|
حيّا الله اللي يغيب ويسـرع الـرده اللي يجينـي اليـا منـه تباطانـي* قلبي يـوده و حالـي كنهـا القـده ودي بشوفه ودونـه حـوم عقبانـي* يا صاحبي جارك الله ويش هالصـده مهـوب حـق تولعنـي و تنسانـي* ان كان عندك حكى بي خامل السـده فانت المصدق وانا حقي وما جانـي* اهرج على ما تورى والبخـت بـده لا تستحـي يابعـد حيـي وحيانـي* ترى حلاة الهوى لا طالـت المـده مهوب يوم صديـق ويـوم قومانـي* وان كان ما انت مصافيني على الشده وقت الرخى واجد ربعـي وخلانـي |
يا ناس عذبنـي كحيـل العيـن ياناس قولوا لي شسـوي لـه* افرح ليا شفت العـرب لاهيـن قمـت اتغفلهـم واراعـي لـه* الـود ودي مـا يغـاب شويـن وعن الوطـا بعيونـي اشيلـه* بعض العرب لو غاب له يومين يا كنهـا خمسـه عشـر ليلـه* وبعض العرب لو غاب له عامين لا تفقـده ولا تـوصـي |
// ابراهيم الكنعاني // يا حمام على الغابة ينوح = ساجع بالطرب لا واهنيه قلت حيّه ولا كنه بيوحي = مر عجل ولا سلم عليه واعسى السيل دايم ما يروح = ما يفارق جفار الصالحيه حيث ينصاه خطوات الطموح = على بيضاء هنوف عسوجيه تنقض الراس لا جت تاتروح = وتنكسه ليّة من فوق ليّه يا شريفه متى ودك نروح = يم ديرة هلك يا العسوجيه قالت أصبر يطيبن الجروح = شهر وعشر ودنّوا لي مطيّه كن في ضامري قدر يفوح = أو غروب تُوَامَى في ركيّه روح روحي بغت روحي تروح = يوم قيل الغضي فيه جدريه جيت أبشرب ولا مسك يفوح = غاسل فيه وضاح الثنيّة والحجب نابي فوق السطوح = والجدايل على متنه طويه قلت قوّه ولا كنه بيوحي = صد وأقفى ولا رد التحية |
// محمد بن لعبون // يا ذا الحمام اللي سجع بلحون = وش بك على عيني تبكيها ذكرتني عصر مضى وفنون = قبلك دروب الغي ناسيها أهلي يلوموني ولا يدرون = والنار تحرق رجل واطيها لا تطري الفرقا على المحزون = ما أحب أنا الفرقى وطاريها أربع بناجر في يد المزيون = توه ضحي العيد شاريها عمره ثمان مع عشر مضمون = مشي الحمام الراعبي فيها يا من يباصرني أنا مفتون = روحي ترى فيها الذي فيها يامن يعاوني على الغليون = والدلة الصفراء مراكيها ستة بناجر واربعة يزهون = وإن أقبلت فالنور غاشيها |
// ماجد بن حمود // يا الله ألا يا والي الأمر = يا مسندي وأنت اللطيف إنك تعاوني على الصبر = وزريع قلبي لا يهيف ونيت ونة زلزلت مصر = وقصور مكة والشريف عيّت ذلولي تقطع الجسر = وصويحبي يم القطيف سواني يسنن على الجسر = سوّاقهن عقله خفيف متى نشد ركايبنا العصر = عن هالمكان اللي كسيف لي صاحب خواتمه عشر = يرجس كما مهرة شريف أبو جديل ينشره نشر = ثوبه على متنه خفيف |
** // الشاعرة اعتقد العوفيه *// عديت بالمستقلي = من نايفات العداما وأخيل برق يسلي = لا حال دونه عساما يا رجم جعلك مولي = يا ويل سهل الكلاما يا أخوي واعبرة لي = منها عيوني سقاما أبكي ولا أحد فطن لي = راعي الهوى ما يلاما جعل العجايز تولّي = والعود ولد الحراما قد كدّروا مشرب لي = يا ويلهم من الاثاما جيت المطوع يصلي = وأمكنت معه الإقاما سمعت أنا صوت خلّي = سلمت قبل الإماما يا ضامر الوسط ياللي = ما ذاق زاد ولا ما مشيه مع السوق يسلي = يشبه فريخ الحماما يا ليت شمّر هل لي = دخيلهم ما يضاما رصاصهم مستصلّي = يكسر صليب العظاما |
// فهد احمد // عيني اللي من الفرقى تهل وتعبر = ناموا الناس وأنت ياعيوني سهيره قمت أهوجس بليلي يا هلي واتفكر = من تولع بحب البيض يكثر ونينه شفت برق ينوض وقلت ذا الرسم بكر = وأثر هذا حبيبي يوم يوضي جبينه خمسة أيام يا المجمول عيت تقزر = ما بْكن الدهر مرت علينا سنينه عقب ولف المودة تقل خلي تنكر = ازهمه بالجواب وكن هرجي رطينه صاحبي وإن طلبته حبة ما تعذر = وإن طلبته وعيى فحوبتي بْتحينه هيه يا بو نهيد في الحشا ما تكسر = مثل وصف الزبيدي ما لهجها جنينه خطر السطح من ممشى عشيري يتهصر = يا الله إنك تعينه من ردوف تهينه كن ريق الحبيب فيه عسل وسكر = أو حليب من المسح البكار السمينه يوم قفا وليفي قلت أنا الله أكبر = بنفارق عشير ديننا مثل دينه قصر القلب من طرد المزايين قصر = كود يلقى عشيره أو عساه أوقمينه |
// صالح العطيني // بنت يا للي بالمودة ذبحتيني = حطك الله للعشاشيق قتاله يوم بان بي الخلل ما رحمتيني = والضعيّف قلبك الخنز ما أوى له قالت اشترني بغال التثاميني = والفتى يسوق ما هان من ماله قلت أنا ما أجد ثلاث الدواوين = والضعيف اليوم ما حالك بحاله آه واويلاه من يا جد ألفين = يلحق القلب المشقى هوى باله |
// منصور المجيدل // قلبي يحب المترفات الرعابيب = وعيني على فرقا الحبايب شقيه جسمي عليل وكل ما جيب أبا أطيب = يطري علي اللي هروجه عذيه أنا شباب وبادي رأسي الشيب = كله سبايب سيد روحي عليه ياليت أهل غض النهد لي معازيب = وأصير حوله بالضحى والعشيه والله لولا قولة الناس يا عيب = وأذل من هرج المخاليق فيه وأخاف من والي الملا عالم الغيب = إنه يخيبني أمام البريه لاسطى عليهم مثل ما يسطي الذيب = على الغنم بالليلة الخرمسية وإني لأحاول جذبته بالمجاذيب = وادلي عليه اسواة دلو الركيه وإني لأشده مثل شد الكلاليب = إلى استشدت بالمحوص القويه وأبرد لهيب القلب غصب أو بعد طيب = وأخلّي العين الشقيه هنيه |
// مبارك البدري // كريم يا برق سرى عقب الامحال = عساه يزي دار داعج عيونه * يزي غريس طلعهن يعجب البال = فيه القميري ساجعات لحونه حيث إن مرب صويحبي طيب الفال = ينقض على سيل المفاجر قرونه ينقض دليق كن وصفه إلى مال = عذق هفت بين الرطايب غصونه قلت ارفع المغطّى عسى يسمح البال = أريد أشوفك قال ما لك مهونه لا والله إلا قشع الزين واشتال = واقفى وحال أسمر اللال دونه وغديت مثل اللي بحبس الدرك حال = أو اليتيم اللي هله يضربونه |
| الساعة الآن 12:03 AM |
Powered by vBulletin® Copyright ©2000 - 2024, Jelsoft Enterprises Ltd.