تعال ياللي يسمّونك مشاري عندي اعلوم

[حمود الروقي]

شـعـراؤنـا ومـتابعـونـا الكـرام ..

سـلام مـن الله عـليكـم جمـيعــًا ..

مـا دام ابن شـلواح اعـتذر عـن الليـلة .. نـادولي مـشـاري ...




تعال ياللي يسمّونك مشاري عندي اعلوم=أبغاك في هرجة ن لكـنّ لا تبحث خفاها
بعض العرب مثل ما قالوا هذا معطى ومحروم=يالله دخيلك من الدنيا ليا دارت رحاها

[علي الغنامي]

الله الله ياالأمير رائع بس عانه يامشاري الله قرده عندكيه أسدحه أرضاً

وأنا متابع . صح لسانك ياحمود

[حمود الروقي]

الله الله ياالأمير رائع بس عانه يامشاري الله قرده عندكيه أسدحه أرضاً

وأنا متابع . صح لسانك ياحمود


سـدحـك الجـاثـوم يـا فـتــى .. ههههههههه


صح بـدنـك يـابو مـراد .. وشـكـرًا كـثـيـرًا عـلى التـواجـد ..

[مشاري]

أستلم الله يبلشك=




جيتك وأنا للعلوم العوج حلال.ن وزيزوم=لكن عجل وهات الطيّبه واترك رداها

ترى العطا من ولي العرش يعطي كل مقسوم=مالك مجال ن تخير ياعميلي في حداها

[حمود الروقي]

الله الله ..

هههههههه




أبشر بعلم ن يطيـّر عن عيونك لذة النوم=يومنّ بعض البشر تغفي عيونه من هناها
قالوا مشاري نوى الحجّة وجت من دونه القوم=وراه ما حجّ بيت الله ولو جا من وراها

[علي الغنامي]

الله رائعين الله لا يروعكم بشاعرٍ يروع يامشاري اجلس ياحمود .

ألا هالحين الجاثوم وشهو يامشاري أنا ماني بناشدن حمود يكذب عليّ

وصح لسانكم كلكم .

[مشاري]

الله الله=

ياطير ياللي على سور المباني تدرج الحوم=وراك ماتكفخ الجنحان في عالي سماها

حنا نشبنا بحرب.ن طاحنه للفرس والروم=صبرك شويه تشوف القوم تعذر في عشاها

[حمود الروقي]

الله أكـبـر .. اسـتلم اسـتلم




الحر الأشقر مواكيره طويلة واطرد البوم=حذراك تال الزمن يا صاحبي تصبح غِذاها
يالله دخيلك من الفتنة ومن يمشيبها اليوم=والصبر عدّى حدوده والعرب شالت عصاها

[مشاري]

أبو مراد ربي تحييه

خلك قريب هذا عزرني جايب.ن لحن لحيات مطلق الثبيتي . يهيب ياهوه.

،،،،،،،،،،،،،،،،،،،، ،،،،،،،،،،،،،،،،

(الجاثوم) يشبه الكابوس والله أعلم

[مشاري]

أستلم=





ماني على طرد بعض الخلق يارجال ملزوم=بعض الذيابه من الذله تجر النا عواها

السلعه اللي نشب بياعها ماتقبل السوم=مالي نظر في مكاسبها ولا في مشتراها

[علي الغنامي]

والله ياحمود يبوووووون يشيلونها ثم يوطونها مير كبر مخدتك

صح لسانك على هالبيت

الله يبقيك يامشاري

صح لساااااااااااااااااا اااااااااااااااااااا اااااااااااااااااااا اااااااااااااااانك يامشاري

[حمود الروقي]

اسـتــلم وتـصـبح عـلى خـيـــر .. ومـشـكــور يـابـو مـراد عـلـى السـهـر مـعـنا والمـتابعــة ...





من ذلّ قالوا سلم واللي زبن ماهوب مضيوم=ادخل علانا وحنـّا دولة ن يذري ذراها
ياللي سبحت البحر وش فيك ما تقدر على العوم=لاعاد تطري كنوزه وأنت منت بمستواها

[مشاري]

أستلم=

الزير سالم ترى ماينطحه فالموقف رخوم=وانا سواته رقا عز الشجاعه واعتلاها

اهب ياللي على فعل الخطا ماهوب معصوم=ليتك تعرف الحقوق اللي على مثلك نساها

[مشاري]

ابو مراد


سلمت والله على الحضور والمتابعه



،،،،،،،،،،،،،،،،،،،، ،،،،،،،،،،،،،،،،،،،، ،،،،،،،،،



وسلمت ياحمود وشاكرين لمن تابع ولكم التحيه وتصبحون على خير.