يا رب إهدينا

[أحمد الشناوى]

إخوانى الأعزاء فى منبر الشعر الشعبى أتقدم بهذه القصيدة التى إخترتها من بين ما كتبت بالعامية لتكون بطاقة تعارف بيننا.... يا رب تعجبكو!!
إبقا واثق عالدوام
مهما تكبر الآلام
إن ربك برضه شايف
الدعا فوق الشفا يف
القلوب بالثورة تنبض
و الدراع ده لسه خايف
***
المعونة بتيجى منه
للي مؤمن عن يقين
و إحنا سايبين الصهاينة
لأ و عاملين مسلمين
عمالين ننبش جروحنا
عمالين نضرب في روحنا
عمالين نوضع في حائل خلفه حائل
عمالين نسأل مسائل
تقتل الحب الدفين
إنت قومي ؟ تبقى كافر
و إنت إخوانى؟ مكابر
و إنت و إنت و إنت و إنت
إمته تسكت الحناجر
إمته تلتف الخناجر
في وشوش اللي يعادينا
كلنا في صف رافعينلك ايدينا
بنقول يا رب ساعدنا و نقول يا رب اهدينا.

[علي الغنامي]

الأخ الكريم أحمد الشناوي:


مرحبا بك وبقصيدتك


الجميله جدا


نشكرك على مشاركتنا


هنا في منبر الشعر الشعبي


أهلا وسهلا بك ونتمنى أن يطيب لك


المقام بيننا ألف تحية لك

[أحمد الشناوى]

كل الشكر للأستاذ الكبير أبو مراد على تقييمه الكريم لى وللقصيدة ...