|
نادميني
نادميني كلها ســــــاعه واغيب ما بقى غيرالموادع يـــــا حبيب سلي الخفاق عن هـــم الزمان واجلي من العين نزات السريب طالت ايامي وانا فـــوق الشداد الذلول تسير والـــــــراكب غريب درهمت بي في عجــاج القايله والثرى من حـــدرها جاله لهيب كل خف يـــــــرسم بدربي حذر لاهل ركب ما بعد طب الشعيب يفهم اللي يفهم ويجهــــل كثير والمراجل دربها دايــــــــم صعيب يا كبر غلطات جهــــــــال الحياة ضيعوا بعيدهم واخطوا القـــريب يا بعد فرق الليال مـــــــن النهار ويا بعد فـــــرق الغرير من اللبيب بعضهم يزم بــــــــــــه كثر الهدوم وان تحدث طـاح من عين الرقيب كل رجـــــــــــل يستره قل الكلام واللســـــــــــــان يجمله ولا يعيب نــــــادميني.. وقتي الباقي قصير والمسي بعيونــك جروحي تطيب فرغي قلبــــــي وفكري من عناي يا شعاع بالعمـــــــــر قبل المغيب ومضة في ليل في دهـــــــر ظلوم تبعث الآمال في وقــــــــت عجيب السؤال يغيب من قبـــــل الجواب نادميني .. كلها ساعــــه واغيب |
المهل ساعة
المهل ساعة عسى البسمة تدوم ظامي للحب من يومك أصــــــــــوم بلّـــــــــــــــل القـاع اليبّـاس الميّتـه إحيها مــــــــــن ديـم هتّـان الغيـوم أقرب أضمــــــــــــك بجنحـان الهـوى أقرب أورّيك رقصــــــــــــــات النجـوم وخلّني ألفّـــــــــك بطيـف الشعـاع فوق مزن بالهوى دايـــــــــــم تحوم ألمس بكفك مــــــــــواجيـع الهـوى واطرد من القلب وخـــــزات الهموم بيني وبينك مـــــن العشق اجملـه أطعمْ واشهى مـــن طيوف الحلوم استضافتنـا الّليــــــــــال العاشـقـة اشعل الضيّان واصحى لا تنـــــــوم لا تفوّت فرحة العمــــــــــر القصيـر الغثا متوفر فـي كــــــــــــــــل يـوم |
ساعة الفرحة
يـــــــــا ساعة الفرحة تشوقت للعيد عيد العيون وعيد قلب الصبابـــــــــــه رد الجمال لشوفتي يـــــا اتلع الجيد واسحب على حــــرفي لحون الربابه حرفي بصوتك يـا اجمل الصوت تغريد يــــــــــــــا رمز حبي هاك رمز الكتابه يـــــــا صبح عمري فيك للعمر تجديد وحبك يجدد كل يوم شبـــــــــــــــابه للعين والقمرا وحسنك مواعيـــــــــد وليل الهـــــــــوى شرع للأحباب بابه يامــــا زعجت الصوت باسمك تراديد ويامـــــــــا نسيم الوجد يمك سرابه ويا مـــــــا تمنيتك على باقي الغيد واقول مثلك يــــــــــا غلا الروح ما به أبيك تهوى مثل مــــــــا اهواك وتزيد يا من خفوق القلب حسنك غدا به يا قطرة الغيمة على يـــــابس البيد رد الحياة لخافقي يــــــــــــــا ذهابه |
لا تصد هناك
لا تصد هناك يـــــــــــا عمري دقيقه العمر محسوب بحســـــاب الدقايق في بحـــــــــر عينك تبينت الحقيقة كل موجه تنقل لعيني حقـــــــــايق الهوى دلتني عيونــــــــــــــك طريقه ثم ســــــوت وسط قلبي لك طرايق كـــــم نفس في هوى عينك غريقه واشهد اني رحت من ضمن الغرايق كل ما فرجت يــــــــــا محبوب ضيقه غبت عني واصبح الخفــــــاق ضايق إلتفت يمي ترى عمري دقيقــــــــــه ليتي أحيا في سما عينك دقـــــايق |
لا تلتفت لا تلتفت يــــــــــم خلق الله ما احد من الناس يشبه لك الله عطاك الحلى كلــــــــــه وتقاسموا باقية فــــــــــضلك إنت القمر بين الأهلــــــــــه نورك وجــــــــــذابك وشكلك القلب برضاي محتلـــــــــــه لو تظلمه قلت مــــن عدلك |
يا شبيه صويحبي
يا شبيه صويحبي حسبي عليـك كل مــــــا ناظرت عينك شفت ذاك شفت لونه في خدودك والعيــــون في سلامك في كلامك في حلاك كل شي فيك يطـــــــــرى به علي يا حلو بسمة حبيبي في شفـاك مــــــــا هقيت ان القمر مثله قمر لين شفتك يــا شبيه احلى ملاك ليتهم سموك بــــاسمه واستريح كل ما نــــــــــابيتك اغلط في نباك |
اذكـريــنــي
كل ما عانق نظر عينِـك قمـــــــر أو لثم خدك شعـاع مـن بعيـــــد أو نسيم هفهف بشعـرِك سحـر أو تغنى بالهوى صوت طـــــــروب أو تبلـل كفـك بقطـــــــــــر المطـر أو تبسـم بالسما نجـم جـنــــوب وضحك ورد على عود خضــــــــر أو نقل لك نفحة خزامى هبـوب أو تهادى موج في شـط البحــــر ينشد الراحه بعـد يـوم تعــــــوب أو خيالٍ من قديم أمسك حضـر يستفز القلب بالصـوت العتـــوب أو تجاسر فكر فـي ليلـة حـــــذر يسترد الحلم من درب الهـــروب اذكريني واستعيدينـي شعـــــر صادق المعنى ولو وقته كـــذوب |
ذكرتني
ذكرتني طلعة البدر نـــــــــــور عيوني يوم شفته هلت العبـــــــــرة المخفيه مــــــــن يلوم المغرم المولع المفتون لى تــــــــــــذكر شوف أبو وجنة ورديه ليتهم يا سعود لــــــــى روحوا مروني مــــع غروب الشمس بقفاية العصريه أتمنى والـــــــــــــــتمني يزيد غبوني غيبو يــــــــــــا خوك ما عندهم ماويه ليتني في سجتي رحت ما صابوني من يداوي الجــــــــرح والعلة الدخيله خبروني عنه ضاق الحشا بشجوني مـــــــــــا قويت الصبر حبه تمكن فيه |
الذكرى
في غير الــــــــــــــــــــــزمان *** في نفس المكــــــــــــــــــان مـــرتني الـــذكرى وانا واقف في نفس المكــــــــــــــــــان *** في غير الــــــــــــــــــــــزمان *** في ذا ضحكت أيـــــــــــــــام لكني بكيت في ذا حلمت أحـــــــــــلام لكني صحيت ومنها ابتــــــــــــــــــــــــــديت *** وفيهـــــــــــــــــــــــــا انتهيت إلا مــــــــــــــــــــــــن الذكرى في نفس المكــــــــــــــــــان *** في غير الــــــــــــــــــــــزمان *** قالت لي الذكرى كلام عني *** كلام والله بغيت أنســــــــــاه وصاحت ربـــــــابة شوق واثر النغم مني .. يشكي وانا شكواه وغنى صوت في ليلــــة فرح *** وهلت عين وقلب انجـــــــرح في صوتها جـــــــــــرح وتعب *** وفي عيونها نظــــــــرة عتب وشفت ابتسامة عليها هلت الدمعة ونظرة ملامه من الماضي على ربعه وأنا مــــــــــــــــــــــع الذكرى في نفس المكــــــــــــــــــان *** في غير الــــــــــــــــــــــزمان *** تعطيني الـــــــــــــــــــــذكرى ولا تاخذ أبد تحكي لــــــــــي الذكرى ولا تسمع لاحد وأنا عندي كلام ممنوع حتى عن الخاطر لا يـــــــــــــــــاخذه أمسي ولا يقبله باكر مــــــــــــــــــــــــا اقدر أوضح غايم الصورة ولا أزود للمسا نـــــــــــــــــــــــــــــــــــوره الله يــــــــــــــا ذكرى يا ما فهمتيني خطا يـــــــــــــاما قدم رجلي على جمرك وطا واليــــــــــــــــــــــــــــــــوم هيضني هواي أشــــــــــــــــــــــــكي ولا ادري وش بلاي هو من شقــاي اللي مضى *** والا هنـــــــــــــــــــــــــــــــاي وانا مـــــــــــــــــــــــع الذكرى في نفس المكــــــــــــــــــان *** في غير الــــــــــــــــــــــزمان |
خذاك الزمن مني خـــــــذاك الزمن مني وتـــــــرك لي اشواقي ليته خــــــــــــذا ذكراك من كــــــــــــل أوراقي الصهد ولـــــــع حياتي ليتها لمعة قمــــــــــر تذكر أيام القمر ؟ كيف السمر أصبح سهر ؟ كيف الأماني .. أصبحت شكــــوى عمر ؟ ليــــــــه انطفى فيـــــــــــــــــــــــــــــــــــك الـزمان ؟ ليـــــــــــــــه اختفى فيك الأمــــــــــــــــــــــــــان ؟ خذاك الزمـــــــــــن مني *** يا روعة أيـــــــــــــامي ولوعة حـــــــــــــاضري يا بهجة الخـــــــــــافق ومتعة نـــــــــــــــاظري تـــــــــــــــــــــــــــــــــذكر الحب الأمـــــــــــــــــــــــــــــــل ؟ قــــــــــــــــــــــــبل يصبح ذكـــــــــــــــــــــــــــــــــــــــــريات تـــــــــــــــــــــــــــــــذكر الفرحة .. ولهفتي عليك ؟ أسبق الموعـــــــــــــــــــــــــــــــــــــــــــــ ــــــــــــــــد إليك ولحظــــــــــــــــــــة الشوق الكبــــــــــــــــــــــــــــــــــــير والخفوق اللي مـــــــــــــــــــــــــــــــــــن الفر حة يطير ورقصات الــــــــــــــــــــــــــــــــــــدقايق عند الوعد وهمســـــــــــــــــــــــــــــــــــــات الدقايق قبل وبعد ليــــــــه انطفى فيـــــــــــــــــــــــــــــــــــك الـزمان ؟ ليـــــــــــــــه اختفى فيك الأمــــــــــــــــــــــــــان ؟ خذاك الزمـــــــــــن مني *** الله على وقت مضـى فيه الرضــــــــــــــــــــا فيه العيـــــــــــــــــــون تعانق احباب العيـــون فيه الخليــــــــــــــــــل اللي على خله يمون حتى الظنـــــــــــــــون ما تختلف فيه الظنون فيه الهوى نشــــــوان فيه ابتسامات الزمان احكي الهــــــــــــــوى واشكي النــــــــــــوى واســـــــــــــــــــــــــــــــــــــــــــــــ ـــــــاهر القلب الأليم بعد الهنــــــــــــــــــــــا بعد ما كنا ســـــــــــوا ليه يـــــــــــــــا حبي الــــــــــــــــــــــــــــــــــــــــعظيم ؟ ليــــــــه انطفى فيـــــــــــــــــــــــــــــــــــك الـزمان ؟ ليـــــــــــــــه اختفى فيك الأمــــــــــــــــــــــــــان ؟ خذاك الزمـــــــــــن مني |
| الساعة الآن 08:27 PM |
Powered by vBulletin® Copyright ©2000 - 2024, Jelsoft Enterprises Ltd.