تعاااااااال ياجريح المشاعر قصدي يامشرف

[ماجد المطيري]

السلام عليكم ياجريح.........

الليلة حصلت بعض الوقت وقلت أسليكم أنت والأعضاء والزوار ........... الخ

وبعدين
ودي بك الليلة على الهواء مباشرة

محاورة مو شيء ثاني

وش رأيك
:rolleyes:

[حمود الروقي]

يا هلا والله ومرحبــا يالحزيــــن

أنت هالحيـــن شاعر المنتدى الأول بفضل معانيك القويـة

وأسلوبك الرائــع 00

وأنــا من يوم شفتك متصل عرفت إنــك تتهجدنــي ولكن ( الله يعين ) :(


عطنـــا ما عندك لا عدمناك ويا هلا مرة ثاااااااااااااااااني ة


صديقك :)

[بدوي متحضر]

يامرحبا بالشعار

يامرحبا بالحزين الي مانشوفه ألا قليل تراك غالي ولانقدر على بعدك

ويامرحبا بالغالي شعلة المنتدى كله جريح المشاعر شاعر القلطات والمحاورات .

ويامرحبا بالصفوف ( يالله امسكوه الصفوف وأنا أبي احمسكم أول شي ثم أبيكم تمسكون الصف بعدي


بدوي متحضر

[حمود الروقي]

هلا وغلا ( بدوي متحضــــــر )

شرفتنـــا يالغالـــي بحضوركـ

ولو إنـــي زعلاااااان عليكـ

بس حضورك الليلة في هذا المنبر أرضااااني


بالله ناد الصفوف تراني ما أقدر أتحرك من مكاااني ;)

خلـّــهم يشجعووووووووني ويشعللووووون المحاورة

[ماجد المطيري]

اسمع لا عدمناك


ياسلام الله على اللي يزورون المنابر
عدّ ما لاحت بروق الحيا والسيل عابر
ودّنا بك ياجريح المشاعر وأنت خابر
ساع شبت نار والنار من شبابهااااااا



قوم يالمشرف وخذّ علم من بين العلوم=لاتصكّ الباب والنار من شبابها

[ماجد المطيري]

مرحبا يابدوي متحضر
وناد الصفوف نبي نونسكم لو ساعة

[حمود الروقي]

الله الله

استلم لا هنت



مرحبا بك يالمسلّم عدد رمل الصحاري=يالحزين الله يحييك عندي عند غاري
هات ماعندك وأنا يالحزين أخبر وداري=ساع شبـّـت نار والنار من شبـّـابها



هات علمك يا صحيبي وأنا وأنته نقوم=نفتل الأشناب والنار من شبابها

[ماجد المطيري]

خلووووووووووووها

البقا ياصاحبي مير لو تفــهم كــلامـي
من يعدّ الرمل في ضوّ ولاّ في ظلامــي
علم مدري حلم لو طالت ارقبت النعامي
ساع شبت نار والنار من شبابهااااااااا



ياجريح الدرب قدّام والغاطس يعوم = عقب فالك طاب والنار من شبابها

[حمود الروقي]

هييييييييييييييييييي ييه



السلامة يا رفيقي ترى مامن سلامة=عقب ماشفتك هنيـّـا على راسك عمامة
لو يجي صقر الحوية لعن جد النعامة=عقب شبّت نار والنار من شبابها




الدروب المستقيمة على سلـْم وسلوم=تنكب الكذاب والنار من شبابها

[أبو ماجد]

جريح المشاعر+ الحزين= ثنين شاعر
حلوووووووووووووة

الله يعطيكم العافيه بصراحة امتعتونا

واصلوا والله معاكم واصلوا وحنا وراكم

أبو ماجد

[ماجد المطيري]

خلوووووووووووووووووو ووووها


أنت تقدر بس قدمك صناديد الرجالي
الرّجال امعربين الجدود امع الخوالي
اترك اللّفات وسياجها يا بعد حــالي
عقب شبت نار والنار من شبابهاااااا



ياجريح المستوى زين في بعض الرقووووم=والقمر قد غاب والنار من شبابهااااا


مشكووووور يامشرف الشعر ولانا لقاء بإذن الله لأني مشغوووول مع محاورات أخرى ومع أصدقاء شرواك والسامعيييين

[ماجد المطيري]

هلا أخوي أبو ماجد ومرحبا
ودنا بالمفيد من جميع الأطراااااااااااف
ويسعدني تشجيعك وحماسك ولي لقاء معك أن شاء الله عبر قاف إذا كنت شاعر أو نثر إذا كنت كاتب

[أبو ماجد]

تسلم أخوي الحزين
أخوك أبو ماجد دوره عند الفكاهة والخرابيط الصغار
لكن العلوم الدقاقه <======= أنتبهو ماهي دجاجة:)

اعذروني يالربع بيت القصيد يبترم في راسي ولا يظهرغير بشق الانفس
وإذا جبت البيت مظبوط اخذتلي ساعة وأنا دايخ

لكن إذا بغيتو الوناسة زورو منبر سعة الصدر

تقبلوا احترامي وتقديري
أخوك/ أبو ماجد

[حمود الروقي]

شرواااي والسامعين هاااااااااااااه ؟

شرواك الطيب

وين يالحزين ( بدري ) الله يعااافيك

تو الليل ------- حنــّــا والله نفرح باللي يجينا ويونسنا في هالمنبر

طيب طيب ( دوك ) ونشوفك بكررررررررة ضروري ضروري



دام هاذي هرجتك وأنت لك بارق يلوحي
ليش من قدم النشامى يابو ( حزنـى ) تروحي
وأنت خابر جدّهم ما يساوى بالمزوحي
عقب شبت نار والنار من شبّابها



يالحزين الصقر يشهر على حد النجوم=والغراب غراب والنار من شبّابها

[حمود الروقي]

هلا وغلا أبو مااااااااااااااااااا ااااااااااجد

وحضور دايــــــــــم ( دامت أيـــامك )

شاكريـــــــــــن لكـ زيارتك لمنبــر المحاورة

وهذا مو غريــب عليـــــك يالغالــي






لكن هيــــــــــه

تـــــرى الإعلانـــات ممنوعــــــة في هذا المنبــــر :rolleyes:

يعنــي لا تعلــن عن ( منبرك الصدري الواســع ) في هذا المكــان :)

تعودهــ ـ ـ ـ ـ ـ ـ ـ ـ ـ ـ ـ ـــا

[فتـــى البــاديـــة]

(عقب شبت نار والنار من شبابهاااااا)


(والنـار مـن شبابهـا)




سؤال لماذا تكررون هذين البيتين هل انتم ملزمون بتكرارها , وعدم قول اي بيت اخر ولو كانت نفس القافية؟؟؟




علشان نفهم ويمكن ندخل بيننكم !!!




فتى البادية

[بدوي متحضر]

هلا وغلا بشعار منابر ثقافية

ليه يالحزين تروح عنا بهذي السرعة

وترانا ننتظر الليلة علشان نمسك الصفوف.

والا تراني بلعب الدحة لحالي

لنا لقاء الليلة مع جريح المشاعر الشاعر والحزين أبو الطواريق والألحان


أخوكم البدوي بدوي متحضر

[الشاعر]

الله الله يالشعراء

خلوووووووووووووووها

ولا أقول امسكووها لين أصير شاعر محاورات ثم أجيكم

تسلمون والله يالحبايب والله أمتعتونا أجمل إمتاع ولا نسمح لكم الليلة يعني لازم تطربونا الليلة

[حمود الروقي]

الأخ الشاعر : فتــى الباديــة

مرحبـــًا بك في هذه المحاورة

شرفتـنا بالحضور يالغالي


أمــّــا بالنسبــة لسؤالكـ عن :

(عقب شبت نار والنار من شبابهاااااا)

(والنـار مـن شبابهـا)

وتكرارها في كل رد وعدم تغييرها

{ فهذه تسمـّـى ( وقفة ) ويستخدمها شعراء المحاورة

في ألحــان وطروق معيـّـنة تسد عجز المــوّال وكذلك ( الشيْلة )

بعده ، وللوقفات أنواع كثيرة لا حصر لها بعضها مشهور على ألسنة الشعراء

وبعضها وليد اللحظة ، ولابد للوزن في جميع الحالات } 0


أخوكـ

[حمود الروقي]

الأخ العزيز : بدوي متحضر

الله يحييك في كل وقت

وحضورك معنا شرف كبير لا عدمتك


ولا تروووووح الليلة


أخوكـ

[حمود الروقي]

الأخ العزيز : الشاعر

مرحبا بك ووجودك ضروري معنــا

أنت شاعر المنابر كلـّـها ،، لكن ووووين شعرك ؟؟

والله إن شرهتي عليك كبيرة 00



أخوكـ

[فتـــى البــاديـــة]

اخي جريـــــــــــــــــ ــــح


طيب هل هذه الوقفة الزامية بنطقها هيه ,, مثلا بدل ماتقولوا (عقـب شبـت نـار والنـار مـن شبّابهـا) ( محلى قروح البنادق فلا هز ضرابها ) او اي بيت ثاني..





لكي ندخل في محاورتكم لابد نعرف كل شي اخي جريح



فتى البادية

[ماجد المطيري]

مرحباااااااااااااااا اااااااا يااااااااااااااااااا اااا
جريح المشاعر
أبو ماجد
بدوي متحضرررررررررررر
فتى البادية
الشاعر
جميع الأعضاء والزوار
وإن شاء الله نبسطكم الليلة ونكمل مع جريح المشاعر إذا ماعنده مانع أو يكسر القاف إذا نوى أو يقابلني أي شاعر إذا تعذر وصول المشرررررررررررررررر رررررررررررررررررررر رررررررررررررررررررر رررررررررررررررررررر رررررررررررررررررررر ررررررررررررررف

[حمود الروقي]

هلا وغلا بالحزيــــــــــــــ ــــــــــن


يا الله حيــّـــــــه


كمــّـــل كمــــّـــل يالغالي طاروقــنـــــا هذااااااااااااا


وترانــي الليلــــــة ( مـــاني في الفورمــــــــة )

((( أوراااااقي ))) كلــّــــها ( متلخبطـــــــــة )



لكـــــن الله يعيـــــن ( ســرّهــــــــــا )






هاااااااااااااااات ردّكـ :o

[ماجد المطيري]

خلوووووووووووها


المشاغل تشغل الناس يامال الغنيمة
كيف تنطقها ومثلي ما سوّا له جريمة
والرجال أهل الوفا مايجيبون الظليمة
ســاع شبت نار والنــار من شبابهاااا



مانروّح في نهار الوغى والبوم بوم=عقب راسك شاب والنار من شبابها

[حمود الروقي]

الحزيـــــن ،،،،،،، استلم لا هنـــت



خابرين الشغل ما ينقضي للمودماني=يا عساك اليوم قضيّت شغلك يا فلاني
اعبد الله واتـّـقه لا يزلّ ابك اللساني=كان شبّت نار والنار من شبابها



الحروب الطاحنة ماتجي ليلة ويوم=انشد الشيـّاب والنار من شبّـابها

[ماجد المطيري]

خلوووووووووووها


كان تنشد ياعميلي عن الشغل وتحبّـــــــــه
ناوي أقنص بك وأمشيك في وسط المضبّة
والحزين أليا نوى الخصم جرّه وسط غبّــــة
يوم شبت نار والنـــار من شبابــــهااااااااااا




الحروب الطاحنة ما تبنّوها الرخوم =يوم ظنك خاب والنار من شبابها

[حمود الروقي]

هييييييييييييييييييي ه استلم استلم




أنت ضاري بالقناصة ومقناصك مكونـك=خلّـها يا صاحبي طارفــة للي يجونكـ
امسك العكرة ولا تاكل العكرة سنونك=بعــد شبـّت نار والنار من شبّـابها




أنت عقب الهيل بهـّــرت فنجالك بثوم=فوق راسك كاب والنار من شبـّـابها

[ماجد المطيري]

خلوووووووووووووووها
يامكون الخبت حذرى تضوّين الفشيلة
نمسكة العكرة بزندٍ تناوشله فتيـــلة
واحسافة وين ربعٍ يمدون الجزيــــلة
عقب شبت نار والنار من شبابهااااا


ياجريح أنته علومك تجيب النا الضيوم = احتداك الداب والنار من شبابها

[حمود الروقي]

هييييييييييييييييييه ( لا تعجل )



من يردد هرجته تعرفونه يالنشاما=الوراع اللي صغيرون ويدينه تواما
الحزين اليوم قام يتلوّى بالكلامـا=ذاق حمو النار والنار من شبّابها



أنت يالداب المسمـّـى برجلي ما تدوم=يا كسير الناب والنار من شبّـابها



وتصبـــــــــح على خير يالحزين وما قصرت

أمتعتنــا باللعب وحـنــّـــا مبطين ،،،، هنيــّـــا

[ماجد المطيري]

خلووووووووووووووووها
والأخيرة تصبح ابخير يامشرف منابــر
والمزوح الطيّبة مايضرّن الخواطـــــــر
والبنادم تالي العمر في وسط المقابر
عقب شبت نار والنار من شبابهااااااا


يالله انصر ديننا والحكم بعده يدوم = واحفظ الأنساب والنار من شبابها

[ماجد المطيري]

سلاااااااااااام يا أعضاء وزوّار
الليلة بإذن الله موعد المحاورة التي أشبه ماتكون معركة حاسمة بيني وبين مشرف المحاورااااااااااااا اات

وياجريح

على ماقال المثل الميدان ياحميدان والبداية لك وأعانك الله
كما أرجو التواجد من الأعضاء والتشجيع لما يقتضيه الموقف :p

[حمود الروقي]

وعليك السلام يالحزيــــــــــــــ ـن

والله الظاهر إنـّــي تورطدت معــكـ

أنت شــــاعر ما تنقــرب

لكـــن الله يعيـــــــن ويســــاعد


يعنـــي موعدنـــــا الليلـــــة ،، طيـّـب ،، طيّــب ،،

[فتـــى البــاديـــة]

الاخ حزين


ماظن جريـــــــــــــــــ ـح بايتوقف من محاورتك ولو ماتوخذ محاوتكم سنه كاملة, وان واحد منكم يريد يتوقف عادنا
هنا بالكمل المحاورة



فتى البادية