط |
كل حرير الله حجيته وياك .. وتكَلي خشن
الكبير الشاعر مظفر النواب |
وعلى حبك آني حبيت ألذي بحبهم لمتني ياطعم ياليلة من ليل البنفسج ياعذر عذرين ياشنهي وأحبك الشاعر مظفرالنواب |
اشتهيك
مشته الكَاع الكَصه وياه العطش .. وتريد ماي واشتريك .. بكل غلات الشوكَـ وارخص مشتراي واعتنيك .. بلايه موعد .. وانسه كل غيضي وادوس ابمستحاي الراحل : عبد العال مظهر العميري .. رحمه الله |
شاسولفلك حبيبي شسوى بيه الشوك تدري شكد الك هالروح مشتاكه مثل رمش ورمش يتوسلن بالعين يمته العين تغمض حتى نتلاكه |
هبت رياح الصيف وتغير الجو بي الجو وأنا وليفي ما يداني سمومه هو يحسب ان شمس الضحى سيدي ضو ريان عوده زايد با لنعومه فقلت أنا والله ياسيدي لو تسكن قصور شيدوها برومه يمكن تغير طابع الجو بالجو لكن فوادي من يغير همومه ياشمس طلي واختفي من وراء نو لاتشرقي ياشمس كوني رحومه [ الشاعر علي القحطاني ] |
تحيّاتي
أشكركم أيّها الرائعون على هذه المأثورات الشعبية الرائعة التي تعبّر عن ذائقة فنية. بوركتم ، وبورك اليراع. |
ما اكلك احبك جي صريح وياك
وانت البيه عايش تعرف البيه اذا اكلك احبك انحسب جذاب لان مو مره احبك لا تسعميه |
شرد أوصفك وانته وصفك مو سهل
خاف أكلك انته ورده وما يجي وصفك عدل وخاف أكلك انته ليل وأني أدري الليل بعيونك كحل وخاف أكلك انته طير وتمشي عني وينكطع حبل الوصل وخاف أكلك انته أبوية وانته أمي وأبقى بعيونك طفل وانته صدك شوفتك مو شي سهل وراح أظل أبقى أحبك وأبد منك ما أمل اعتذر لااعرف اسم الشاعر |
الساعة الآن 02:07 PM |
Powered by vBulletin® Copyright ©2000 - 2024, Jelsoft Enterprises Ltd.