محاورة بين سعد الروقي و جريح المشاعر !!!

[سعد الروقي]

السلام عليكم ورحمة الله وبركاته
يسعدني أكون أحد أعضاء منابر ثقافية, ويسعدني ايضاً أن احاور جريح المشاعر ولبيت دعوه الاخ أبو ماجد لأكون خصمك في الميدان , واتمنى من أخواني الشعار متابعة المحاورة والمشاركة معنا..

خـذها مني ياجريح المشاعر
7
7
7
7

ياجريح المشاعر ويش شي( ن ) تريده=ودي أرضيك لو النفس صعب(ن) رضاها
والله اني معرفك مير أضنك ولـيده=قـال لـي ابـوماجد وقـفتك ماعلاها
ودي أنشدك عن تالي الليالي الجديده=الليـالي تبين جـودها مـن رداهـا
القريبه ترى ماهي سوات البعيده=العرب مـاتفـك الطيبـه من يداهـا

[طالب]

مرحبا ومسهلا ياسعد الروقي

هاه وينك ياجريح المشاعر

[حمود الروقي]

وعليكم السلام ورحمة الله وبركاته

هلا وغلا بك يا سعد الروقي

مرحبابك في منابر ثقافية ووجودك مكسب كبير للشعر وأهله لا عدمناك

وأبو ماااجد عااااادته دايم ما يجيب ألاّ كل طيّـــب دام لنا جميـــــــــــــــع


والله يحييك --- وأنا آسف على التأخيـــــر لوجود شرواك وشروا النشامى في مجلسي



واستلم لا هنت


يا سعد كل تاجر مكسبه في رصيده=ما طلبنا معاريف العرب مع جزاها
أنت شاعر وأنا شاعر وهات القصيدة=والمنابر ترحّب بالضيوف ولحاها
الليالي عساها كل وقت ن سعيدة=وانتبه من مشاهيب ن يروعك لظاها
العرب يالسنافي مع طريق العقيدة=وأنت ياصاحبي معروف في مستواها

[سعد الروقي]

خلوووووووووووووووووو ووووووووووووها
مرحبا بالجميع وان شاء الله نعجبكم انا والشاعر جريح المشاعر
امسك الصفوف ياولد
دوك الرد

7
7
7
7
أبن لادن يقـولـون العـرب في بـريدة
.................... .....والحضر نافيـه والبـدو تـضغط علاها
شب نارك بكيفك ليـن تحمى الحـديدة
.................... .....ارضنـا تبلـع اللـي نازل ن من سـماها
كان ياصحبـي ودك بجملـه مفيـدة
.................... .....اجبـر النفس لطاعـه وتـنـسـى هـواها
والله اني ماقول الا العلـوم الأكيـدة
.................... .....وانت تدري وانا ادري والصحف من قراها

[حمود الروقي]

خلووووووووووووووها

بس وين الصفوف والله الظاهر مغير أنا وأنت

وفيــك الخير والكفاااااااااااااية

استلم لا عدمتكــــ







الجمل لو نسوقه قام يرثع بقيده=مايشوف الجبال ولا يميـّــز حصاها
كان شبّـيت ناري ياسعد بالزنيدة=تونس الحمو قدّام أزقلك في سناها
احمد الله وخلـّـك واحد ن من عبيده=صلْ فرضك وخلـّـك واحدن من حداها
اخذ مصحفك لا تقرا كلام الجريدة=والبيوت الذرية عزّها من بـِناها



الليل الليل

[سعد الروقي]

خلوووووووووووووووووو ووووووووووووها

دوك الرد

7
7
7
7
طول الايام والله مافقدنا فقيده
.................... ..نارنا يالسنافي تحرق اللي وطاها
الكلام الحقيقي اسمعه لاتعيده
.................... ..كيف تبني بيوت ن مايذري ذراها
انتبه تختصرها والليالي مديده
.................... ..المثـل قال من دور علاها لقـاها
فالليالي الرخيه والليالي الشديده
.................... ..روق كل العرب تمشي بفّيت عصاها

[أبو ماجد]

فالليالي الرخيه والليالي الشديده
.................... ..روق كل العرب تمشي بفّيت عصاها

وينك ياجريح المشاعر الشغل حامي حامي000

الله يعطيكم العافيه اتحفتونا بالمحاورة000

[حمود الروقي]

هييييييييييييييييييي يييييييييييييييييييه

خلوووووووووووووووووو وووووها

كفو والله يا ابن رووووووووووووق


استلم



ياجماعة سعد فالملعبة جاب عيده=مار ودّوه يم شهار ياكل دواها
وش نسوّي بعربان ن تجينا بليدة=مايعرفون شرح الدرس والله بلاها
أنت تبني بيوتك من سِعاف الجريدة=خل عنك الكلام اللي يزوّد غثاها
مانذم القبايل ياسعد بو سَـعَـيْـدَة=مدْ يمنى الشحم ونردهالك ملاها

[حمود الروقي]

الأخ طالـــــــــــــــــ ب


شاكرين لك المتابعة في البداية وياليتك معنا هالحين فالصف


تحياتي لكـــــــــــــ

[حمود الروقي]

هلاااااااااااااااااا أبو مااااااااااااااااجد


وبك أنت وينك من اليوووووووووم


الله حسيبي عليك 000 جبت لي واحد ن يبي يااااكلني

شاكرين متابعتك يالغالي

ولا تروح بعيد عنــّـــــــــــي

[سعد الروقي]

خلووووها
7
7
7
7

احسبنك ذكي واثرك مخك عصيدة
.................... .. لقمة أم الكبايـر ميتـه فـي حشـها
الولد صار دمه ناشف ن في وريدة
.................... .. كيف يقلط على اللي محد يقلط علاها
يحسبنه يصيد وصار كل ن يصيدة
.................... .. المطية طرحت سنونها من جماها
كل واحد عيونه للنجوم الفريدة
.................... .. وانت عينك تكحلها وتصبح عماها

[حمود الروقي]

استلم لا هنــــــــــت
7
7
7
7
7
7

يا سعد ما نبا فيدك وشي ن تفيده=حبّكم لا تجيه اللي تشيّــل رحاها
عارفين المقاصد كلّها والسديدة=المطوّع يصلي له بناس ن يباها
الجنيدي خبيث وصار يعصى عميده=نعنبوها يابو مسعود واللي رباها
الوعد بيننا لا جيت حفرة زبيدة=اشرب الماء قراح ولا تعاين بماها



بيـّــض الله وجهك يا سعد

أمتعتنا بالمحاورة معك ويشهد الله إنك شااعر شااعر شااعر

والوعد في الليالي المقبلة ولا تغيب عنّــا ترى معرفتك شرف للجميع

[سعد الروقي]

خلووووها
7
7
7
7

ماعرفت السبور ولا عرفت القعيده
.................... .. اعرف ام اليتاما واعرف انك وراها
اعرف الذيب ابو ذيلين وانته وليده
.................... .. نفس ن الله محرمها ونفس ن عطاها
العرب توعد وتحضر نهار الوعيده
.................... .. وانت رجلينك الثنتين تقصر خطاها
الزمن ينقص المخلوق والا يزيده
.................... .. وانت نفسك دخيلك لا تبين خفاها


الله يعطيك العافية يا جريح المشاعر,,, صراحه لك مستقبل جيد واتمنى ان نراك على الساحه الشعرية,,, سهرناك معنا وبكره ان شاء الله لنا لقاء...

[بنت الرياض]

خلووووووووووووووها :d

[طالب]

الله يعافيكم ياشباب والله هيجتوا المشاعر

بنت الرياض المطفوقه وخري هنا

كملوا ياشباب

[أبو روان]

الله الله على المعاني الجزلة والفتل والنقض والعلوم الثانية

سعد الروقي x جريح المشاعر
قمة الإبداع والتألق
ننتظر
ننتظر
ننتظر
ننتظر


القادم والقااااادم أحلى




أبو روان

[حمود الروقي]

تسلمووووووووووووووون على المتابعة

شاااااااااااااااكرين لكم التوااااااااااااااصل


الأخ :

طاااالب


الأخ :

أبو روااااان

الأخت :

بنت الرياض





القادم أحلى وأحلى كما قال أخي : أبو روااااااااااااان

[أبو باسل]

السلام عليكم ورحمة الله وبركاته

أهلا وسهلا بشعراء المحاورة من منا لايعرف شاعر المحاورات الكبير ( سعد الروقي)

وكذلك الشاعر المبدع والمتألق دائما ( جريح المشاعر)

لقد ازدانت بكم منابر ثقافية .

أخوكم / أبو باسل

[حمود الروقي]

أهلاً وسهلاً بأخينا العزيز : أبو باســــــــل

تحية عطرة كعطر مرورك على هذه الصفحة 00

لك التقدير والإعجاب في كل ماتطرح 000

أتمنى لك التوفيق والنجاح وعقبال الدكتوراه إن شاء الله 00








أخوكـ
جريـح
المـ شاعر