|
|
|
قصيدة عن العراق ماعاش اليذلك يـا عـراق الخيـر ولاعاش الرّسملك عالوجـن دمعـه عراق انته عراق امشرف التاريـخ وبيارغ هيبتـك للعالـم امشرعـه ثوبك ثوب عزه وانته تاج الـراس يارمـز الحضـاره وللمجـد قلعـه ابو الوكفات انته وانته ابو الطيبات وابو جفوف السخيّه وطيّب السمعه مو انته العراق الهيج بيك ايصيـر يالصايـغ حياتـك للعـرب شمعـه اشجم واحد اجاك ايلوذ من الجـوع وتمد جفك خبـز للجايـع اتشبعـه وجم واحد غرك ويصيح ها يعـراق تلاحكلي اغركت وجفوفـك اتطلعـه جم واحد سكت من صار بيهه ازماط وبوكت المزامط صوتـك انسمعـه معادنهم شبه كل ذولـه اليضـدوك بس انته الذهب تيزاب مـو لمعـه وجبل باقي العراق وما تهزه الريح ولادنـك الـراس وخانتـه الهمـه ظل واكف اشم من هـدوا العـدوان صاح انه العـراق ومانكـر اسمـه وكف بالساحه وحده وردداهه ابزود وسمعوهه اشكبرهه اشتعني هالكلمه ماريد اليهدلي وجفه احس مشلـول ولاريـد اليهدلـي البايـع الذمـه انه العباس هدلي وهدلي ابو السجاد جرسيفه وفزعلي وهدلي ابو اليمّه عذرا ً لا أعرف اسم الشاعر http://www.hotagri.com/data/media/71/98.gif عاشق العراق 2 10 2011 |
أنت وين ...؟؟ الهموم البيه خيل أذا مر الليل تصهل والجروح البيه موطن للسيوف .. وأنا بين السيف وجروحي أشتهيك وتشتهي أجروحي أديك .. أضماد .. باقي من الأمل وذكريات أيام عايشهن عليك .. مرني مشتاق الزعل بعيونك أشوفنه دلال لا أتكَول الراح راح ومايجيك .. أنت وين ..؟ أنا تعبني أنتظارك وأنت ماهزك حنين ولا حنينك أجه بيك وأخر سنين العمر يشغلنه بال بين ضيعنه فرص وبين بعت أسنين من عمري أشتريك أنا بغيرك فراشه وعوسجة بر ويابر اليلم ريح وفراشه وحشة أمضيعين ألك كلي وحياتي أشكثر مابالعين أشوف الناس أشوفنك لأنك يقيني ودنيتي وعشكَي .. يمن طول الليالي بحلمي أضمنك أسطوره وخرافه وعشكَ كله جنون ماظل حيل عندي ولا تشوف عيون أنا الغيرك أصيرن حلم متأكد وأنعم بالخيال وأفرح بروحي بس أنا أعله حبك خاصمت غيرك ماأدري شجاني أشبيه بس أرضيك شهريارك چنت وأسرح بالخيال وأكَطع الليل لوعندي بديل وماهويتك يوم من قانون مملكتي قرار ألغيك وعودتني الليل بغيابك أرق دموع وأهموم ورق وأنا أنتظرك ملاك وملهم وكلك قصيده وصحبة الوادم سفر .. وأنا بدروبك محطه وأشرولي أشباقي عندك يارصيد الشواطي وذكرياتك .. تضحياتك .. وأنت باقي بلا خليل أشبيك ؟؟ مو ماظل وقت ومتاني بلكي إيجيك كاظم الفضلي http://www.hotagri.com/data/media/71/98.gif عاشق العراق 12 10 2011 |
قصيدة سلاما على البصرة الشاعر عبد الرزاق الحمداني http://abyat.com/images/users/custom/22073_1.jpg * سلاما على البصرة مدينتي البصرة حبيبتي السمرة ياسلام الله عليج من قلب شاعر جريح ياسلام الله على احمد نبينا والمسيح ياسلام الله على كل الجوامع والمساجد واليأذن بالفصيح ياسلام الله على كل الكنايس والنواقيس من تصيح ياسلام الله على أثار الصحابة والتكايا والضريح ياسلام الله على ساحة سعد و وجه الفراهيدي المليح انه ولاهان النهر عشاركم يابعد اهلنه من قلب دومه صريح رغم كل هاي السنين ومانساكم عاشك وصب وطريح ياسلام الله على خطوة علي وزاير مشى لابنه الذبيح ...................... عاشق العراق 12 10 2011 |
| الساعة الآن 03:41 PM |
|
Powered by vBulletin® Copyright ©2000 - 2025, Jelsoft Enterprises Ltd.