|
لارحت للساحل الشرقي لى رحت للساحـل الشرقي طرى عـلى نجــــــد وفياضه يا مــــاحلا لايـــــــح البرقي والسيل لي حـــــار بحياضه يا ماحلا نايــــــح الــــــورقي بيـن البساتين فـــــي رياضه يانجد ريمـــــك بهـــم فرقي في طــــــول عنقه ومرتاضه قلبي على شوفكـم حرقي يــــاحلو صيفه ومقيـــــاضه لى رحت للساحل الشرقي طرى على نجـــــد وفياضه |
الموجه
ويل من ياقف على الموجه وحيد البحر حــــــــــدره ومن فوقه سما يلتطم موجــــــه وعاصوفه شديد الرعد والبرق والمـــــــــاطر همى يلتفت والشــــــط عن عينه بعيد كل هـــــــــــاك الما وهلكان ظما تنقص الشوفــــــات والحيرة تزيد والبصير يصير بـــــــالظلمه عمى واعذاب اللي صوابـــــــــه بالوريد خاتله هداف الأوجـــــــــاع ورمى لاعني وقتي ولوعــــــــة القصيد ومن ورا حـد البحر حرفي زمى والتجيت بحــــرف معناي الجديد والخيال الخصب فـــي فكري نما كل شاعـر سلوته صوت النشيد هو بــــراد القلب لى منه حمى |
حد الزمن
على حد الـــــــــــــــــــزمن واقف واشاهد عبرة الأيـــــــــــــــــــــام وشمس العمر تغــــــــــــــــــــرق في بحرها لين يخفيهـــــــــــــــا واشوف الليل يكبـــــــــــــــــــــــر والنهار يـــــــــــــــذوب في ظلام حزينه لحظــــــــــــــــــــة المغرب وداع النور يطفيهــــــــــــــــــــــــا واشوف الموج يــــــــــــــــــــرقص والدموع من السحـــــــــاب رزام عجيبه رقصة الموجـــــــــــــــــــة ودمع الغيم يبكيهـــــــــــــــــــــــا واشاهد غربة الموجــــــــــــــــــه لقت عقب السفر مقــــــــــــــام على رمل السهل تـــــــــــــــالي زبدها ما يوعيهـــــــــــــــــــــــــــا سرى بي هاجس الـــــــــــذكرى على متن الخيال وهـــــــــــــــام يرد الذهن لايــــــــــــــــــــــــــــام تعدتني لياليهـــــــــــــــــــــــــــــا اضم الطيف بعيونـــــــــــــــــــــي واعانق ساري الأنســـــــــــــــام واردد نغمة المـــــــــــــــــــــاضي على قلبي واغنيهـــــــــــــــــــــا ألا يا ليـــــــــــــــــــــــــــــــــــــــل ياليل الغريب اللي سهر مانـــام تذكر لـــــــــــــــــــــــــــــــــــــــــه على بعد المسافه عين يغليـها أمانه يا قمـــــــــــــــــــــــــــــــــر يا ساري بالليل خذ ســـــــــلام وصبه شـــــــــــــــــــــــــــــــــوق في عيــــن الذي عيني معنيها حنين الولـــــــــــف يا هل الولف يجلب للقلوب هيـــــــــــــــــــام ومن يجرح قلوب الولــــــــــــــف لا بده يداويهــــــــــــــــــــــــــــــا أغني للقلـــــــــــــــــــوب اللي عزاها بالحيــــــــــــــــــاه احلام وارد الشان لاهل الشــــــــــان بــــــــــــــــــــــــــــــاولها وتاليها |
يموت الشجر واقف
يموت الشجر واقف وظــــل الشجر ما مات رياح الدهر تصرخ وهي تجـــــــــــرح جنوبـه لك الله شجـــــر للموت ما ترخي الهامـات بقـــــــــــت وقفتك يـا رافـع الـراس مهيوبـه شجوني لهــــا مع وقفتك يا شجـر وقفـات عيون النظر مع نظــــــــــرة الفكر مصحوبـه شموخ الشجـــر عبره لمن يفهم الشـارات والإنســــــان في غفلـه والأيـام محسوبـه أرد النظر لاشك يــــــــــــــا نظرتـي هيهـات أبستوعب العبـــــــــــره بالأشجـار مكتوبـه وأنــــــا يعتريني ضعف الإنسان و الهقـوات أروم العزايـم يـــــــــــــــوم و أيّـام مسلـوبـه أبظهر عن الـــــــــــدنيا مع حامـل النظـرات و أســــــــافر عن العالم على غايـم دروبـه و أبرسم على غيمة دروب الهوى بسمات وأبنثر كـلام الحـب طـــــــــــــــــرب وطروبـه و أغنّي بهــــــــــا سامر وأقوّم بها عرضـات وأبترك ثرى الدنيا لمـــــــــــن كـان مطلوبـه |
ساعات العمر
ليت عقل العـود في سن الشبـاب وحـــــكمة الستيـن فـي عشرينهـا كان ما جرَ القـدم درب العـــــــــذاب وانتهزت ظـــــــــــروفهـا فـي حينهـا وكان ما ضــــــاعت دقايقهـا هبـاب وكـــــــــــل لحظـه أستغـل سنينهـا كم تركت مـــن الفرص واقفلت باب بعتها واهــــــــــل الفـرص شارينهـا وان نصحني ناصح أحسب حساب قلـت يمـــــــــــــدي .. توَنـا بادينهـا العمر بــــــــــــــاوَل زمامـه لا تهـاب والَليـلْ طـوال يـــــــــــــــا سارينـهـا مـــا هقيت إن الزمن مثل السـراب والَليـــــــــــــالـي خيَـبـت راجينـهـا أثر ساعات العمــــر مثل السحـاب بالظلام تمـر مــــــــــــــا نـدري بهـا ويل من همَــــــــاته صعود الهضـاب ترجمـه ريحــــــــــــــانـهـا بايدينـهـا وحظ من همَـــــاته يحـوش التـراب يبشر بكثر الــــــذهـب فـي طينهـا وكــل قصر له أساس وسقف وباب يحكمـون اركــــــــــــــانـهـا بانينـهـا والصيـــــــــــانة للقصـر وإلا الخـراب أفطنـوا للـــــــــــــــدار يـا حامينـهـا |
من بادي الوقت
من بادي الوقت هــــــــذا طبع الأيام عـــــــــــذبات الأيام ما تمدي لياليها حلو الليالي تــــــــوارى مثل الأحلام مخطور عني عجاج الــــوقت يخفيها أسري مع الهاجس اللي ما بعد نام واصور المـــــاضي لنفسي واسليها أخـــــــالف العمر أراجع سالف اعوام وانـــــــــــوخ ركاب فكري عند داعيها تـــــدفا على جال ضوه بارد عظامي والما يسوق بمعاليقي ويـــــــــرويها إلى صفالك زمـــــــانك عل يا ظامي اشرب قبل لا يحوس الطين صافيها الوقت لو زان لك يــــــــــا صاح مادام يا سرع ما تعترض دربك بـــــــلاويها حتى وليفك ولــــــــو هيم بك هيام سيور الأيام تجنح بـــــــــــه عواديها |
حدني وقتي
حدني وقتي على شي جديـــد السهر ما هوب من عادة عيوني أبعدوني عن هوى بالي وسيدي ومنعوا عني خطوطه يــا صلوني شطروني عنه في دار بعيــــــده حسبي الله كانهم منه قطعوني صارت الفرقا لنـــــــــــا علم وكيد ليتهم راحوا وانـــا عنده نسوني عاقني عن صـاحبي سور حديد دونه البحور حـــــــــــراس ودوني الرجا بك يا بـــو خالد يا عضيدي لا تخليني تــــــــــراهم عذبوني |
استكثرك وقتي
استكثرك وقتي علي وغــــــــــــــدا بك عادة زماني كلما طاب هــــــــــــــــون ليت الذي وداك يا زين جابـــــــــــــــــك تشوف عقبك كيف الأيام ســـــــــــون شرق مشيت وغرب وقتى مشى بك والقلب ماله لايم فيك لــــــــــــــــو ون عقب الهنا بــــــــــك ذاق لوعة عذابك تلونت دنيـــــــــــــــــــــــــــــاه ولا تلون طويتني طي الورق في كتــــــــــــابك حتى معاليق الحشا لك تطـــــــــــون اشتقت لايام الهوى في جنابــــــــــك يوم الشموع بليل الأحباب ضــــــــون واشتقت اقول لهاتفك مرحبا بـــــــــك واشتقت لغيوم الصحاري تكـــــــــــون عود ترى داعي الهوى عند بـــــــــابك وارو القلوب اللي بعد مــــــــــــــا ترون غنيت لك عمري ولا جا جــــــــــــوابك واسمي مع مجنون ليلى تــــــــــدون |
الساعه خمسه وعشرين
الساعه خمسه وعشرين لا تحسب الوقت بـــــدري مــــــــــن لا يسابق زمانه يقعـــــــــــــد والأيام تجري يا دالــــــــــــــــــــه ما تنبه الساعه خمسه وعشرين في مـــاضي الوقت تجري واللي معـــــــه علم يدري تـــــزاحمت بي هواجيس ليت الهــــواجيس تسري نادمت ســـــــــود الليالي تبيعني هــــــــــم واشري واعـــــــانق الطيف واحلم واناغم اصوات شعـــــــري يا حاجتي في حيــــــاتي يـــــــا رغبتي طول عمري افدي عيونــــــــــك بروحي |
أسابق الساعة
اســـــــــابق الساعة وتسبقني الساعه تقضي وانا توني بــــــــــــــــــــأول ثوانيها أبشتري وقــــــــــــــت وين أسواق بياعه ياللي تبيع الدقايق ..حـــــــــد ..واشريها قلبي يبي وقــــــــــت لو الوقت ما طاعه وعيني تبي شمس لو الشمس تعميها ونفسي مثـــــــــل باقي الأجواد طماعه أبي اجدد على الفـــــــــــــــــرحة لياليها لا شك الأيام للفرحات منــــــــــــــــــاعه لــــــــــــــــــو نورت ليلة عشرين تطفيها يظهر ثبات الفتى والنفـــــــــــس مرتاعه خوفا على اللي نحبه من بـــــــــــلاويها لو ان كل ينال منـــــــــــــــــــــــاه بذراعه خــــــــــــــذيت حقي من أقصاها ودانيها المشكل انك يا بــــــــــــو لحظين بتاعه تاخذ ســـــــــلاحي من الكفين واعطيها وانــــــــــا ادري ان العيون السود خداعه لا شـــــــــــــــك ودي أصدق منك داعيها والمهتوي لى اهتــوى ما يطوي شراعه يمشي على النـــــار كنه ما وطى فيها |
| الساعة الآن 01:05 PM |
Powered by vBulletin® Copyright ©2000 - 2024, Jelsoft Enterprises Ltd.