|
يبكي الصوت
يبكي الصوت و النظرات تشكي و المعاني ولو صـــــاحت حبيسه يصمت الليــــــل و التنهيد يحكي و المعــــــاليق في قلبي يبيسه يـــــــــــا حبيبه سألت الليل عنك و كل نجم فقد مثلي أنيســـــــه هل دمعي و قــــــــام الليل يبكي و القمـــر نشّ من فرقى جليسه ويل من شــــــــــالته موجة بحرك ليتني مـــــــا نزلت الشط أقيسه لو لمستي البحر بــــأطراف يدك من حلاك غـــــــدا طعمه مريسه للهوى حس اذا لامس زهـــــــرك ينعش القلب اذا جاني حسيسه |
ناديت
نـــــــــــــــــــــاديت والليل جاوبني وبكاني محد سمعني ســــــــوى ليل نزع دمعي ما غير ليلي من الأحبـــــــــــــاب واساني يـــــــــــــــا ويل من همله ربعه مثل ربعي طـــــــــالت مسافاتي وتاهت بي أزماني وعلمني الوقت كيف اقسى على طبعي ومن طـــــــاول الوقت لو هو قاسي لاني ومن يرفض العشر يقبـــــــل عقبها سبع كم عاقل صــــــــــــــار بامر الحب هيمان وكــــــــم قلب عذرا ترك فيه الهوى صدع يا عازف بـــــــــــــالهوى منضومة الحاني رد المواجــــــــع نغم في قلبي وسمعي غــــــــــــــــن الغزل ينتعش خفاق ولهان واشرب زلال الهــــوى من كاسي ونبعي مادام أنــــــــــــــا حي كل الحب ميداني وان مت يــــــا حادي الأشواق لك بدعي |
تضحك معي
تضحك معي تحسب حياتي تساهيل ليته صحيح و خــــــــــاطرك مسفهلي ما تدري اني شلت حمـــــــل الغرابيل يا الله دخيلك قبــــــــــــــل وقته يحلي للحزن تحت ضلوع صدري مداهيــــــل وانا ابتسم لك كــــــــن عمري تسلى ابيك تدله يـــــــــــــــــــا ظبي الغراميل وابي هلالك كـــــــــــــــــــل يوم يهلي يا الله عسى رمش العيون المظاليــل ما ينهزع من دمــــــــــــــع عين تهلي |
سلامة اللي
سلامة اللي مــــا تعيد ضحى العيد يوم الفرح وفواد (بنــــــــــــــدر) حزينا أظنه مفــــــــــــارق عشير وتسهيد ومن فارق الخلان جـــــــــــــر الونينا همك وصلني يـــــا ابن عمي تراديد وللحزن صـــــــوت في قصيدك يجينا للوقت دمعـــــــــــــات وللوقت تغريد يــــــــــــــــــاما ذكرناها وياما نسينا اطرد همومك جـــــــدد العمر تجديد وانفض غبـــــــــــــار ايامها والسنينا وانـــــــــــــزع مثل حر بمخلابه يصيد تلين صيـــــــــــــــــداته وهو ما يلينا وان تاهت الخطوه على واسع البيد وطـــــــــــــــــالت لياليها وعيت تزينا إنص الملوك القـــــــــادرين الصناديد عمــــــــــــــانك اللي زبنوا الخايفينا |
هله وطله
خلها يــــــــــــــا باعث الفرحات فله ما بقى بالعمر كثر اللي مضى لي عطنــــي من الحب سقوه ثم عله تزهر الأيام وتشع الليــــــــــــــــالي من بغى درب ســــــــأل عنه ودله مــــــــــــا يرد المهتوي صعب وغال اطلق الخفــــــــــــاق من قيد يتله كسر الجنحــــــــــان مقصور الحبال تبري اللي صـــــار به تسعين عله من نظر حالي نشدني كيف حالي ما بقى لي حال نش الحـــــال كله الله يعديـــــــك ظلم اللي جرى لي كـــــــــــــــل شهر للقمرهله وطله وانت لك عام وبدرك مــــــا بدا لي |
تساوت عندي
تساوت عندي الدنيـــا تساوت وهي يومـــك قريب لي تفاوت حياتي عقب نــــورك مثل ليل جميع نجومه من ادنى تهاوت ألا يا ناصح بــــــــالطب روحي تراها لـــــــــو لقت طب تداوت ولكن من يعوضني بخــــــــــل معاليق الضماير بــــــــه تلاوت أنت وياه من عهد الطفولــــــه مثل قلبين في صدر تخــــاوت يجي عقبه فرح ولا حـــــــزاين تساوت عندي الدنيا تســاوت |
عز القصيد
عز القصيد وزاعلتنـي حروفــــــــــــه من يوم غاب الّلي قصيدي مهــاويه غابت به الدنيا وخلـت طيوفـــــــــــه عزي لمن مثلي زمانـه يعاديـــــــــه عقب الملاقى بس بالقلب أشوفـه وعقب المناجى بس بالفكر أناجيـه كلامي وشوفي لغيـره حسوفـــــــه من غيره يخاوي غريبي وأخاويــــــه يا لوعة المشتاق تصفـق كفوفــــه لين التفت ما شاف بالدّار غاليـــــه كن العيون بكل شيـن محذوفـــــــه والقلب كن جموع الأيام ترميــــــــه تسابقتني مـن زمانـي سيوفــــــه تجرح مرادي في حياتي وتدميـــــه يا عونة الرحمن ويـن النكوفــــــــــه لين انتحى الخفاق وش عاد يثنيه ما رحت أدور عند خلّي مروفــــــــه ما يرحم إلا الله فلا شـك مغليــــــه |
لك حق
لك حـــــق تزعل ثم لك حق نرضيك ما اقوى زعــــل حبيب قلبي وعيني مادام قلبي يا اريـــش العين مغليك اطلب ولك روحي ومـــــا في يديني لا تنشغل مــــــــا لك وزين يضاهيك أبيك أنا لو كــــــــــــــان غيرك يبيني يوم الله أحسن صورتك خصني فيك فيك الجمال وصــــــادق الحب فيني شعري يزين بوصف زينك وطــــــاريك والخد مــــــــــــن ممشاك فيها تزين أول غناتي صـــــوت الأشواق يدعيك واخر غناتي شق صــــــدري حنيني |
أحلى عذاب
احلى عذاب اللي رضى لــــه حبيبي يجوز لي لى صار لعيون الأحبــــــــاب تستاهل عيون سهمها عـــــــــــطيب لى سلهمت بالرمش والرمش جذاب من شــــــــــــافها يشوف شي غريب فيها حنان وظلم ودمــــــــــــوع وحراب فيها كلام وسر وامــــــــــــــــــر عجيب لى جيت اعـــــــــاتبها تراجعت بعتاب لى شفتها دنيــــــــــــاي عني تغيب يلفني موج الهوى بين الأهــــــــداب إن كان ذبحي من عيونــــــك نصيبي أموت لعيونك ولا أحسب حســــــاب |
من يقول الزين
من يقول الزين ما يكمل حــــــلاه كل شي في حبيبي اكتمـــــــــل الله اللي كمله والله عطــــــــــــاه ما بقى للزين في خلي محــــــل العيون احلى من عيون المهــــــا شافها قلبي وصفق واحتفــــــــل نظرته من فتنته شعلة حيــــــــاه والجفون من الحيا فيها كســــــل ساهم طرفه على الخد وسنـــاه كن لمعة وجنته ورد وطــــــــــــــل والشفايا كنها جمر الغضـــــــــــاه تحرس الريق المحلى بالعســــل والشعر ليل نقل حمرة مســــــاه اجعد حول على صدره همــــــــل مايج من فوق متنه ما طـــــــــواه لون شلال مع المغرب نـــــــــــزل وانطلق جيده يماري في بهـــــاه فوق مياس تعزل واعتــــــــــــــذل بالرشاقه فيه من ظبي الفـــــلاه لى مشى كنه على الريح انتقل ريحته من كل زهر منتقـــــــــــاه والزيادة للخزامى والنفــــــــــــــل صافي مثل المطر فوق الصفـــاه باسم مثل البشاير بالأمــــــــــل كايد ما هو يلين لمن بغــــــــــاه يرتفع عن كل سقطات الزلــــــل |
| الساعة الآن 08:30 AM |
Powered by vBulletin® Copyright ©2000 - 2024, Jelsoft Enterprises Ltd.