وين أنت يالعليمي

[مشاري]

تعال الله يحييك وأنا موجود بكره بعد صلاة العشاء=


ألا ياللي تسمى بالعليمي=ومع فنجال أشوفك والطهيمي
ألا يالشاص زّينك البريمي=ياشين الظلم يازين العداله

،،،،،،،،،،،،،،،،،،،، ،،،،،،،،=
أستلم=

أشوفك دخلت السوق لاتامن السوق=بعد غيرو جماز فيها غرابه

وابشر خوي الدرب ماني بمسروق=سلمنا وقالو كلبوها نهابه

[العليمي]

صح السانك
وانتظرني على الموعد
والله عليك يعين .
وتقبل تحياتي،،، أخوك العليمي ،،،

[مشاري]

العليمي هلا والله.


الله يعين الجميع


أخوك : مشاري

[العليمي]

الله يمسيكم بالخير

وأستلم يامشاري

وصلك اللي زهمته يا مشاري
على وضح النقا بايع وشاري
عساك اتجوزمن بعض الطواري
يا شين الظلم يا زين العداله


أنا لادخلت السوق ما نيب مطفوق
اعرف اتخارج قبل ينصك بابه
تقوله وظنك ماخذ الطاق مطبوق
ولالك سلامة وأنت بين العصابه

[مشاري]

الله الله=

نبا نعجز مفسرت الحلومي=مدامك فالبحر تقدر تعومي

تدلل ياعميلي بالنجومي=يـاشـيـن الـظـلـم يـازيــن الـعـدالــه


،،،،،،،،،،،،،،،،،،،، ،،،،،،،،،،،،،=

أستلم=

نشدنا اليهودي قال رب السماء فوق=أثرهم يعرفون القلم والكتابه

نبا نرسل المظروف في جوف صندوق=وهات الجواب بدون ما يندرابه

[علي الغنامي]

الله الله الله

مشاري +العليمي أو المعلم

متابع الله يعطيكم العافية

وصحة مذياعاتكم الكبيرة جدا

[مشاري]

ابو مراد






الله أنه يحييك







وصح بدنك

[العليمي]

مفسرت الحلوم اضمنك منها .... ولالك غير من يبعدك عنها
ومثلي لاحضر يامر وينها .... ياشين الظلم يازين العداله

آجل تحسب -ن- العلم محصورفي روق ..... جواب اليهودي مانكروه الصحابه
ولا يا مشاري كل مطرود ملحوق ..... لونه معلق فوق متن السحابه

[علي الغنامي]

مفسرت الحلوم اضمنك منها .... ولالك غير من يبعدك عنها
ومثلي لاحضر يامر وينها .... ياشين الظلم يازين العداله

آجل تحسب -ن- العلم محصورفي روق ..... جواب اليهودي مانكروه الصحابه
ولا يا مشاري كل مطرود ملحوق ..... لونه معلق فوق متن السحابه

الله الله

صح لسانك يالمعلم وينك يامشاري لا تترك الروقه يزعل عليك حمود

الله يعطيكم العربي

[مشاري]

أستلم=
أوامر يالامير أبلا علامه=وبعض الناس نفهم من كلامه

أظنه مايبا غير السلامه=يـاشـيـن الـظـلـم يـازيــن الـعـدالــه

’’’’’’’’’’’’’’’’’’’’ ’’’’’’’=





الله الله=

ورى مايصلي يوم قافيهم العوق=يقولون دينك فيه مايقتدابه

وألا ياعميل الخير لو تحتم النوق=نبا منك في هذي تجيب الاجابه

[حمود الروقي]

مفسرت الحلوم اضمنك منها .... ولالك غير من يبعدك عنها
ومثلي لاحضر يامر وينها .... ياشين الظلم يازين العداله

آجل تحسب -ن- العلم محصورفي روق ..... جواب اليهودي مانكروه الصحابه
ولا يا مشاري كل مطرود ملحوق ..... لونه معلق فوق متن السحابه





صـح لســانـك يـا العـليمــي .. أنشـهـد إنـك شـاعـر كـبيــر ومـكـسـب للجــمـيع هـنــا ..

سـلمــت وطـلـت ..


مشـاري صـح لســانـك وعـشــت يـا شـاعـر مـنابـر ..



هههههههههه أبو مـراد .. الليـلـة شـارب له شـيء هههههههه الله يعطيكم العربـي ..:D

والله إنـي ضـحـكـت ليـن بغـيت أمـوت ,, بس أشـوى مـا مـت ..




مـتــاااااااابعـيـــ ـــــن هالقـااااااف الـزيــــــــــن

[مشاري]

العليمي

أستاذنك بالخروج عندي دوام بكره ومثل منت شايف الساعه 2.15

لاكن بكره أنا موجود من عصر إلى منتصف الليل متى ماجيت تلقاني .

تحياتي لك يالقرم.


،،،،،،،،،،،،،،،،،،،، ،،،،،،،،،،،،،،،،،،،، ،،،،،،،،،،،،،،،،،

حمود الله يعطيك العربي أي والله وأنا مدري وش معناتها مار هذي ويش(سـلمــت وطـلـت )

جالسين سوا أنت وأبو مراد..ههههههههههه

[العليمي]

الاخ ابومراد اسعدني مرورك والله يحييك
وأست______________لم
يامش______________ار ي
ابعلمك ونصت للعليمي
عساها ماتوسدك القديمي
تجنب عنك في حلق النعيمي
ياشين الظلم يازين العداله

---------------------------------------

صلاة المصلي خلف ابو دقن محلوق
عليها يبا يدرج مقص الرقابه
لونك وكيل ادم على كل مخلوق
لقيتلك بين الناس قدر ومهابه





---------------------------------------------- وتصبحون على خير،،،،

[العليمي]

الاخ/ حمودالروقي

اشكرك على المرور
وتقبل فائق الاحترام .،،

[مشاري]

أستلم=
عساها يوم ثارت في خباها=سلم زبن الونيه من غثاها
ولاني بمتخير في حداها=ياشين الظلم يازين العداله


الله الله=

،،،،،،،،،،،،،،،،،،،، ،،،،،،=




هذا اللي نقوله جنب أبو بكر فاروق=وأبو طالب اللي مرتبط بالقرابه

كتبنا على الاوراق تسعين طاروق=وعيا المغني لا يجر الربابه

[حمود الروقي]

أستلم=
عساها يوم ثارت في خباها=سلم زبن الونيه من غثاها
ولاني بمتخير في حداها=ياشين الظلم يازين العداله


الله الله=

،،،،،،،،،،،،،،،،،،،، ،،،،،،=




هذا اللي نقوله جنب أبو بكر فاروق=وأبو طالب اللي مرتبط بالقرابه

كتبنا على الاوراق تسعين طاروق=وعيا المغني لا يجر الربابه



للــه درّك يا مشــاري

[علي الغنامي]

مساء الخير للجميع

صح لسانك يامشاري

أنا تراني في صفك

بس ممكن سؤال؟ ابو بكر الفارووق هذا


وش هو اهو من الروقة اللي أميرهم حمود وإلا لا

الله يجعلك تعرس على وحدةٍ

إن نطحها الهوى ضامرة من جوش

وان قفاها الهوى شايفه ماعاش


بس أبيك تعلم حمود تراني ماشربت شئ

ذابحني الضما من أمس

[مشاري]

حمود سلمت

/////////////////////////////////////////

أبو مراد دمت


والله أنك مكمل.ن اللي البارح بقت.(الفاروق ياطويل العمر عمر أبن الخطاب)

لقيته فالتاريخ دونه سبوع وأشغلت خلق الله ما أقول غار الفاروق.

سلمتو وخلوكم قريب هذاء هرش .

[العليمي]

الله يصبحكم بالخير

وتوني فرغة لك يأخي مشاري

ونكان ماعندك مانع نخلص هالطاروق الليلة بأذن الله
مع العلم باني في جهاد انا وها التنسيق

واستلم


تبا علماً على شاريك يجمد
يسولف به غداً محمود لحمد
على جلمدك يم السيف ج المد
ياشين الظلم يازين العداله

أثرك بدوي ثوبك على المتن مشقوق
[color=red]( مع الاعتذار للشاعر
[ زمانه يلوكه بين ضرسه ونابه
على شان رزق الله تسمى بمرزوق


وخشيت مع مرزوق داخل ثيابه

[مشاري]

الليل سرا والله مدري أبطي معك وألا أسري وبكره نكمل=




دخيلك لا تجي برج التجاره=ليا حول تذوقون الخساره

وألا يالحر تفهم بالاشاره=ياشين الظلم يازين العداله
.................... .................... .........=


أستلم=




عرفت المهاوي يوم قال ألي معشوق=وأنا مالقيت الناس تعشق ترابه

هذا اللي ندورله ولا بقي معلوق=بغينا الجواب وراح مدري سرابه

[علي الغنامي]

صباح الخير للجميع عساكم بخير دائم والله أني متنح اليله مير المعذره على الاخطأ

ياأخوي يامشاري أنتم تمغطون التنسيق لأن معاد أشوفه غير منسدح

بس صح لسانك على هذا الرد اللي يابني من أخر الدنيا

رد عن عشرة خل حمود يموت اليله يوم أنه ممات البارح

والخصم مانهضم حقه شاعر وصح لسانه بس جمهورة ممرح

[مشاري]

صباح النور

ووالله أنك سيم سيم البارح مدامك ماتشوف الرد غار وأنت منسدح.


(عسى الشر ما يسدحك)

[العليمي]

على برج التجاره ويش حدك
اكيد انك على قده وقدك
عليك يعودمكيالك ومدك
ياشين الظلم --------------العداله
الايارجال المعرفة ياهل ذوق ________على العلم الآخر قام يقطر لعابه

تمساء بخير ولشرب البن محروق_________لواللي يصبه غرو بول شبابه


ويصبح الجميع على خير
وشكراًً لشاعر مشاري وتقبلواتحيات اخيكم العليمي ،،،،

[مشاري]

العليمي



سلمت وتشرفت بالعب معك وأرجو أنك تواجد كل حين .



،،،،،،،،،،،،،،،،،،،، ،،،،،،،،،،،،،،،،،،،، ،،،،،،،،،،،،،،،،،


ونشكر جميع من تابع

[دمار]

مشكور يا الزين والله صح السانك وتستمع لقصيدتنا