محاوره رباعيه (تسجيل)

[مشاري]

السلام عليكم ورحمة الله وبركاتة،،،،،،،،،،،،، ،،،،،،،،،،،



أعزائي زوار وأعضاء منابر ثقافية.


ترقبو الليله محاورات مباشره بعد صلاة العشاء .

بين كل من الشاعر أبن شلواح_والشاعر القويماني


ويقابلهم _الشاعر ضامي _ و مشاري


فترقبو الموعد والله الله بالصفوف ..




تحياتي لكم.

[حمود الروقي]

وعـليـكـم السـلام ورحـمـة اللـه وبـركـاتـه ..

أهـلاً بالشـعـر وليـاليـه ..

أهـلاً ومـرحـبـًا بالشـعـراء ومـعـانيـهـم وجـزالتـهـم المعـهـودة ..

سيـكـون المُـتابـع - حـتمـًا - مـع سـهــرة شـعـريــة يتحـدّث المعـنـى فـيها ويسمـعـه الجـمـيع ..


مـشـرف المحـاورة الشـاعـر المـتألـق مشـاري ..

نشـكـر لك هـذا الإعــــلان ونتمـنـى مـعـك حـضـور الشعـراء والجمـهـور في هـذا المـوعـد !!



للأسـف .. سأكـون بعــد سـاعـة مـن الآن فـي المـطـار وسأعـود غــدًا إن شاء الله لمـتابعـة هذا الحدث ..

تحيـاتـي للجـميع وخـاصـة شـعـراؤنـا ..

الأخ الفـاضـل والشـاعـر القـادم للمـنابـر الأسـتاذ ابـن شـلـــواح ..

والأخ الفـاضـل و الشـاعـر الغني عن التعريـف الأسـتاذ القـويمـاني ..

والأخ الفـاضل والشـاعـر الـرائـع الأسـتاذ ضـامـي ..






الروقـــــــي

[علي الغنامي]

أهلا وسهلا بالشعراء

يبدو أننا موعودون اليلة

بمحاورة على أعلى مستوى

شكرا لك أخي مشاري على هذا

للعلان عن هذا السهرة الشعرية

[مشاري]

حمود الروقي





ابو مراد




مراحب نورت الصفحه لتواجدكم

[مشاري]

الله الله=



مرحبا ترحيب وافي ماحصل من قبل زيه=بالرجال أهل الكرم وأهل الوفاء وأهل الحميه

وأنت ياشلواح قرب يوم كلن له خويه=وأن بغيت الصدق مايبنى البيوت ألا عمدها


،،،،،،،،،،،،،،،،،،،، ،،،،،،،=

أستلم=

مرحبا ترحيبة.ن تفرح القلب الحزين=بالرجال أهل الجزيره بعد وأبطالها

[القويماني]

السلام عليكم

مساكم الله بالخير جميعاً
ومنورين

والله يعدي الليله على خير

[ضامي]

مساااكم الله بالخير=

واعذروني على التأخير=

والله يا حست حوسه مع التنسيق=


مرحبا ترحيب وافي بالرجال اهل الشجاعه=ودنا نلعب مع الشعار لو هو ربع ساعه

وكل واحد يكسب الجزلات من مكسب ذراعه= وان بغيت الصدق مايبني البيوت الا عمدها


،،،،،،،،،،،،،،،،،،،، ،،،،،،،،،،،=

مرحبا يالضيف واقلط على سمن وسمين=والرجال الطيبه طيبها بافعالهاا

[بندر بن شلواح]

استلم
البقا ثم البقا ياشاعرن رحب وهلا=من هجوس الشاعر اللي عن لزومة ماتخلا


وانت لو منتة بغالي كان ماقمت اتغلا=وان بغيت الصدق مايبنى البيوت الا عمدها

،،،،،،،،،،،،،،،،،،،، ،،،،،،،،،،،،=




البقا من هاجسن ماتغيرة السنين=بالقناة اللي قمرها يبث ارسالها

[القويماني]

مساكم الله بالخير=
استلم=
البقاء يا اهل الكرم يا اهل المواقف والشهامه=والمعونه ياطويل العمر ضامي والسلامه

العب العب بالبواخر يابحر تسعين قامه= وان بغيت الصدق مايبنى البيوت الاعمدها

،،،،،،،،،،،،،،،،،،،، ،،=

البقاء يالي ترحب من العقل الرزين=والحموله مالها الا ظهور اجمالها

[مشاري]

الله يخارجنا=


بعد هالغيبه نبا ناخذ علومك يالسنافي=ياعسى ماصار فالدنيا عليكم باختلافي

الله اللي يكشف الاسرار يعرف كل خافي=وان بغيت الصدق مايبنى البيوت الا عمدها


،،،،،،،،،،،،،،،،،،،، ،،،،=

أستلم=

والله أنك تدحم الناس بالجنب المتين=والخزاين ياعميلي تفك قفالها

[ضامي]

الله الله=


استلم لاهنت=


يالقويماني نشوف النار شبت فالحديقه=يوم كلن مافزع لا صاحبه ولا شقيقه

لين صرح واحد ٍ يسمع ليا نادى صديقه=وان بغيت الصدق مايبني البيوت الا عمدها

،،،،،،،،،،،،،،،،،،،، ،،،،،،،،=

يالقويماني تولّم وهات المارتين=شبت النيران وانته ترى في جالها

[علي الغنامي]

الله الله الله

على هذا الإبداع في المد والجزر

متابع من بعيد حتى ماتصيبني حذفه

شكرا لكم متابع حتى النهايه

[ضامي]

ابو مراد

هلا ومرحبتين

حياااك الله ومتابعتك تشرفناااا يالغالي

لاهنت

[بندر بن شلواح]

العلوم ميسرة مار الوفا اصبح شي نادر=عقب ماكان الوفا عند العرب وارد وصادر

مار سند واتسند يوم بعض الناس حادر=وان بغيت الصدق مايبنى البيوت ألا عمدها


الله الله=


الحسن ياصاحبي خابرن شغل الحسين=كيف حالك والغنانيم كيف احوالها

[القويماني]

،،،،،،،=

الله انه ينصر الاسلام يمال الغنيمه=والمصيبه فالضعيفه والمصيبه فاليتيمه

والسبب من تحت راس طويق يالله لاتديمه=وان بغيت الصدق مايبنى البيوت الاعمدها



،،،،،،،،،،،،،،،،،،،، ،،،،،،،،،=


,,,,,,,=
محتسين البندقيه لقمع المعتدين=والله اني لاجزي الناس حسب اعمالها

[مشاري]

ودي أجيب الكلام اللي نعرفـه والحقيقـه=الكلام اللي تقوله مامشينـا فـي طريقـه

عندي شهود.ن على ماقيل وأجيب الوثيقه=وان بغيت الصدق مايبنى البيوت ألا عمدها



الله الله=

يوم أبي سفيان جيشـه يضـد الطامعيـن=قالـت الشيعـه نـدور علـى شيالـهـا

[ضامي]

أستلم=


,,,,,,,,,,,,,,=

لاتحسبنك تبا تكسب ورا حربك غنايم=احسب حساب الجيوش اللي ترصد للعمايم

وانت في صحرا وفوقك يارفيقي طير حايم=وان بغيت الصدق مايبني البيوت الا عمدهاا

,,,,,,,,,,,,,,,,,=






اعرفك ودك تخدم العرب والمسلمين=مار حذرا لاتضيّع جميع اموالهااا

[بندر بن شلواح]

يامشاري يامشاري وش تجيب وش تخلي=وش مجال السالفة هاذي ياجعلك لالي اللي

شفت وشلون اقدر ازعلك وانا في محلي=وأن بغيت الصدق مايبنى البيوت ألا عمدها

،،،،،،،،،،،،،،،،،،،، ،،،،،،،،=





المهم المعذره مرتين ومرتين=وانت يابو زيد في لحيتي واسبالها

[القويماني]

ماذكرت الموت وسط الحرب ياشاعر تراني=ولا حسبت احساب ياضامي فلان ولا فلاني

يوم اشوفك من بعيد اتصيح بين ما تداني=وان بغيت الصدق مايبنى البيوت الاعمدها


،،،،،،،،،،،،،،،،،،،، ،،،،،،،،=

القويماني تراء فالمواقف مايلين=يحتم الميقاف ياعمها يا خالها



وتمسون على خير
والله لايهينكم وبيض الله وجيهكم

[ضامي]

الله الله

القويماني صح لسانك ولاهنت يابعدي

تشرفت باللعب معك

صحت السنتكم ياشعار مشاري وخويه ابن شلواح


لاهنتوا والشكر لكل من تابع

وشكر خاص لابو مراد

تصبحون على خير

[مشاري]

الله لايهينكم وبيض الله وجيهكم.



وسلمتو ونتمنى أنكم تواجدون في الايام المقابيل.



وتصبحون على خير

[علي الغنامي]

الله الله

القويماني صح لسانك ولاهنت يابعدي

تشرفت باللعب معك

صحت السنتكم ياشعار مشاري وخويه ابن شلواح


لاهنتوا والشكر لكل من تابع

وشكر خاص لابو مراد

تصبحون على خير
الأخوة شعرانا الكرام

مشاري..

ضامي..

القويماني..

أبن شلواح..

نشكركم ونهنيئكم على هذا الإبداع الشعري

الممتع ونتمنا لكم الاستمرار هنا في هذا المنبر التراثي الكبير

وشكر خاص لك أخي ضامي على شكرك ليّ والحق لكم أنتم منا

كما أتمنا من الجميع المشاركة حتى لا تفقد المحاورة حلوتها
شكرا لكم جميعاً

[حمود الروقي]

محـاورة مـن أجـزل مـا قـرأت ..

للـه دركم يـا شعـّار مـنابــر ..


تـو حـضـّـرت مـن السـفـر ، وقـبل الـراحـة حـلـفـت لأقـرأ هـذا الإبــداع ..

مشاري - ضامي - ابن شلواح - القويماني -------- بيـّـض الله وجـيهكم ولا هنتـوا ..

ولا تجعلوا هذا اللقاء كـ آخـر لقـاء بيـنـكـم ..




أخوكـم