|
لا والذي صورك
لا والذي صورك مـــــــا لاق للعين غيرك ولا سوى بي احد سواتــك إنت الذي حطيت بالجوف رمحين رمح العيون ورمح وردي شفاتـــك وانت الذي زينت يا غــــــاية الزين حياتي اللي نورهـــــا من حياتك أحب فيك الحب يـــــا جامع اثنين الــــــــــــزين وطبوع تـكمل حلاتك واحب فيك العطف واللطف واللين واحب فيك رضاك عقب زعلاتـــــك واحب هاك الجيـــد بين الجديلين واجب ما تخفيه طـــــــرقة غطاتك يا جارح المجروح لا تـــــودع البين يقضي علي بغيبتك وسفـــــراتك |
يا حنان العمر
يا حنــــان العمر في عيونك حنان والهوى جذابـــــــه الرمش الحنون كيف أنا وياك من هــــــــاك الزمان ما لنا غير التوجد بــــــــــــــالعيون أدري ان الله بلانـــــــــــا با متحان انت بالفتنة وانــــــــا بحب الفتون أبشر اني دافــــــــــن سرك بامان شوف عيني ما درت عنه الجفون أنت مـــا ترضى على قلبي هوان وانت مـــا نرضى على قلبك يهون الزمــــــــان اللي غدر بي ثم خان خـــان هو ولا انت حاشا ما تخون لو صحيح ان الخطـــــا مرجوع كان والله انك عــــــــارف وش بي يكون كل ما قلت اعتــــــــدل وقتي وزان وسطوا لي رمحهــــــا بين المتون السعاده مالها عندي مكـــــــــــان كل عمري في ظنون وفي شجون |
أخلفتني
أخلفتني نظرة عيون الهنوفـــــــــــــه خلفة الصقار لى شاف الحبــــــــاري واقت النظره على قلبي تشوفــــــــه واشعل بقلبي كما البراق ســــــاري صد عني طاغي النظره مـــــــــــروفه ظالم قلبي وهو بــــــــــــالظلم داري يا حبيبي صدتك عني حسوفـــــــــه إرسل سهوم الذوابح لا تـــــــــــداري ارسل رماح الهوى وارســـــل سيوفه يشتهيك القلب في كـــــــل الطواري عيني لحسن الــــــذي غيرك عيوفه في عيوني غيرك من الحسن عاري |
نامت عيوني
نامت عيوني على حسنك وشفتك حلم يــــــــــــــــا زاير الليل ليـل البارحـة عدنـي متى تجيني مثـــــــــل ما جيت حلم علم يـــــــــــا زايد القلب خفقـه بالهـوى زدنـي ترى البخل من كـــــــريم الأصل مثلك ظلم يا ظالـم اللـي يـوّدك ليــــــــــــــه تجهدنـي سويت في قلــــبي اللي قد عطيتـك ثلـم يــــــــــا ماخذ القلـب وتاخذنـي وتجحدنـي ماهوب عند العـــــــرب وأهل الجماله سلم إنـــــــــــــــــــك بمـا تاخـذه منـي تهـددنـي وكــــــــــــــــــاد محد تعرّض للعيـون وسلـم لاشك أنـــــــــــــــا بالوفـا قلبـك معاهدنـي |
صاحب الحاجة
صاحب الحاجه ولو طالت لحوح وصاحب الحلم القــــديم يغازله واعــذاب القلب من كثر الجروح كـــــــــــم سيف بالعذاب ينازله أخفي الطّعنــات وعيوني تبوح كن الاوجاع بهدبها نـــــــــــازله غـــــــايتي بليل ظلامه مايروح بيني الايــــــــــــّام وبينه عازله كل ما مشيت لــــه عنّي يروح وعيّت الخطوه تجي منــــــازله والهوى بــــــالقلب وهّاج يضوح لـــــــــــو يسوقه للمنايا جازله كل يـــاس يطرده فيني طموح وكل عــــــــزمٍ خافقي ينحازله |
أنورت
انورت سودة عسير بطلعتـــــــك ... وازهرت مــــــــن وطيتك خدانها اجتمع ورد الجنوب وبسمتــــــك ... والهوى نشوان في وديــــــــانها ما حلى مس السحاب لوجنتك ... والندى سكـــــــران من ريحانها يوم هبت من شمال نسمتــــك ... انتعش في ابها رجــــــا ولهانها يا عنود الصيــــــــــد نجد روضتك ... وش جرى عقبي على ريضانها الله اللي جـــــــــاب لي محبتك ... لو أمـــــــوت شهيد في ميدانها |
معك التحية
معــــــــــــــــك التحية يا نسيم الجنوب ضم بحنــــــــــــــــــــاني لين العود ثلاب بــــــــــــــــــالهون ضمه يا لطيف الهبوب لا تزعج عيون شكت طول الأهـــــــداب تلقـــــــــــــــــــاه واقف بين هاك الدروب في هضبة يا مـــــــــا تناجى بها أحباب تراه من بــــــــــــــــــــــــد العذارى لعوب يضحك ومع ضحكه ســـــــــروق للألباب في ضحكته لحـــــــــــــن الغرام الطروب في مسمعي لحنه على البعد ما غاب يشهد على ما اقول قلب تعـــــــــــــوب قلب غدا به سيد أهـــــــــــل نجد نهاب |
كل ما نسنس
كلما نسنس من الغربي هبــــــــوب ... حمل النسمة سلام وان لمحت سهيل في عرض الجنوب ... عانق رمـــــوز الغرام لك حبيب مــــــا نسا كلمته دايــــم عسى اطلب الله وارتجيـــــه صبح يــومي والمسا كل زين اشهاده وانتم بعيــــــــــــــــد ... منـــــوتي ليتك معي وان سهرت الليل اهوجس بك واعيد ... هل لاجلك مـــدمعي وانت هاجس خاطري وانت فرحــــــة ناظري يا قريب ويـــــــــا بعيد فيك امس وحـــاضري نشوتــــــــــــك تلعب مع قطر المطــر ... وانتشى قطره معــك والسحـــــــــــاب يطاردك بين الشجر ... خالق الزين ابــــدعك الندى في وجنتــــــك صــــار عطر بلمستك والهوى غنى طــــرب تستثيــــــره بسمتك كلما ضمت عيوني منـــــــــــك طيف ... يا بعد كــــــل الطيوف قلت ما مثلك على الدنيـــــــا وصيف ... لا حشا مـالك وصوف لا سحـــــــاب ولا مطر لا نسيم ولا زهــــــــر لا طيور ولا غـــــــــزال ولا مع بــــاقي البشر |
مشتاق أنا
مشتاق انا للصوت بالحيل مشتاق عله يطفي لوعتــــــــي واشتياقي عله يسلي واحــــدن خاطره ضاق عانــــــــا من الحرمان منك وضاقي وخلك معي وانــا معك مابي فراق ولا لا تهــــــــــددني بيـوم الفراقي واطفي لهيب بالحشا صــــار حراق بسك كفى لالاتــــــــــزـيد احتراقي يا من جمالك زايــــــــــد بالحلا فاق محجر عيوني من حلا النوم فاقي ويامن سميك متعــــب كل تفاق متى متى تاتي معي بالتفـــــاقي |
الحزن في صوتك
الحزن في صوتـــــــــك ازعج ساكنـي لين صــــــــار الكون من حولي حزين غصب عني حزن صوتـــــــك هاجني لين خلى عــــــاصي المعنـى يليـن وامتثل حرف القصيــــــــــــد وعادنـي وانسكب شعـرك على حزني حنين شلت انا صوتك وحزنك شـــــــالنـي اكتم الصرخه وينســـــــــــاب الأنيـن شفت حزنك كيف حــــزنك شافنـي كيف داهــــم خلوتي فـي لحظتيـن طير انا مثلك زمانـي ضــــــــــامنـي جرحتني مثلك سيـوف السنيــــــن صابك اللي من زمــــــانـي صابنـي في معاليق الحشــــا جرحـه دفيـن كلّمـا ودعـت هـم زارنــــــــــــــــــي من عذاب الوجـد بيــــــــاح الكنيـن الفرح عقـب الصداقـه هـــــــــابنـي خافت البسمه على وجهي تبيـن طير ياللي صوت حزنــــــك صابني الله اللـي ينتصـر للصابـريــــــــــــن |
| الساعة الآن 01:41 PM |
Powered by vBulletin® Copyright ©2000 - 2024, Jelsoft Enterprises Ltd.