المساعد الشخصي الرقمي

مشاهدة النسخة كاملة : مـــ(((((محـاورة)))) )ــــوال

سعدي بن جمل
06-07-2005, 11:18 PM
سلام،،،
أقرب يا جريح أطق في اذنك:


يا سلام الله على الشاعر جريح اللي يعرفونه محبين النوادي=و ش حصل في ملعبتكم لا علوم و لا خبر من شانه الجمهور ياتي

ما حسبناكم ، من اللي لا غزو ،، ينكف بعضهم لا بدا فاول رقيبه=00000000000000 000000000000000


جريح ، يا الشاعر المشهور= و الشعر تعرف قوانينه

ما نيب من قولكم مسرور= و لو قالوا القوم و ش زِينه
حمود الروقي
07-07-2005, 12:33 AM
وعليكم السلام يا سعدي ... وين الغيبااااات ؟


البقاء يالشاعر اللي فأول أبياته طلع كنّـه معادي
لو سلاحه مايثور ، ولا درى عن داب ن أسود فالعباتي
وش بلا سعدي يكب الجيش و القيّاد من شان الكتيبة
.
سعدي جمل طالع ن مغرور=لكن أنا كاسر ن عينه
القول ينصاك يادكتور=ما فيه وحدة وثنتينه



ههههههههههه

يا سعدي موّالك هذا وشنهو ؟ ورا ماله وقفة معيّـنة مثل الموالات ...

شكلك أوّل مرة تلعبه ... وأنا كــذلك ...

عطنا موّالٍ صــاااااحي ...
سعدي بن جمل
07-07-2005, 03:18 AM
أنت مهما كان اخويه لوعليك ملاحظات و شكل ممشاك امتحادي
لا جاك الكلام اخْـذه و فكر فيه و افطن و انتبه لملاحظاتي
لا تجي مثل البطول اللي يماطل في حقوق الناس لين الجندي الأول يجيبه000
,
,
يا عود عرعر و صلت جفور=راصدك رادار أهل لينه
الظاهر اسرع بك الحنطور=اللي تَرَاكَض بعارينه



----------------------------
** يا مشرفنا العزيز ،الموال هذا لا صعب و لا جديد، و مع التلحين يصير اسهل،
يشبه لوزن بيت العصيمي مستور يوم يقول للبقيلي عوض الله :

//ساع معناها على بالي خطر و اللي على بالي خطر معنى القصيدة//،،، انا ما تركت وقفه في المنتصف،،،
حمود الروقي
07-07-2005, 05:49 AM
اسـلــم واسـتلـم ....



هات ما عندك يا سعدي والعلوم الطيّبة تنصى كريمين المبادي
والكلام اللي تقوله جاك مثله والجمل يظرس ولا شفنا اللهاتي
من بغى حقّـه يقابل من بطل به والعزاوي كلها عزوة عتيبة
00000000000000000000 0000000000000
يا راعي السمن دورك دور=لا تبلش الناس في دِينة
امهل علينا ثلاث اشهور=ونسدّد الدين في حينه



.
سعدي بن جمل
07-07-2005, 07:37 AM
الجمال الها جمال،و لا تشوف افحولها تخشى من النوق العوادي= و انت تبغا رَد روس هروشها لكروشها و تحسِّب اللي فات فاتي

و الجمال انيابها معها، و لا بقّـت لك السوسه بقايا بين الاضراس المعيبه=000000000000 000000000 000000000000000000






لازم نطفيك يالماطور= اللي يلاذِع بليتينه

و الشاهد اللي شهد لك زور= قبره عتيبه مسوينه






ههههههههههههههههههه
حمود الروقي
07-07-2005, 04:57 PM
هههههههههههههههه

الله ... الله ...



الجمال إلها العصا طقـّـة على الغارب وفي ذرعانها قيد ن يخلّيها ترادي
مير لا تصلق نياقك يارفيقي فوقها لو كان خلّيت النياق مشمّلاتي
واحترص من ذيب ن أقشر حافكم فالليل ما تسمع يا صاحبنا قنيبه
00000000000000000
لا يلذعك كهربه واتخور=تراه ياكل مطفّـيـنه
والشاهد اللي عيونه عور=يقول سعدي محبّينه
العاشق المجنون
08-07-2005, 12:02 AM
الله ... الله ...


روعه وابداع

واصلو متابعين لكم
سعدي بن جمل
08-07-2005, 12:03 AM
يا مصلّحةالنعاج،احموا مواشيكم تراها ذيبها صادر و عادي=مار لا تدعي علينا بالذيابه و انت تدرى انّـا العنيدين العصاتي

و أنت داري مير ضاري كل ضاري جاك ساري بالمواري لا تماري دامت جروحك عطيبه=00000000000000 0000000 000000000000000000





جريح لو يعتذر معذور= مير اهل الأشرار مغوينه

يا للعجب من سنام الثور= ما بين يسراه ويمينه
حمود الروقي
08-07-2005, 12:46 AM
خلوووووووووووووووووه ـا



لا تخاف إنكان أخذنا من شياهك باع ولاّ سـرق نكرمها يا سعدي وأنت غادي
كيف تحماها من السرقان ياسعدي وأشوف الناس حولك كيف يهناك المباتي ؟
لا تمادي بالعنادي وأنت غادي لو تقادي بالدوادي والمهادي تذكره وأنته صحيبه
00000000000000
سعدي علامه يطفّ النور=ويصيح نور العرب وينه؟
من يقلط اليوم فوق السور=ياكل ولا يشبع ابطينه
حمود الروقي
08-07-2005, 01:24 AM
الله ... الله ...





روعه وابداع

واصلو متابعين لكم






الأروع حضوركـ والإبداااااع من أجلـك ... فلا تحرمنا من زيااارتك وتشجيعك ..

فقـسـم المحاااورة يفتقـر للـمُـشجعيـن داااائمــًا ...

كأنهـم لا يستمتعووون باللـعـب المباااشـر والمعااااني والأبياااات الجديدة ...


شرهتي أنا وسـعـدي على الـربـع اللي يحبوون الشـعـر ويكتبووونه ...

واللي ما يعرفون الشـعـر ... لا نـريــدهـم فـي هـذا المنــبـر الخاااص بالمحاااورات ...



واعلمــوا أنّ سـعــدي بن جمــل شــاعـر صـعـب المــراس ، ولا يُـمكـن مـقارعـتــه ...





العااااااشق المجنووون ...

حضوركـ ومتابعـتك شــرف لنااااااااا


الله يعطــيك العــــافـيــة ... ولك مـن هـذا المنـبـر التـقـديـــر ،،،



أخو و و و و كـ
سعدي بن جمل
08-07-2005, 09:41 AM
المهادي من عبيده لو يسِيدك ما تِسيده وانت ملبد فاللبيده…احلم احلم .ما تجي عشر المهادي=انت من جبرا عتيبه، قرمهم يسوى كتيبه، نعم فيهم لاغريبه لو غزو وانت متقاعد يا زعيم القاعداتي
منظرك ما فيه خله،مثل برا يالله الله ،مير جوّا يعلم الله،لا تفاخر بالسرايق ناد مطفاة الحرايق و انصحك تستبدل الغليون بالشيشه بعد ما صرت شيبه=000000000000000 00000000000000000000 00



جريح جرحه، يزيد شرور= مِعدي و عَجْزوا مداوينه

قالوا يبي له لبن عصفور= عيّت تسرّ ابرة التينه
سعدي بن جمل
08-07-2005, 09:54 AM
عاشق المجنونه،هلا و غلا،،، أشغلنا هالصقر الجريح، و ين الشاعره ملاك لا تفكنا من شره،،،،ههههههه

عموما يا الأخ عاشق،لله يحييك و قل للربع اللي يحبون محاورات النوادي قلهم ترانا مسوين القهوة،،، و لا يبطون ترا ورانا دوام،، و انت خابر هالايام،،،،
الــغــازي
08-07-2005, 11:15 AM
صح لسانك ياسعد بن جمل
وصح لسانك ياجريح المشاعر


محاورة رائعة
حمود الروقي
09-07-2005, 10:55 PM
الغــازي ...

صــح بـدنــك يالغاااااالي ... ومتااااابعـتك شــرف كبيـــر للشـعــر وأصحـاااابـه ...


شـكـرًا علـى المرووور ... والحضوووور ... والله يكثــّــر مــن أمثااااااالك ...



أخو و و و و كـ
حمود الروقي
09-07-2005, 11:10 PM
الأخ العـزيـز الشـاعـر : سعـدي بن جمـل ... الأخـوة الشـعــراء الكــرام ...

أضطررتُ إنهــاء هــذه المحــاورة الجميـلـة مـع أخـي سـعــدي ؛ لظـروفٍ سعيـدة ...

أرجـو أن تعـذرونـي جميـعـًا ... وأقــول لابـن جمــل ... أنـت شــاعـر كبيــر واسـتفدنـا منـك

فـي هــذه المـحـاورة والمحــاورات الأخـــرى ... وأرجـو لك التـوفـيق ...

وهــذا هـو ردّي الأخيــر، ويعلـم اللـه أنّ الظـروف حـالت بيني وبين إكمــال هـذا القـاف المجنون..





أنته امعزّب يا سعدي تنتفخ كنّك بعير ولا بقي غير الهضيدة في شعيبك والعرادي
كب عنك اعتيبة الهيلا وخلّك محتجب وادريبك إنك ما تعرف المر من سكّـر نباتي
وكان جيناك بمناظرنا تبا ترخي نظرك ولا تعاين فالرجال اللي مناسبها عريبة
00000000000000000000 000000
نعديك واتصيح يالمجدور=وانزيد بلّتك والطينة
وإن كان تبغى حليب اعيور=لا تشري الهيل واتهينه




صح لسـانـك يابـو جمـل ... والـوعـد فـي مقـبلات الليــالي ..

دعواتكم لرفيقكم بالتوفيق ... وإلى اللـقــــاء ...



جـريـح المشــاعــر
سعدي بن جمل
09-07-2005, 11:17 PM
مادام رحت،، موفق خير،، مير لاتبطي،،،تراك ان ابطيت ارسلنا رساله لعجوزك نقول زوجك جريح راح يتزوج الثانيه

.........ههههههههههه ههه
العاشق المجنون
10-07-2005, 12:05 AM
مشكورين ياشعارنا المبدعين على هذه المحاوره

الله يسلمكم جميعا

امتعتونا بها

والله يوفقك ياجريح

ويوفقك ياسعدي

بس لاتنهونها يمكن تجي الشاعره ملاك اللي يسأل عنها سعدي وتكملها معه هههههههههه

وختامها بالفعل منتداكم رائع وتنحبون واللي يعرفكم مااظن يقدر يبعد عنكم

مع تحيتي

العاشق