أشرف الشافعى
22-10-2006, 03:06 PM
ح ارسملك صورة
ح استأذن ناجى العلى
ف القلم اللى مامتش معاه
ومجاز محمود درويش
ف قصايد ما اتكتبتش
وجاهين ف برائته اللى اتقتلت
بعد هزيمة يونيه
ح استأذن محمود مختار
ف صوابعه اللى شايلها يادوبك
من تمثال النهضة
علشان
أرسملك صورة جديدة
غير كل الصور اللى اترسمت
ف خيالهم عنك
مافيهاش أهرام ولا نيل
مافيهاش آثارات وفراعنة
يمكن
لما ولادى يشدوا الحيل
ويبصوا عليها
تنزاح اللعنة .
أشرف الشافعى/مصر
ح استأذن ناجى العلى
ف القلم اللى مامتش معاه
ومجاز محمود درويش
ف قصايد ما اتكتبتش
وجاهين ف برائته اللى اتقتلت
بعد هزيمة يونيه
ح استأذن محمود مختار
ف صوابعه اللى شايلها يادوبك
من تمثال النهضة
علشان
أرسملك صورة جديدة
غير كل الصور اللى اترسمت
ف خيالهم عنك
مافيهاش أهرام ولا نيل
مافيهاش آثارات وفراعنة
يمكن
لما ولادى يشدوا الحيل
ويبصوا عليها
تنزاح اللعنة .
أشرف الشافعى/مصر