أشرف الشافعى
22-10-2006, 03:21 PM
آلاء بنت من بنات مصر اللى بجد مش كده وكده
مصدقة أن مصر أمها وإن ح ييجى يوم تتعدل المايلة ..
ف امتحان العربى جالها موضوع تعبير عن التنمية فى مصر وقالت رايها بصراحة
فكان ماكان .. ازمة وكنترول ووكالة وزارة ووزارة وأمن دولة ورئاسة جمهورية تدخلت علشان تنجحها بعد مالوزير سقطها
وشغلانة كبيرة خرجنا منها بشىء واحد آلاء وبس
وكانت هذه القصيدة
بتغنى بره السرب
( إلى آلاء فرج مجاهد )
كل البنات
مزغللة عيونها المصايف
والكليبات الجديدة
وفتنة الأفيشات
إلا ( آلاء )
حلفت ملامحها اللى ( شربت من قلل شربين )
لتخاصم المكياج
وتقوم تسهى سكوتنا وتحيى العلم
( كل عين تعشق حليوة
وإنتي حلوة في كل عين
يا حبيبتي أنا قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين )
رفضت تسيب فرصة
للهيب سؤالها الصعب يلسعنا
لو الامتحان عربى
حيجرى لو جاوبته بسؤالين تاريخ؟!!
خافت علينا من الجواب العفى
عرفت منين
إن اللى مستنى الورق ف الكنترول
مخبر من الكاوبوى موعود بترقية؟!
عرفت منين
إن كاميرات اللجان بتراقب التنهيد
كل البنات
مشغولة بالموضة الجديدة لروج مابيبقعش
على ياقة القمصان
لكن ( آلاء )
زى ارتباك الصبح ف شرود النشيد
طلعت عشان
تخدش حياء وقفة طابور المدرسة
وتغير المنهج !!
أشرف الشافعى - مصر
مصدقة أن مصر أمها وإن ح ييجى يوم تتعدل المايلة ..
ف امتحان العربى جالها موضوع تعبير عن التنمية فى مصر وقالت رايها بصراحة
فكان ماكان .. ازمة وكنترول ووكالة وزارة ووزارة وأمن دولة ورئاسة جمهورية تدخلت علشان تنجحها بعد مالوزير سقطها
وشغلانة كبيرة خرجنا منها بشىء واحد آلاء وبس
وكانت هذه القصيدة
بتغنى بره السرب
( إلى آلاء فرج مجاهد )
كل البنات
مزغللة عيونها المصايف
والكليبات الجديدة
وفتنة الأفيشات
إلا ( آلاء )
حلفت ملامحها اللى ( شربت من قلل شربين )
لتخاصم المكياج
وتقوم تسهى سكوتنا وتحيى العلم
( كل عين تعشق حليوة
وإنتي حلوة في كل عين
يا حبيبتي أنا قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين )
رفضت تسيب فرصة
للهيب سؤالها الصعب يلسعنا
لو الامتحان عربى
حيجرى لو جاوبته بسؤالين تاريخ؟!!
خافت علينا من الجواب العفى
عرفت منين
إن اللى مستنى الورق ف الكنترول
مخبر من الكاوبوى موعود بترقية؟!
عرفت منين
إن كاميرات اللجان بتراقب التنهيد
كل البنات
مشغولة بالموضة الجديدة لروج مابيبقعش
على ياقة القمصان
لكن ( آلاء )
زى ارتباك الصبح ف شرود النشيد
طلعت عشان
تخدش حياء وقفة طابور المدرسة
وتغير المنهج !!
أشرف الشافعى - مصر