|
إن قلت وش لونك ؟
إن قلت : وش لونك ؟ فلانيب بالحيــــل همي كبير وداخل القلب علــــــــــــــــه عيا يــــــــــرد الصبح مسترسل اللــــيل وعيا يقــــــــــــوم الحظ من طيحة لــــه رجلي .. وغيري راكب صهوة الخيــــــل أشقى وغيري يــــاخذ الكـــــــــــار كله يا بنــــدر امزج فــــــــــــايح البن والهيل وبهر بهــــا يـــــــــــــــــا بوك للكيف دله أبـــــــــا اطرد هموم تلاطم كما السيل كل ما بغى يدله فوادي تتلـــــــــــــــــه عجزت متوني وارتدم فوقي الشيـــــل والرجل جاها من حصا الدرب خلـــــــه تمشي جروح الوقت في خافقي غيل وتلمع سيوف الضيم في وجه سلـــــه إن قمت طق الغار راسي من الميـــل وان جيت أبا اقعد فوق جمر وملـــــــــه |
بلاني
بلاني بلاه الذي بــــــــــه بلاني وانا قبل اعرفه حيـــــــاتي هنيه بغاني وجيته على مـــــا بغاني دعاني على مـــــــــــارد للمنيه ولاني بحبه وحسنه ولانـــــــــي وهو ما تهيا وحـــــــــــــالي رديه جفاني عقب ما ملكني جفاني ألا حسبي الله نواني بنيــــــــــه غواني وذي عادة للغـــــــــــواني يخطون من لا يعرف الخطيــــــــه |
صباح الخير امل.. شاعر قوي وشعر رائع يازين ما اخترتي يسلم ذوقكِ طبعا بعد إذنك بنسخ الموضوع باحتفظ فيه عندي.. انتي روعة.. |
صباح الشهـْد سارة ~
بالتأكيد شاعر كله جمال لك ِ ما أردت ِ عزيزتي بل يـُسعدني ذلك وبدون إذن :) |
من بلاه الله
مـــــــــــن بلاه الله تصبر واحتسب عادة المسلم على الشـدة صبور اتلمس للخوي عـــــــــــذر وسبب لى لحقني من بعض ربعي قصور واتحمل زلــــــــــــــــة كحيل العرب واتحـــــــاشى عضة ال*** العقور أعشق الغــــالي ولا هوب الذهب وانزل العــــــــالي ولا هيب القصور في هجير العمر خـــــــاويت التعب فوق رمـــــــل البيد أو موج البحور كل حي في حياتــــــــــه له طلب ذا تهيا لـــــــــــــــه وهذا في دبور لا تعجب مــــــا على الدنيا عجب حكمة الــــــــــــرحمن خلاها تدور |
مما يجي منك
مما يجي منك يــــــــا صبري وان دام ذا الحــــــــال عزا لي لا تاخذ العمر يـــــــــــا عمري توص فيمــــــــــــــا تبقى لي أموت في لونك الخمــــــــري يا نشوة الروح يــــــــــا غالي لك مبسم بالهوى يغـــــــري قلبي معه بالهوى مـــــــــال يا اللي معك خاطري يسري وطيوف الأشواق تبرا لــــــي |
أصبر
أصبر على الشدات صبر الرجاجيل واقدم على صعبات الأيـــــام عازم اليوم ما يصمد سوى ثــابت الحيل واليوم ما يقدم سوى قلب صــارم ما ينفع وجوه المقـــــــاريد تجميل ولا يرفع الهافين طـــــــــول القوايم |
نفسي عيوف نفسي عيوف يا اريش العين تجزع ما تقبل الحقــــران لو من عشيري إلى متــــــــى في طلبتك باتخضع واسأل متى يـــــــوم الوصل بيصير لو كان قلبي في هـــــــواك يتقطع خلــــــــــــــه لعله بالقسا يستخير أنا جزمت انساك يــــــــا زين وانزع اللي بقى مــن حبكم في ضميري مثلي عزيز النفس عنـــــــك يترفع دور هبيل فـــــــــــــواد مثلك غرير |
يا قلب
يا قلب لا تجزع لمــــــا سووه الله كريم يعـــــــــــــدل الميله من شال درع الصبر ما طالوه الصبر مضمونه محــــــــاصيله اللي لقينا قبلنا لاقــــــــــــوه يـــــــاما كريم ظلم في جيله ترى صليب الــــراس لو حدوه ما ينثني لى عـــــالت العيله يا لعن ابـــــو رجل إلى ضدوه مــــــا يرتكي للحمل ويشيله |
لو وفيت
لــــــــــــو وفيت وجيت يوم زرتني لو صدقت أفنيت روحي في هواك لـــــــو سمحت بنظرتك وامهلتني أحضن عيونـــــــك بقلب ما نساك لــــــــو لمست الوجد بي ولعتني واهتديت بنــــــــــور قلبي وافتداك لو نظرت بعين قلبــــــــك شفتني ما معي مخلوق يستــــاهل غلاك ليتك من الحب مــــــــــــا خوفتني كان اعيش الفين عمـــر في رجاك يا قليل الحظ لـــــــــــــــــو رغبتني كان أخجل كل بــــــــــدر من ضياك |
| الساعة الآن 10:30 PM |
Powered by vBulletin® Copyright ©2000 - 2024, Jelsoft Enterprises Ltd.