بسمة وطن

[خالدالفرج]

بسّك عنين ونوح
كثر البكى شيفيد
قوم لملم جروجك
انتفض والبسمة عيد
إلبس ثوب المنّية
لو نادى الوطن ويريد
***
خلّ زلمك شدة حطب
إحزم كتارك وزيد
إشعلها بارود وتفق
خلّ يفهم المايريد
من غيضك تذر
رماد يصهر حديد
***
ياخوي هذا الوطن
يستاهل شما يريد
خلّ قلبك الجلمود
صامد وشامخ وصنديد
اعلنها بكل صراحه
الوطن أولاً بالتأكيد
***
لأن الوطن كرامة
وعزة وسيرة أجاويد
أطفال تنتظر بسمه
مستقبل وعالم التجديد
تلعب تمرح بفرح
تطرد الحسرة والتنهيد
***
أي ياخوي حيلك
وكل حيلك وزيد
خلّ يحسّ ويفتهم
الواقف بصف التغريد
كنار بحبسه يشدو
لحن العذاب الفريد
***
هذا الوطن خيمتنا
ولازم نعلنها بالأكيد
نتشارك سوى بهمه
وخلّ عنوانك التوحيد
لأن شنفع نبني
خيمة بلا عواميد وتوتيد
***
شعر
خالدعبد الجبار الفرج

[أميرة الشمري]

الشاعر خالد
الوطن يستاهل نضحي بارواحنا له
شكرا لوطنيتك
دمت بود

[خالدالفرج]

الاستاذة امير الشمري الراقية جداً
مرور الكرام تقدير ووسام
دمت بخير
ودي ووردي
تحياتي