|
وقف
وقف ترى لي والهوى وانت ميعــــــاد يا من جمع بشفاه جمره ومـــــــاها طق اللثام ولا تبين لــــــــــــــحساد لا لا تخلي كــــــــــــــــــل عين تراها في شفتك جمر حمر فيه وقـــــــــاد أغليت انا لون الجمر مـــــــــن غلاها اخاف من واهج شفاياك يـــــــــــزداد يحرق ورود الخد واهج سنـــــــــــاها ورد على غصن من البان ميــــــــــاد ورد نما في ظل رمش كســــــــــاها رمش على جال النوعيس صيــــــاد ذبح القلوب اللي تعرض حمــــــــاها عقلي وقلبي منك في حرب وجهاد واشوف دق القلب ميل خطــــــــاها |
أشعل العينين
أشعل العينين وردي الشفــــــــــــــاه أرسل النظرات للقلب وخـــــــــــــــذاه انتفض له خافقي بـــــــــــــامر الهوى وارتمى في كف مــــــــــن ربي عطاه انتبه يـــــــــــــــــا سيد القلب المليك إكرمه لا تكسره دامــــــــــــــــك هواه ودي إنك ما تشوف إلا أنــــــــــــــــــــا وإنك اللي دايم عيني تــــــــــــــــــراه ودي انك كل مـــــــــــــــــا اصوت أبيك ما يجـــــــــــاوب غير صوتك من دعاه ودي امشي بــــــك على درب الهوى لين أشوف الحي وش اخر مــــــــداه يا هواي من الملا هيــــــــــــــا معي نكتب أجمل عشق في اجمل حياه واترك اللي راح عمــــــــــــره ما درى كيف ياصل قلب عاشق منتهــــــــاه |
أبي منه الخبر
ابي منه الخبر ويقـــــــــــول لله لفا المرسول مــــــا عين محله وقلبي تايه من عــــــــــام الأول ألا يا الله يسر من يــــــــــــــدله خذاه اللي على خـــــده علامه سوادة غيم فــي شمس مطله سرقني مــــا دريت انه سرقني سلبني واحسب اني فاطن له أنا يوم أرسل عيونــــــــه لقلبي عطيتــــه مهجتي والمعطي الله نصف زيـــــن الخلايق في عيونه وباقي الزيــــــــــن في باقيه كله |
طفلة خطا
لقيت الحزن في عيون طفلة خطا مرسوم قضى دمعها والعين تبكي ظلايمهـــــــــــــا لفظهــــــــا رصيف العمر في شارع مزحوم تزاحم عيون النــــــــــــــــاس والهم زاحمها ترد النظر لعيون مـــــــــــــــن ناظروا مهزوم إلــــــــــــــى شافت العينين فيها هـزايمـها على هامش الدنيا رضت همّها المقسوم وراحت تمرغ بــــــــــــــــــالندم روح ظالمها على هامش الــــــــــــدنيا وبالدايره مغروم عــــــــــــزّل واعتزل روحه وخسرت غنايمها لهم رحمة الإسلام مــــــــــا باقي معصوم عسى يقدي مـــــــــــــن غدا في عوالمها |
الله اكبر
الله اكبر كيف يجرحـــــــــــــن العيون كيف مــــــــــا يبرى صويب العين ابد احسب ان الرمش لى سلهم حنون أثر رمش العين مـــــــــــا ياوي لاحد يوم روح لي نظـــــــــــــر عينه بهون فز له قلبي وصفق وارتعـــــــــــــــــد لفني مثل السحايب والــــــــــمزون في عيوني رعد وبقلبي رعـــــــــــد نقض جروحي وجدد بي طعــــــــون قلت : يكفي قالت عيونه: بعــــــــد وانعطف هاك الشعر فـــــوق المتون وانثنى عوده وقفى وابتعـــــــــــــــد أشغلتني نظرة العين الفتـــــــــــون حيرتني بالتوعد والوعــــــــــــــــــــد هي تمون العين والا مــــــــــا تمون لى خذت قلبي وقفت يــــــــا سعد |
ارفعي سهم المنايا
ارفعي سهم المنايـــــــــــــا يالعيون مابقى فيني مكــــــــــــــانٍ للطعون كــــــــــــــــل شبرٍ في حياتي إنجرح و الـــــــذي شقّوا خفوقي يشتكون يــــــــــا العيون الطاغيه خفّي علي كبرت اللّي باوّل ايـــــــــــامي تهون في عيوني دمعتين واقفــــــــــــــــه ردّت الايام دمعي بــــــــــــــالجفون بالغَت فيني تبــــــــــــــــاريح الهوَى و أستبدّت بي مــــــــواجيع الظنون خبّريني يــــــــــــــا غرام العاشقين كيف يستهوي هل العشق المُنُون إرحمي قلبٍ تجــــــــــــاريبه قست في زمانٍ ماعرف يــــــــــــومٍ حنون اللسان يخون و البسمه كُــــــذُوب و اصدق التعبير نظـــــــــرات العيون |
سـ أكمل إن شاء الله هذه الدّرر ~
|
يا عيونه
يـــــــــا عيونه بس يكفيني عذاب بـــــــــــــــالذي ودك تقولينه دريت كل ما قلتيه عندي له جـــــــــواب إقري عيوني مثل مــــــا ني قريت يا ذهاب العمر عمري في ذهــاب القوي الله فلكن مـــــــــــــــا قويت ما بقى لي قلب من القلـب ذاب بين حالي ولوني مــــــــــا حكيت كل ما قلت انفتح لي فيه بـــــاب دار حظي وانقلب عمــــــــا نويت دوك شيبي لاح في حل الشباب كــــــل وحظه وانا بحظي شقيت |
فدوة عيونك
فدوة عيونك لـــــــــــــو غدت روح مغليك وش عاد لـــــــــــــو راحت لعينك عشاير ابيع مــــــــا يغلى على الكون و اشريك و اسوق لَـــــــــى جتني علومك بشاير و ازعّل جميع الناس بــــالحيل و ارضيك و اصبر ولو دارت علَيّ الـــــــــــــــــدّواير و آخذ من ايّامي لك ايــــــــــام واعطيك وان راح عمـــــــــري لك فلا هو خساير احب انا شوفك و صوتك و طــــــــــاريك دايم وفكري فيك هـــــــــــــــــايم وحاير بالصمت اهوجس بك و بالصوت اناديك و الله عليم البيّنـــــــــــــــــــه والسّراير انـــــــــــــا و قلبي و الهوى بين اياديك عنـــــــــــــــــدك مفاتيح الهنا للضماير مــــن روحي احبك ومن روحي افديك يــــــــــــامن غرامه و الحسن فيه ثاير |
من عذابي
مـــن عذابي قلت لعيونك هلا يا هلا بك يـــــــا عذابي يا هلا ما يكفي لوعتي بك من غلاك رحت تبعد عن عيوني يـــا غلا تحسب اني سالي مثلك وانـا في هواك الله حسبيك مبتلي مـــــا يسليني مكان ولا زمان لا ولا غيـــــــــــرك حبيب لا ولا قلبي اللي مـا يطيع لمن بغاه من نظر عينك تعهد بــــــــالولا صار لك بالقلب مـرباع ومصيف يوم غيرك عـــــــن مرابيعه جلا فيه لك مقيال عن حــــر الزمان والدفــــــا عن برد شمله بالخلا |
| الساعة الآن 03:07 PM |
Powered by vBulletin® Copyright ©2000 - 2024, Jelsoft Enterprises Ltd.