أنا المسئول

[أشرف الشافعى]

أنا المسئول





وليه ما احلمش


باللى يجاوز الممكن


ويتخطى ...


حدود العادى والمعقول


ما انا طول عمرى باحسبها


حساب العقل والحكمة


ومش لاقى لخداعها حلول


ولما حاولت اكون نفسى


لقيتها بتبنى ألف جدار


مابين يومى وبين أمسى


وبتبدل شروق بكره


بغيم وأفول


كتير جربت اوازنها


يجوز تعدل موازينها ..


وتنحازلى..


وتمنع ظلمها الازلى


عن الباقى من الايام


لقيتها من خيوط غزلى


بتنسج ليا أكفانى


وحدفانى ف قرار مجهول


تطيش كفة موازينى ...


على عينها


قصاد كفة ملاعينها


ولوغيرى ملا عينها


وقدم ليها قرابينه


تقوم تمسح على جبينه


وتفتح ألف باب مقفول


ما هى قادرة وتعملها


بنص إشارة ...


من رعشة ف أناملها


بيتمايل مع ميلها


ويتلخبط كيان ملايين


ويتحول خضار لدبول


وف ألآخر .. أنا المسئول


عشان طول عمرى باحسبها


حساب العقل والحكمة


لا عمرى شطحت بخيالى


ولا فكرت أتمرد


على أكذوبة علموها لى ...


من صغرى وسمّوها


قيم وأصول


انا المسئول ...


أنا المسئول ؟

أشرف الشافعى/ مصر

[صالح مغفوري]

اشرف ازيك يا اشرف

هو مش معقول

ده كلو يبن الاصول

الصبر يا اشرف

ما اجمل الهجة المصرية

وذوق المصريين

دمت بود