|
ضيعت الدليل
كل مااقفيت نادني تعال وكل مااقبلت عزم بالرحيل وكل مااجنبت واعدني شمال يااهل الحب ضيعت الدليل الحقيقة غدت مثل الخيال هو عدوي وهو اغلى خليل شفت انا الظلم من بعض الدلال يجرح القلب لو كانه جميل اشهد ان الهوى مابه عدال هو خلى وانا قلبي عليل وكل ماقلت له يابن الحلال المحبة عطا وانت بخيل التفت لي وهو عجل وقال لذة الحب في الشىً القليل // |
الفجر البعيد
نامت عيونك وصحى الليل مظنونك أغاني قصّت جناح الثواني غيبتك وصارت الساعة أماني وآهـ ..آهـ أنا حروفي في غيابك لا هي حكي ولا هي قصيد أكتب الظلما وأعيد وإنت يالفجر البعيد .. نامت عيونك إسهر معي ليلة حاول تحس بلوعتي ليلة عد النجوم وش كثرها.. ياللي بقلبي كثرها نام .. القمر فـ وسادتك نام ليتك تغير عادتك خل القمر ليله.. يسهر معي ليله أنا حروفي في غيابك لا هي حكي ولا هي قصيد أكتب الظلما وأعيد وإنت يالفجر البعيد.. نامت عيونك يا ساحر البسمه .. أساهرك نجمه وابسمعك كلمه .. كلمه و لو كلمه قم نادني .. يالله عسى تحتاجني وإن مر ليلي ما سألت وإن زاد ظلمك ما عدلت آهـ.. آهـ أنا حروفي في غيابك لا هي حكي ولا هي قصيد أكتب الظلما وأعيد وإنت ياالفجر البعيد.. نامت عيونك // |
أستبد
استبد..استبد احيان استمد كل هذا الظلم من ألمي اتحد من راسي .. لقدمي واضرب بعواصفي وبزلزالي واهّدم الناس .. واهدّم بحالي لين استرد بعض اثيابي من الريح ولحمي من الشوك.. وابتعد..ابتعد واحيان ما املك العواصف .. ولا الزلزال ولا حتى .. فـ الهجير .. ظلال لكن استبد..استبد باللي عندي اضرب بيدي فـ الهوى..بجبيني فـ الصخر لين اتعب ..اتعب..وانهمد مثل طفل اضناه البكا.. والسهر وانتي آخر ماأعد في عمري واجمل ما أعد اعشقي ظلم الغصون الخضر للحطاب والجلد للأنياب..والجفن للسكين اعشقي هـالظالم المسكين... واتركيني انصهر في الشمس والا ارتعد في البرد لكن استبد..واسترد اثيابي من الريح ولحمي من الشوك وابتعد .. ابتعد // |
البتول
كـل أرضٍ تشيلك يـا ثـقيـل الحمــول وكل وقتٍ كريمٍ بالرضا والزعل وين مـارحت تلقى لك حبيب وعـذول وين ما كنت تلقى مثل ياسـك..أمل ياطـريق الترجي والوله والـنـحول والله إني مـشيـتـك... لـين حد الـثـمل مالقيت فوصولي لغـير قــبري وصول ولا عـرفت فـحياتي مثل عرفي الجهـل لا تظـن المـسافر مـن يسوق الـرحول مـن وقف دون حلمه عاجزٍ ما رحـل وما لمخلوق منجا في الحذر والجـفول مـا تـصيب السـهام ولا يـطـيـش الاجــل الـلـيـالي خـــــوات.. مــير مـنـهـي البـتــــول والحــوادث عـشــــايـر مـير ويــن الفـحـل ليلةٍ لـك .. وليله بـالفـــرح مــا تـطـــــــول ولـيـلـةٍ مـن شــهــدهــا ذب راس الــجبـــل أتذكّر في عين الشمس طفــلٍ خـجـــول شـالـتـه فــي هــدبــهــا وقـت لــين إشـتـعــل أعجب الناس وهجـــه بالجــدل والفـضــــول ما دروا عن (جمـــال الجـرح) لــين إنـدمــل والله اني كتـبـتـه في العطــش والذبـــــول لــين غــصــنــه تــعـــدل بـالــورق وإعـتــدل والله إنـي كــتـبـتـه لــــين قـــــــال الجـهــــــول والله إنـي كـتـبـتـه وانــتــشـى واحـتـفــل ما أتفه الشعر كانه هالحكي اللي نقول لا تـعـدى الــمــــديــح ولا تـعــدى الـغـزل إن لثمت الزهــــــور وصــــاحبتني الحقــــول مـاهقيت ان صافـي الشهـد عيب النحل مابقى في ضلـوعي كود ريـح مـعـمــــول وثــــوب شـاشٍ عـليه مــن النــدامـه وحــل ألـتـفـت للـطــــريــــق ومــا عـــبر مــنــه زول فـــي جـفــوني تـزاحم عبرتي والـوجــل طـلـت يالعـمر والا قــلــعـتـك لا تـطـــــــول طــاولــتـنــا الـلـيــالي بالـســــهــر والــمــــلـل إن تـعـبـنــــا نـــحـب ولا لــقــيــنــا قـبـــــــــول مـا تــسـر الامـــانـي .. ولا يـفيـد الـعــذل لكن .. الله كريم وكل همٍ يزول مـا على الله بعيد .. ولا جـفـاك الـمـحـل كـل أرضٍ تشيلك .. يـا ثـقيـل الحمــول وكل وقتٍ كريمٍ بالرضا والزعل // |
سوالف عرب على جال ضوهم
عبر العصور .. السالفه .. كانوا العرب .. يشرون المهر .. بمية ناقة كانوا الرجال .. مثل الرماح .. قاماتهم مشدودةٍ .. ودقاقة وكانوا الحريم .. صبرٍ قديم وفا .. وسماح .. والى .. اقطعوا عن الفطيم .. الحليب قصوا عسيب .. من انخله واعطوه له وقالوا فرس اعطوا الصغير .. سيفٍ خشب ومجدٍ يحبه .. يوالفه السالفه .. رغم الفقر والجهل .. واوقات المرض ماكان للبسمة غرض ولا كان للدمعه .. غرض ماكان في الدنيا .. سوى ثوب ورغيف .. وعرض نظيف وكرامةٍ ماهي تمس .. السالفه .. اني أحس انا عكسنا السالفه صحيح قهرنا الفقر والجهل .. وايام المرض لكن غدى لكل شي .. غرض السالفه .. ان القديم كله غدينا .. انخالفه ابدون وعى .. والابوعى ماانتم معي .. انها قديمه السالفه // |
آه يالجراح
لا جيت أنا بــ سامحك.. تبكي الجراح ما ودها.. مشتاق ودي أصافحك.. عيت يدي لا مدها... آه. .يا لجراح .. راح اللي راح .. وراحتي .. من يا ترى بيردها .. يا حب.. ياذ كرى واسم.. مدري انا ابكي عليك من العذاب اوابتسم.. صدقني في يأسي .. نفسي تبي نفسي تبيك .. لا يا دفا شمسي تبيك.. ليه خنتني ..الله عليك .. آه يا الجراح .. راح اللي راح.. وراحتي .. من يا ترى بيردها .. لا تحاكي عيوني .. يمطر سحاب الملح .. ولا تلمس أشجوني .. ينبت في قلبي جرح .. ناظرني يا خلي .. جرح انا كلي .. وشلون أبـ ارضى الصلح .. فصل الخريف حبي ..حزن وورق أصفر.. ...ودعني يا قلبي..وخل العذاب أقصر.. آه يا الجراح .. راح اللي راح.. وراحتي .. من يا ترى بيردها .. // |
هذا المسا للحب .
هـذا الـمـسـا للـحـب للـشـوق والمـواعـيـد هـذا المسا في الـقـلـب شمع وأغاني وعـيـد هذا الـمـسـا لك انت مـهـمـا تكون بـعـيـد .. وينك حبيبي .. قبل الشفق ما يغيب .. تدري حبيبي .. كل الصبر تعذيب مادري سحابه شال ولا شعاعه جيد هب الهوى آمال وهب الهوى تنهيد للحب ألوان السما بعد الغروب زهر البساتين مصابيح الدروب للحب ما تخفي القلوب من الهوى وتحكي والقلوب وتمر في صدري هبوب لومرّ طيف ٍ يشبهك وأصدّق الليل الكذوب ولا انت ماحد ٍ يشبهك الشمس غابت والمدى جمر ورماد وينك حبيبي يا ترى وين المعاد قبل الأمل ما ينطفي في ناظري ويصبح سواد لمحت في الظلمة سنا وجهك حبيبي وضحتك وأقبلت يا عمري أنا شوقك يسابق خطوتك وينك حبيبي قبل الشفق ما يغيب تدري حبيبي كل الصبر تعذيب // |
أكـــذب
صحيــح اني انسـى الـحوادثـ .. والمـــلامـح .. والأســـامي ... لمــا أكتــبـ عـن آ لامــــي ..شـــعر ابــعد مـــايكـــون .. عــن مجـــرد جـــرح دامــــي والأســـاور .. والمـــرايه .. والهــــوى القــاسي .. الحنــــون عــندي همـــوم القصيــــدة .. غـــامضـــة ..... صعبـــــة .... عنيــــدة .. وانــت عـــاشق للــــوضــوح .. يتعبــــك بحـــري ظـــلامــي .. ودكــ بســري أبـــوح .. وانــــا آخـــر همـــي بــووح .. تكفــــى لا تــزيــد فــ خصـــــامـــي .. وقلـــي مــاتفهـــمـ كــلامــي .. انــا انســـى الحـــوادثـ .. والمــلامــح .. والأســــــامي .. * * * لمـــا أكتـــب أغنيــــة مثــل (الـــرســايل )..... وانـــا أكـــذب .. والخيــال العــذب كـــذب .. كنت لازم أخفــي ســري ومــا اقـــول .. انـ هـــالمـــرة شعــوري .. هــو خيــالات الحقــول .. تطـــرد اســراب الطيـــور .. عــن حقيقـــة .. عـن شعـور .. مــاهـو في حـب السنــابل .. انمــــا تحتـ الجـــذور .. كســروا العشـاق بـابي .. قطعـــوا لحمـــي وثيــابي .. خلعـــوا الأدراج .. طـــاحت مـزهريــاتي الجميـــلة ... شققــوا جفنــي كتــابي .. وســــألوا .....؟؟ ويـــن (الجــــديـــلة ) وبسمــــة العيـــن الكـحيلــة .. مــالقــوا في بيتــي إلا.. مــالقــوا فـي صــدري إلا .. مـــالقـوا قي قلــبي إلا .. أمنيــــاتي المستحيــــلة .. وإنــــي احــلم .. بـس أحلـــم * * * * اعبـــر الشـارع معـــاي .. فــي الــرصيـــف الثـــاني قهــوة .. فيهــــا اربـــع طـــاولات .. وحــده اجلــس فيهـــا وحــدي .. ووحـــده للــي يجــي بعــدي .. ووحــــدة لأجمـــل حـــرف عنـــدي .. أمـــا رابــــع وحــدة دايـــم للـــي مـــــات .. زحمـــــــة .. لكــن كــل مـن في القهــوة ربعــي .. كلــــهم .. همــــي .. ودمــعي .. ليــــه مـــاتجلـس مكــاني .. وهــذا شــوفي ... وهــذا سمعـــي .. أطــــلب اقــلام ودفــاتر .. حــاول .. اكتــب عــن حقيقـــة .,. مـــاهي وجــهه .. ولا مكـــان .. ولا دقيقــة .. أدخــل الزحمـــة فــ ضميـــــرك .. لا تلفت .. وانــت مــا في القهــوه غيـــرك .. غمـــض الدنيـــا ... وأكتــب .. وإنـ ســـــأل في يـــوم ســائــل ... عــن معــــانــي .. عــن شعــــور .. قـــله مــابيــنـ السطــور .. وإلا تـــدري .. قــــله ....... قـــله أكــــــــذب ... // |
عيون الليل
عيونك لاتوريها .. لغيري لاتوريها .. عيونك لي .. ولو أقدر .. عيونك عنك أداريها .. أنا لو بعت نظراتك.. ابيع العمر واشريها عيون الليل .. انا بالحيل أحب أسهر لياليها .. وأحب أبكي .. وهي تبكي .. وأفرح للفرح فيها .. حبيبي لو ضمنت اليوم .. أعيش الشك في باكر .. يجي مستقبل الايام .. يغير في هوى الحاضر .. يغيرك الزمن بعدي .. تعلم طبعه الغادر .. أخاف عيون مايدرون .. وش اللي يجرح الخاطر .. وعيونك آه .. لو يدرون .. حياتي فيها للآخر .. عيونك لاتوريها لغيري ..لاتوريها .. // |
ديمه
قلت المـطر . . قالـت من اليـــوم ديمــــه ما به رعـد . . لا بـرق . . ما غـير هـتان عشـقٍ جـمع ما بيـن قاعٍ وغـيمه فـيض على صدر الثـرى دمع الأمزان هــمس النديم .. الــلي يعـاتب نـد يــمه صـوت المطـر .. كـنه تعاتـيـب خلان وتبــسـمــت لا جل الــلــيالي الـقــد يـمـه وقالـت تــذ كر قـلـت يابـنت نسيان نـقـض الجـروح الـلي تـشافـت ظـليمــه ما عاد به وصـلٍ ولا عاد هـجران ومـا لـلرجا فـي بعض الأحـوال قــيــمه ومال العـمى صبـحٍ ولو بات سهـران لــو لــلزمن .. عن نية الغـد ر شـيـمـه مـا فـــرق أحـبابٍ ولا بعــد أوطان كلٍ خـصـيم .. وذاق لـوعـة خــصـيـمـه والـلي خـصـيم الوقـت يا بنـت خـسران // |
أغنية في العشق والموت
ضمي مَلامح صورته .. ضميه .. لعله يفيق .. يَشهق .. أو يَردّ النَّفسْ .. ضمّيه لعَله حبس .. صٌوته .. رعشة عرٌوقه .. وخيم حزين الصمت فُوقه .. مات .. مات من قبل ما يكتب له فـ قٌربك حياة .. من لبسه ثوب البياض .. من سبل عيٌونه .. مسح غبرة جبينه .. وش يفيد .. اللي زرع نصلٍ حديد .. في قلبه الطيّب نسى .. قولي عسى .. ما تلمحي .. فـ طرف ثُوبك له دما .. يا خٌوفتي .. اللي سبح في نهرك الجَارف .. غد اموته ظما .. ضمّي ملامح صورته .. ضمّيه لعله يفيق .. يشهق أو يرد النفس .. صوته جرس .. ينحب على بوابة الليل .. يوقظ خدر جرحك .. يتل من عينك احبال الدّمع ضمّيه لعله سمع .. انك تحبينه .. ولا ..قلتي تحبيه .. ولا .. قلتي تحبيه .. // |
ســـــــــــــــــارة
من كُتب الحب العتاق .. وتاريخ الفراق وستاير الدمع الرقاق .. جمعت قلبي غبار .. وقطع فخار .. ومن على المرمر البارد .. ومن ما نسته النار .. من غيمي المحروق .. وحملت عيوني وركبت أول سفينه تبحر .. على وجهي الاصفر .. خريفٍ طال .. وسلال من رذاذ وملح .. وفي صدري حجارة نسيوها بحاره .. مروا علي فـ يوم .. وقالوا تعال معنا .. وما كان يجمعنا .. إلا الضياع والريح .. راجع من الايام .. من الاحلام .. ومن الف سناره .. مغروسة بقلبي .. لقيت لي بشارة .. ما اغلى عطا ربي .. أثر العمر ساره .. وموج البحر ساره .. وكل المدى ساره .. سافرت كل العمر .. وراجع احب سارة .. // |
ليل البعاد
ما أطولك ليل ... ليل البعاد .. والإنتظار .. ما اطولك ليل ... سارق من عيون النهار ... ناسي زمانك ... زمانك .. يا شجوني ... عارف مكانك .. مكانك.. في عيوني ... يا ليل .. يا ليل .. يا ليل أنا ربعي هناك ... وداري ورا الدمعه .. وراك ... الله على شمس الأصيل .. من ضيها مثل الذهب .. الله على سمرا تقول .. الى متى الفرقا .. تطول .. في صوتها .. شوق وعتب .. ما أطولك ليل .. ما اطولك .. طال .. طال بي وجد .. قلبي يا هواي .. يا دفا نجد .. في عيون الصبايا .. ليتني نسمه .. على عالي عسير .. أو على جده .. على الشط الحرير .. ليتني نفحة أريج .. عطرت ريح الشمال .. يا ليتني موجة خليج .. ترتمي فوق الرمال .. ما أطولك ليل ... ما اطولك .. // |
مزهرية
لا إنتي وردة .. ولا قلبي مزهرية من خزف صدفه وحده جمعتنّا .. شوفي وشلون الصدف التقينا في مدينه .. وفرقتنا الف ميناء اغفري للريح .. والموج .. والسفينة كانت الرحلة حزينة .. للاسف كنت أحلم لما ناديتك بسافر مع عيونك في شعاع الفجر باكر والله اعلم إني صادق كنت أحلم إني عاشق لاأخاف ولا أضيع .. ولاأفارق ويش اقول غير إني آسف ويش اقول انا خانتني العواصف والفصول آه .. ياتعب المسافر في أراضي الجرح و في بحر المحاجر مالهذا الحزن آخر .. او لهذا الجرح آخر ياشمسي الأخيرة .. في اللحظة الأخيرة أنا .. لي كلمة أخيرة إغفري لي إبتسامي .. قبل جرحي حاولي تنسي كلامي .. قبل صمتي ولو زعلتي .. ياأعز الناس إنتي // |
أبي النسيان
تذكرتك .. وأبي النسيان ألايا خل ساعدني أنا مالي ورى الذكرى .. إلى مات الأمل خيره أنا ودي على الفرقا حبيبي لو تعاهدني وإلى شفتك .. تصد ولاتجيب لما مضى سيره تخيّر غير هذي الأرض .. مكانٍ به تواعدني تخيّر لك مكانٍ صعب .. أعرف فيوم تقديره عسى الجرح الذي يدينك أشوفه عنك يبعدني أنا اللي أكرهك .. وأحبك .. شعورٍ صعب تفسيره حسيبك .. يالهوى الظالم .. حسيبك لاتعاندني بيلقى صاحبي غيري وأبلقى في العرب غيره // |
يا هلا بك
يا هلا بك ولا تطري الوداع عش معي لحظة الفرحة حبيبي عمرنا اليوم والباقي ضياع تصبح الأرض في قربك وساع دام فرحة عيونك من نصيبي ونبتت ضاقت الأرض الوساع آه لولاك يا دافي الشعاع كان مرتاح بالي وش تبي بي تشغل البال يا دافي الشعاع أحسب إني على الفرقا شجاع بطوي الجرح أو بخفي نحيبي وأثر ما في الهوى مغرم شجاع يا هلا بك عدد عمري اللي ضاع او عدد ماتمنيت حبيبي ليت الأيام ما فيها وداع // |
أقول أحبك
قالوا حروفي عمي وعيونك بروق مافي قصيدي جنح ليلٍ وبارق قلت الذي له داخل ضلوعي حروق أقرب من اللي في سما الناس شارق غيري يشوفك وأجود الشعر مطروق وأنا أحسـّك وأصدق الحب فارق ياللي عيونك دم وعيونك عروق ولهاث قلبٍ فـي نواعسك غارق أقول أحبك يخرج البحر صندوق تبرالغزاة وكنزسودالبيارق وأقول أحبك صدرالايام مشقوق عن وجه غرناطه وعن مهر طارق وأقول أحبك والله إني من الشوق ألقا طيوفك في جميع المفارق كتبت لك قلبٍ من القلب مسروق ولا طاب لي وصفٍ من الوصف سارق // |
لـكـن
دروب الارض .. لـكــن انـا احــــس السفــــــــــر ســــــــــــاكن دروب الارض .. مابـيـن الامـــــــــــاكن ولغـيـر الارض وين بنروح .. نسافـــــر كأن الصــــوت .. يرجــــع للحـناجــــــر كأن الدمـــــــع .. يرجــــع للمحاجـــــــر كأن الجـــــرح .. يرجــــع للخـناجـــــــر مـثـل كـل الطـــــــيـور اللي تهاجــــــــر وتـرجــــــــــــــــع كـل مـــــــــــــــــــره تعـب هاالبحـر لايجـتاز جدران السواحل تعــــــب هاالبــــــر لايـــرقى الجـــــــبل تعــــــب هاالقـلــب لايصـبـح امــــــــــل وانــــــا لي سـنـيـن واحــــــــــــــــــــل حـملــت الطــــين كله .. لكـل الطــــــين تخــــيـل ياانــــا المســـــــكـيـن كــم لك عــلى هـــــــذا الانـــــا .. مصلـــــــــوب دروب الارض .. لـكـــــــــــــــــــــــــــن ما للارض لو تبغى الهـــــروب .. دروب // |
الاجمل انك تسامحني
الـبـارحــــــة والقـلـــــوب اصحــــــاب كـنـت القـمـــــــر وانـت تـمـدحــــــــني واليـــــــوم لي مخـــلـبـيـن ونـــــــــاب ومشـــــــاهـد الـــــــدم .. يفـرحـــــــني كـــــــــذاب هـذا المـــــــدح كــــــــــذاب وكــــــــــــــــذاب ذمٍ .. يجــرحـــــــــني إنـســـــان مــــاني نجـــــم وشهــــــاب ولـيـتـك مــــــــلاك وتـصـلـحـــــــــــني لاصــــرت عـــــــاري عـلي اثـيـــــــاب بالله وشــــــــــلـون تـفـضـحـــــــــــني أخـطـيـت .. وأخـطـيـت كافي عـتـــــاب انـطــــــق بحـكــــــمي .. وريحــــــــني ياصـاحـــــبي ماقـطــــعـت رقــــــــــاب عــــــــــدل قـصـــــــاصي وتـذبحـــــني ولاني بعــــــــد اجـمـــــل الاحـبــــــــاب الأجـمــــــــــــل انـك تســــــــامحــــــني // |
رسالة من بدوى
يابـنـت انــا للشـمـس في جــــلـدي حـــــروق وعـلى سمـــــوم القيــــــظ تــزهـــر حــــياتي اطــــرد ســـــراب اللال في مـــــرتع النــــوق ومــن الظــــمى يجــــرح لســـــاني لهـــــاتي عـــاري جـســـــد واللـيـل هـتـــان وبـــــروق دفـــــاي انـا والبــــــــرد سـمـــــل العـــــباتي ان عــــــذربوني بعـــــض خـــلانك صـــدوق يابـنـت انـا عـشـــق الخــــلا مــن صـــــفاتي وشــــم عــلى رمــــــل(المتاييه) مـدقــــــوق لاشـــــك مـن مـنــهم يســـــــوي ســـــــواتي انا بـدوى ثـوبي عــلى المـــتـن مشقــــــــوق ومـثـل الجــــبال السمـــــر صــــبري ثبـــاتي ومـثـل النخــــــيل انا وهامــــــتي فـــــــــوق ماعــتـدت انا احـــني قامــــتي الافـصــــلاتي والي افـتخـــر بفــــــعال يمــــناه مخــــــلوق يابـنـت انا فعــــــلي شــــــهوده اعــــــــداتي الله خـلـقــني كلــــمة الحـــــــق بوفــــــــوق وملـكـــت الارض(وراس مــالي عــصـــاتي) // |
لاتناظرين بعيد
تعبت اناظر فوق .. واتعلق بشوفي .. تحتي الثرى مشقوق .. وهمك على كتوفي .. ولاتناظرين بعيد .. وبلادي في عيونك توي قطعت البيد .. لرضاك .. وبدونك .. ماعاد فيني اعروق .. ودمي على سيوفي .. لاتمطريني ورد .. مشقوقه كفوفي .. مثل الثرى .. والقلب .. قمح ونخل محروق .. وجدراني حروفي .. تعبت اناظر فوق .. تحتي الثرى مشقوق .. قمح ونخل محروق .. ماعاد فيني عروق .. ماتنزلي لخوفي ..؟ // |
الله يرد خطاك
الله يرد خطاك لدروب خلانك .. لعيون ما تنساك لو طال هجرانك .. دام الأمل موجود فالنفس خضاعه.. حق العيون السود السمع والطاعه الله يردك لي .. يا مطول غيابه .. يا معـذبي هجري .. مدري وش أسبابه .. دام الأمل موجود .. فالنفس خضاعه .. حق العيون السود السمع و الطاعه .. ياللي بعدك اليوم .. نبكي على باكر .. صبري عليك يدوم .. مادمت أنا فاكر .. إن الأمل موجود .. فالنفس خضاعه .. حق العيون السود السمع و الطاعه .. // |
على النوى
على النوى علمــــي هجعة الليل نجل العيون من بكا ســــــــــــــال واليوم غبر الياس قل المراسيل يا من يطمني عسى ليلهم طـــــــال الله على اللي ما صفط لي غرابيل لا شك شرع الحب هم وغربـــــــال قفى ولي في حجر عينه تعاليـــــل تقول يا ذا البعد نجزيك بوصــــــــــال وتعلقت روحي الليالي المقابـــيل ويا عنك ما يا من من الوقت رجال لا ما عليّ لو دمع عيني همـــايل الموت دمع القلب لا صار همّــــــــال // |
ياسواد العين
ياسواد العين .. فـ عيوني سواد .. النظر دخان.. وأنفاسي لهب من نثر في مطلع الشمس الرماد ومن جمع في موقد اللوعه حطب كانها الفرقا .. فهي همٍ وكاد مير اظن الياس ياخل السبب ياالبعاد اللي ورى طولك بعاد ماورى الدرب العسير الا الصعب وش بقي لي من الرجا كود العناد وش جنيت من الهوى غير التعب لو يرد العشب لومي للجراد كان لمت السحب في جرد الحدب // |
قال مجروح
قال مجروح ... جاوبته نعم قال ماشوف بك ... اثار ...دم قلت وان كان في ذاتي النزيف قال ما به نزيف ... من عدم قلت وان خان بي اغلا حبيب قال وهم ... بنيته وانهدم قلت ماعذبك يوم الفراق قال درب وتمشيه القدم قلت ما به سوى جلدك شعور قال غيره فلا احس ... بالم ياوسيم الناس لو قلبك وسيم واكرم الناس في غير الكرم عندك الظلم عدل ٍ في الهوى واعدل العاشقين ... اللي ظلم انت لو كان في حبك حياة كان خلى حياتك له طعم اتعس الخلق من يرجي ... هواك ما اضيع النبض في ... قلب الصنم // |
الهوى الاول
ليه احس أنى ونا اشوفك حزين وقلبي الليله بهمي ممتلي كانها الفرقا ... طلبتك حاجتين لاتعلمني ...ولاتكذب علي خلني مابين شكي واليقين وش يهم رضاي عنده وازعلي باكر اللى خافي لازم يبين الوعد بالقى مكانك به خلي وانتظر لى ليله او ليلتين لين مايقضي السحاب وينجلي ولا قطعت الياس ببكي دمعتين للهوي الاول وباوادع هلي صاحبي باموت من كثر الحنين بس انا بختار لحظه مقتلي // |
القاع..والمسافه
أنا احبك ..مابها زيف وخداع رغم الذي نخفيه ..واللي نخافه اودعك..لو الألم لحظه وداع الى مضت..ننسي الألم والحسافه وافارقك..لو السفر ..يم وشراع وبعد الفراق .. اللي نوده نعافه لاصار مافي البعد راحه لملتاع با الله وش نفع العتب والكلافه من الجفا والصد .. يكفيني اذراع لاجف نهر الحب ماتت اضفافه أملي يدك رمل وترى هاذي القاع ومدي النظر .. تدرين وش هي المسافه أنا احبك ..مابها زيف وخداع رغم الذي نخفيه ..واللي نخافه اودعك..لو الألم لحظه وداع الى مضت..ننسي الألم والحسافه وافارقك..لو السفر ..يم وشراع وبعد الفراق .. اللي نوده نعافه لاصار مافي البعد راحه لملتاع با الله وش نفع العتب والكلافه من الجفا والصد .. يكفيني اذراع لاجف نهر الحب ماتت اضفافه أملي يدك رمل وترى هاذي القاع ومدي النظر .. تدرين وش هي المسافه // |
هِم
هِم يافؤادي ِهم .. بالوتر .. بالشادي بالزهر ..بالوادي همِ.. يامساالحب ..ياالدنيا.. يامسا الحب ليلنا حب.. ياالدنيا .. ليلنا حب لبست الضي الشوارع .. والدروب والمباني .. شامه في خد الغروب والمدينه..غادةٍ .. حسنا..لعوب هم ِ.. يافؤادي اعطني زهره..وانا ابيع الظلام.. واشتري للحرب ... سرب من الحمام .. من يعيش فـ حب .. بيموت بسلام.. وهِم ..يافؤاديِ هم // |
ليلي مثل ليلك
ليلي مثل ليلك ... او همومنا غير قلبي صباحك مشرقه مع صباحي يااللي السما عندك... رياض ... ونواوير ومن الفرج عجعج سناها ... وفاحي وانا نجومي ... في الغداري مسامير على السما ... دقت فكل النواحي علمي بنور الشمس ... وقت المعاذير قلت الفراق ... وصار هذا مطاحي كان الالم .... غيث فدمعي تناثير وكان الندم سيل فخدى ... بطاحي // |
تعالي
عتيم الليل قمرنا من زمان والله .. فقدنا نوره .. عتيم الليل .. احس النظره تتكسر ... على سوره ... سهرنا ..في عتيم الليل .. حزين الهمس .. قدرنا ... ننتظر باكر .. شعاع الشمس.. تعالى .. طالت الغيبه .. وأنا مشتاق .. أنا مشتاق .. أنا الأشواق .. أنا العشاق .. تعالي من جسور الليل .. تعالي ضي .. تعالي في هجير العمر .. حنان وفي.. وربي طالت الغيبه ... حنون الليل .. وصوتك همسة التحنان.. حنون الليل .. بيروي بالأمل عطشان .. حنون الليل .. وانتى بتسمعي صمتي.. تحسي بي .. تقاسي في تعذيبي .. تشديني من الأمواج.. ترسيني على مينا .. وصوتك في ليالينا .. أبد ساري ... حنون الليل .. وانت الريح والساري ... تعالى .... طالت الغيبه وربي طالت الغيبه // |
لاتقول
لالا تقول ودعتني داري بالحيل مالي عليك عتاب مريت في موعدك ساري وقفت لين النجم ماغاب الليل تحت الشجر عاري والفجر غطى السما بثياب والريح في كفوفها الذاري تدفن ارسوم الوعد بتراب مريت ماللوله طاري ووقفت ماللندم اسباب مدري تعودت مشواري أو خان بي قلبي الكذاب // |
ليه
ليه انكسر ... مثل القزاز .. كل مرةٍ .. أبوح همي .. وتسمعه ياصاحبي .. وش حاجتك .. في غرشةٍ طاحت شظاياها بيدك .. وش حاجتي .. فما تجمعه .. لي صاحبٍ .. كل مااشتكيت .. همي عليه دايم يجرح اصبعه .. واصاحبي الشكوى بها ذل .. حدٍ رهيف .. أنما جرح يقتل .. الشكوى ماتلبس ثياب.. عريانةٍ ماتلبس ثياب .. في وجه راعيها .. أموت أنا لو قلتها .. وأموت ابخفيها .. ياهيه .. وان كانك رفيق قم دلنى .. على طريق .. ماهو يوصلني لطريق .. عن يمةٍ .. غير الجهات الأربعه .. اطلق حبال الليل .. خل الظلام يسري .. المركب اللي كل مافل الشراع .. قلنا بعد بدري ابي .. اوقظ النوم .. وأهدهد اسهادي.. أحفر في رمل وسادتي .. قبرٍ وسيع .. أبي ادفن اعنادي .. ابطرد الدنيا ورى باب الجفن .. وأغمض اعيوني .. مابي اعض ابهامي بسنوني .. واشكي عليك .. الليل كله .. ياصاحبي نجم يطيح .. خله .. خله يطيح .. لاترفعه .. أنا انكسر مثل القزاز .. كل مرةٍ تدري بهمي وتسمعه // |
ناي
في الشارع .. عتمه ونور .. زحمه ..واشارات مرور .. تاقف على انفاس الطريق .. مشيت انا ..وهمي العتيق .. وقبل التعب .. مايهدني.. سمعت صوتٍ شدني .. ناي .. في صوتها ناي .. غنى وجرّحني الشجن .. دقات قلبي .. وقفن.. وخطاي قالت وش الوقت ... ناظرت ليل اعيونها ... وصبح الجبين .. ومرت ثواني صمت ... وقلت الزمان .. انتى.. وكوني اللي تبين ... من يومها ماعاد اناظر ساعتي .. وش حاجتي .. أعد الزمان .. وهى الزمان الجاي // |
شكراً صدقت
لو كـان في كفي رميته في كفك يفـداك مافي الحب من صـادق الحب تـحبنّي؟..ياعلّني بعض ضـعفك قلبي جـرادٍ بعد مـا حصـّل العشب أنا قـديم الـهم وأنفـع لعطفك أما الـهـوى ياسـيدي مركبه صعب يا ليت لي صهوة جوادٍ وأخطفك للشمس لنجـوم المجـرات..للشـهب تحبني..وأقـول من زود لـطفك شكراً صدقت..وألف شكراً على الكذب // |
أقـوم بجبال
أقـوم بجبـال ولا أقيم في سفـح لـو أطعموا لحمي لعوج المخالب يابنت مابه ذنب يصعب على الصفح كود الهوان وعيش سحم الثعالب لاوالذي كرّم جديلك عن النفـح العز ماهو بين شـاري وجـالب الله خلقنـا تلفـح وجيهينا لفـح حـر السمايم في عزيز المـطالب سـوى رضينا أوطفح كيلنا طفـح عض النواجـذ طبع والطبع // |
لامن غديتي شمس
لامن غديتي شمس .. وشلون اعذلك لابد مايظهر مع طلعتك نور ماالومهم وان لدت عيونهم لك من ناظرك ياربة الحسن معذور تلطفي وان كحل التيه نجلك وتواضعي لوبك غدى الحسن مغرور أغار لو بالزين قد ذكر مثلك وأغار لو غيري سبقني لك شعور لاصار لي قلبك.. وروحك .. ووصلك لاقافلٍ باب ..ولا بانيٍ سور // |
عظم وغضاريف
في دربـكم يا راحلين منا منـاكيف تـالي ليـالي القيظ و أول خـريفه ردّوا سـلام أهل القلوب المـواليف على الوليف اللي نشــد عـن وليفه ردّوه لعـذوق النخيــل المهـانيف وعلى القصـور اللي بـوادي حنيفه دارٍ لهـا بالقلب عشــق وتـكاليف يـاعـل عيـن مـاهـوتها كـفيفه طـبنا وشـبنا وأتـعبتنا المشـاريف والمـرقب العـالي هبـوبه عـنيفه يا وارديـن العـد..كفـّوا المغاريف اللـي بقـى دمـع هـماجٍ ذريـفه والله لــو دمّي يـغيث المـلاهيف قطعت عـرقي ليـن يصفى نـزيفه ويا حظ من لا عرف منهو ولا شيف إن طـاب..يحمد وإن تـردّى..بكيفه وحنا ورثنا العـز عظم وغضاريف لا مـا ورثـنا العـز تـاج وقطيفة // |
ياسيّد الناس
الما ركـد والجريد الغض..ما هـزّه نسـايمٍ والـزمـن لا جـا ولا راحي جمحت يا مهر حظّي وأثر بك فـزّه ما طـوّلت كلها غـارة ومشـواحي لو كنت رمحٍ بكفّي كنت با هـزّه لاشـك منهـو عليه أهوش بسلاحي؟ ولو كنت بيرق عقيدٍ ويـن أبا رزّه؟ وأطـول طويل أشوف..هضبة جراحي يا سـيّد الناس..شمسك مالها حـزّه تعبت أمـاري بشمعي وضي مصباحي من مس نورك جبينه يبشـر بعـزّه ومـن مـر ليلك عتيمه بارقـه لاحي يا سـيّد النـاس..كلٍ لابسٍ بـزّه صعب إن أفرّق ما بين الخبل والصاحي كم واحدٍ مـر..قال عيـوني تخـزّه هو ما درى إني عمى عن قاصر أشباحي أنـا عيـوني تتـل النجم..وتكـزّه عن حـارك الفلك..هذي عادة رماحي وما ألوم حظي..تعب من كثر ما دزّه لو هـو لغيري..نسـاه الهم..وإرتاحي // |
تسلم يدك ويسلم ذوقك يا امل شاعر رهيب جدا طلعت على الشعر من خلال دواوينه.. مودتي لكِ خالصة |
تسلمين ياأموووولة
على النقل المميز وشكرا على تعريفنا بالشاعرالكريم تحياتي تسبقها مودتي |
| الساعة الآن 03:03 AM |
Powered by vBulletin® Copyright ©2000 - 2025, Jelsoft Enterprises Ltd.