مساجلة بالدارمي ..

[احمد ماضي]

الكم محبة وشوكَـ ،، تترس الخاطر
غصبن عله العذال ،، رجعت منابر

أنتظركم ..

مع حرف الراء

[تيمه الشمري]

الكم محبة وشوكَـ ،، تترس الخاطر
غصبن عله العذال ،، رجعت منابر

أنتظركم ..

مع حرف الراء

راح اخبر السلطات واهلي وعمامي
من عندي كلبي انباك وانته الحرامي

" ي "

[أميرة الشمري]

يسمر عليك العين تسألني كل يوم .... وتكولي أريد هواي لو أترك النوم

الميم
شكرا لك ياقلعاوي
سبقتني في طرح الموضوع

[طارق النعيمي]

ما اكدر اعلى بعاد فراك المنابر *** قلعاوي بيه الزين شاعر نفاخر

تحياتي للاستاذي العزيز احمد القلعاوي والعزيزه اميره الشمري وتحياتي للجميع


حرف الراء

[تيمه الشمري]

ما اكدر اعلى بعاد فراك المنابر *** قلعاوي بيه الزين شاعر نفاخر

تحياتي للاستاذي العزيز احمد القلعاوي والعزيزه اميره الشمري وتحياتي للجميع


حرف الراء

روحي بسرير الموت وتسألني عنك
وتكولي وين هواك شو ماهو يمك

القلعاوي المتألق
دمت بخير
" كـــ "

[احمد ماضي]

روحي بسرير الموت وتسألني عنك
وتكولي وين هواك شو ماهو يمك

القلعاوي المتألق
دمت بخير
" كـــ "

كونك تريد اتشوف وين انا يا زين
تلكاني بالدلال وبدمعة العين

الغالية امير المنابر الشمرية .. كل من مرة من هنا ويمر
للجميع محبتي
العزيزة تيمة
المجارة معكِ
بحرف النون
والدعوة للجميع

[أميرة الشمري]

ناسيني لو مهموم لو إنت ملال
ما تدري شوفك عيد وأنتظر الهلال

اللام

[تيمه الشمري]

لاتهتم على الفات ويهمك الراح
والعالي مو بالطول بالصبر ينلاح

أميرتي
رجعه سعيده

" ح "

[أميرة الشمري]

حسبالك انة انساك لو طال الفراك .. بالعكس كل ما طالانة اكثر اشتاك

الكاف
لكم احبتي
منورة ياتيمه

[عمران العميري]

كّلت انشد اهل الشوك من مثلي مشتاكـ \\\ابحضني غافي اهواي وابجي من الفراكـ

الكاف((ك)) لكم يا احبتنا

[أميرة الشمري]

كون الكلب بي باب ينفك تشوفه .... لو شفت غيرك بي حقك تعوفه
الهاء

[احمد ماضي]

بداية ملاحظة ..
أرجو التفريق بين حرف الكاف .. وبين حرف الـ كَـ في اللهجة ـ مثل لفظ حرف الجيم باللهجة المصرية ـ

تحياتي

[احمد ماضي]

كون الكلب بي باب ينفك تشوفه .... لو شفت غيرك بي حقك تعوفه
الهاء

هلت دمعها العين .. والوادم اتشوف
وغيرك الهل الدمعات .. ما ترهم جفوف


الفاء

ومحبتي للجميع

[أميرة الشمري]

فك كلبي بيدك شوف دور أركانه .... امعشعشه جروحك بي مثل الحضانه

الهاء

[عمران العميري]

هلكّد كصيتوا وياي عود انتم احباب \\\\بيه شيريد ايصير لو وادم اجناب

الباء

[أميرة الشمري]

بكل حلو لوله اتصير بس شحچي عنك .... صارت اللوله البيك حتى احلى منك
الكاف

[تيمه الشمري]

كلما اكول انساك يرتعش جسمي *****
ويرجف جميع عضاي يابعد رسمي *****

"" يـــ ""

[تيمه الشمري]

كلما اكول انساك يرتعش جسمي *****
ويرجف جميع عضاي يابعد رسمي *****

" يـــ "

[أميرة الشمري]

يم بيتي بيتك كون
واشمرلك العين
تشبعها منك شوف
وتردها بعدين

النون
مساء الورد احبتي

[احمد ماضي]

نسمة بتوالي الليل .. لو تغدي هل الروح
وتمر عليك ابشوكَـ .. وتداوي الجروح
الحاء

محبتي للجميع

[أميرة الشمري]

حبك عماني بساع خلاني ماشوف...ارجف بنص تموز ومكبع بصوف
الفاء
محبتي للجميع

[احمد ماضي]

حبك عماني بساع خلاني ماشوف...ارجف بنص تموز ومكبع بصوف
الفاء
محبتي للجميع

فتنة جمال البيك .. محد حملها
قطعة كعك وكريم .. تغري بعسلها

الروي الهاء

[أميرة الشمري]

هاك الكلب والروح هاك اخذ العيون .... وأخذ العقل وياك خليني مجنون

النون احبتي

[مزاحم الكبع]

هاك الكلب والروح هاك اخذ العيون .... وأخذ العقل وياك خليني مجنون

النون احبتي


نار القلب يافلان محَّد حملها ...... مادامك إنت هواي أبداً ما ملها

نعود لحرف الهاء
مع خالص محبتي وشوقي للجميع

[عمران العميري]

ها يالطبيب الجاي لاتكّضب ايدي.....العلّه موش ابهاي علتي بوريدي

الياء(ي)
ومحبتي لكم جميعا

[تيمه الشمري]

يسألني البطران حالك إشلونــه
الغاضب الله إعليه هم ينشدوونـه

للورايه

" هـ "

[احمد ماضي]

يسألني البطران حالك إشلونــه
الغاضب الله إعليه هم ينشدوونـه

للورايه

" هـ "

هدني اعله طولك ماي .. يلعطشتني
ارد انزل اعله اشفاك .. مو عذبتني

الياء

[عبدالأمير البكاء]

يسكت بعض لحظات مدري شيخبّي
مو مثل الاول ليش دكاته كلبي
الياء أيضا

بعد غياب دام أشهرا عجافا نعود الى أسرتنا الرائعة ، وكلنا شوق تعدى الحدود والمديات الى أحبتنا الشعراء والاُدباء الذين أدمنتُ حبهم حد الشغف ، تحياتي المضمخة بالبخور الى الأخت الكريمة أميرة الشمري والأخ عمران العميري والقلعاوي أحمد والشعراء الآخرين

[أميرة الشمري]

يسمر عليك العين تسألني كل يوم .... وتكولي أريد هواي لو أترك النوم
الميم لكم احبتي
عبد الامير اهلا بعودتك وتواصلك معنا
اسمحوا لي بالتغيب عنكم لفترة
اراكم بخير اعزاءي واخواني
دعواتكم لي
وكل عام وانتم بخير
تحياتي مع مودتي

[مؤيد الساعدي]

هموم وضيم وكسر الخواطر
كله واكول يهون لاجل المنابر

حبكم بوسط الروح مو بالكلب بس
وهاكم نظر هالعين والسمع والحس

انتم فقط احباب والباقي اجناب
وقابل بحبكم موت وبدون اسباب

[تيمه الشمري]

باسمك اسمي الناس صارتلي سوله***وحتى اسمي اغلط بي واسمك اكوله

تحياتي للجميع

" هــ "

[تيمه الشمري]

باسمك اسمي الناس صارتلي سوله***وحتى اسمي اغلط بي واسمك اكوله

تحياتي للجميع
" هـ "

[احمد ماضي]

هلت عليك العين جمرة دمعها
مو جامه تدري الروح بعدك صدعها

الهاء

[أميرة الشمري]

هاك أبره , هاك الخيط خويـه أرد أكلفـك
أمسرد الدلال شــله إعلى عـرفــــك

الكاف لكم احبتي

[احمد ماضي]

هاك أبره , هاك الخيط خويـه أرد أكلفـك
أمسرد الدلال شــله إعلى عـرفــــك

الكاف لكم احبتي

الغالية اميرة

اساجلك ببيت دارمي للكبير المبدع

عريان سيد خلف

حيث يقول :

كفت بعد ما شوف كَطره بضرعها
وارزمت حيل وياي ارول رضعها

[أميرة الشمري]

هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون

النوووووووووووون

[احمد ماضي]

الغالية اميرة
شكرا لتواصلك

نار بسويده احشاي تطفيه شفتيك
حد شيلت التابوت يل الغالي اتانيك
الكاف

[عبدالأمير البكاء]

كلبي يرف بالشوك ومكابك اسمك
شيصير لو راويت دلالي رسمك؟!
الكاف أيضا

[أميرة الشمري]

كل ما يجي الليل أذكر وفــــاكم
واذكر محاشي الطيب وابجي أبرهاكم

اليكم احبتي
الميم

[عبدالأمير البكاء]

من غيبتك لليوم قاهرني حزني
لو تمر فدوه ايروح لجدامك ابني
الياء مع التحية

[أميرة الشمري]

يسألني البطران ليش وجهك اصفر
مايدري على المحبوب قلبي تفطر

الراء
شكرا ياعبد الامير لتواصلك الجميل
مودتي

[عبدالأمير البكاء]

رحت اشكي للنجمات آهاتي منكم
لكيت النجم والليل يقره بقصصكم
الميم
تحياتي أميرة الشاعرة

[أميرة الشمري]

مبخوت أضل للشيب يافلان أذكـرك
أوينكرني نور العين من كون أنكرك

الكاف لكم احبتي
تحياتي عبد الامير لتواصلك الدائم

[عبدالأمير البكاء]

كَدّرتْ حب البيك شفته اعله كَدّي
وفصلت عمري افصال لجلك يودي
الياء مع التحية

[عبدالأمير البكاء]

ظل دز شعر واهات حُبـَّكْ مغلـِّسْ

لو صاحَب الشمّات لوفاكَِد الحِسْ

السين

[أميرة الشمري]

سبحانه من سـواك نص وجهك إعيــون
إزغيــر سبيــت الناس من تكبر شلون


النون
اعتذر المتصفح غير جيد عندي
تحياتي لك ياعبد الامير
وين البقية !!!!!!!!!!!!!!

[عبدالأمير البكاء]

نامت كَلوب الناس بس كلبي ساهر
يسأل عله الغياب عن المنابـــر

الراء
تحياتي أميرة

[أميرة الشمري]

رش الدرب تيــزاب حافي أعتـني لـك
جا شـلي بالرجليـن الما تجي لــــك


الكاف
تحياتي لك ياعبد الامير اينما كنت

[عبدالأمير البكاء]

كلما يمر طرواك تنحل اجدامي
إشلون اذا رديت بالنت سلامي؟!

الياء مع التحايا المخلصة
لأميرتنا

[أميرة الشمري]

يل تحجي علمكشوف صارحني شتريد
مديتلك جفين شو غدرك ايزيد
الدال
تحياتي لك ياعبد الامير
والله بس انت تستاهل السلام
لانك متواصل معي
اما البقية
فياتون ليقروا ولايساهمو
عتبي عليهم كثير كثير
دمت بود وخير

[أميرة الشمري]

يالتمشي عكس الريح خويه اعلى كيفك
خافك تروح ابعيد ومنين اجيبك

الكاف
تحياتي لك ياعبد الامير
والله بس انت تستاهل السلام
لانك متواصل معي
اما البقية
فياتون ليقروا ولايساهمو
عتبي عليهم كثير كثير
دمت بود وخير

[احمد ماضي]

مع حرف الكاف وعتب الشمريه


كل الدخل مشمول عمي اعله كيفج
القلعاوي هم محسوب لويبقه ضيفج

تحياتي لكِ الاميرة وللرائع البكاء
ومعذرة للتأخر بسبب الخلل المتواصل في منابر

واترككم مع حرف الج ( h ) وليس الجيم

[عبدالأمير البكاء]

دزّيلي هَلْ الجفين تـُغرفلج دمــــــوع
من كلب مو غدار بس دَردَه مشلوع
العين
تحياتي المؤطرة بالورد لأميرتنا الغالية
أرجو ألا تنفعلي كثيرا لعدم مشاركة الأخوة
الشعراء ، فلكل ٍ ظرفه الخاص به ( شفتي الأخ
القدير أحمد القلعاوي كيف اعتذر ثم انتخى لندائك
فأجاب ؟! ) دمت لنا مشرفة غالية وأختا كريمة

[عبدالأمير البكاء]

جواب لدارمي الأخ الكريم أحمد القلعاوي

جَنّـك رخيت زمام وانـْوَخذ ْ بوشكْ
من هـَجّةِ النسوان.....فـَنَّه الينوشكْ

الكاف

عذرا لأخي الحبيب أحمد القلعاوي لهذا الدارمي الذي ما عنيت به غير المزاح ، وليس تقليلا من الشأن الذي أحترمه
جدا من خلال مشاركاتك الرائعة التي أتابعها بشغف واعتناء كبيرين .... دمت أخا كريما ورائعا

[عبدالأمير البكاء]

جواب دارمي الرائعة أميرة بحرف الكاف
كلما تهزني الريح ويّاي أجيبـــــــك
واحني الضلوع عليك لو شر يصيبك

الكاف أيضا يا أميرتنه
مع التحية

[أميرة الشمري]

كافي الحصل بهواك كافي الجنيته
بكل دورة بالشريان اسمك لكيته
الهاء

[عبدالأمير البكاء]

هل جذب جبتي منين وانتي الشرايين
يرفسني كلبي الهام ، بيه من تمريــن

النون

[أميرة الشمري]

نوفي ونكَلك كَول واتمنى شتريد
غالي بغلاة الروح يالشوفتك عيد
الدال

[عبدالأمير البكاء]

دَوّخَتْ بلـْـشِتريدْ راسِيْ اولِعْبتْ
سُولـَفِتْ للخوّان كَالولي جـِذبَتْ

التاء

[أميرة الشمري]

تمشي عكس دنياي مدري شجاها
قدمت هاي الروح للي نساها



ااااااااااااااا

[عبدالأمير البكاء]

آني المِشتْ ويــّاي دنياتي معكوس
كل كَلـْـب اطبن ْ ليه يطلعلي متروس !!

السين مع التحية

[أميرة الشمري]

سولفت ماخليت كل السوالف
صارحني يالله شبيك لا تبقه خايف

الفاءءءءءءءءءءءءءءءءءء

[عبدالأمير البكاء]

فدوه لعيونك راح كلبي المسامِح
مو صارحت فد يوم وظليت اصالح

الحاء

[احمد ماضي]

جواب لدارمي الأخ الكريم أحمد القلعاوي

جَنّـك رخيت زمام وانـْوَخذ ْ بوشكْ
من هـَجّةِ النسوان.....فـَنَّه الينوشكْ

الكاف

عذرا لأخي الحبيب أحمد القلعاوي لهذا الدارمي الذي ما عنيت به غير المزاح ، وليس تقليلا من الشأن الذي أحترمه
جدا من خلال مشاركاتك الرائعة التي أتابعها بشغف واعتناء كبيرين .... دمت أخا كريما ورائعا


الرقة يا البكاء للأنثى طبعي
وللشمرية وليك معتلكَـ شمعي

عزيزي الغالي البكاء
تقديري ومحبتي
على الود ألتقي والغالية الشمرية
مساحة الشعر مفتوحة لكما وللجميع
واكرر أعتذاري لتأخري
وأقدم كل الشكر لكما ولكل من مر من هنا
في متصفحي الذي تنور بوجودكما
تحية من القلب مع لحب لك
وتحية بعطر الورد مع الود لأميرة

[أميرة الشمري]

حيل ألكم اشتاقيت يل ما تنشدون*** ذنب الكلب يشتاق مو ذنب العيون
النون
شكرا يااحمد على التحابا
ولك مثلها
وشكرا لتواصلك
ياعبد الامير

[عبدالأمير البكاء]

إنته الشمع والنور ، والشمريه

نزلت بوسط العين غصبن عليه


الهاء

تحياتي المخلصة لك يا أخي الرائع أحمد القلعاوي ، وشكري الجزيل للرد الذي
غمرني بأخلاقك الجمة التي توقعتها

[أميرة الشمري]

هم الليالي تعود واتعاتب وياك
احجايه للشمات خلاني فركاك
منورين

[عبدالأمير البكاء]

كلبك يبعد الروح شنهي شجراله

اشدعوه لا ترميش لا فد رساله

الهاء

[عبدالأمير البكاء]

هاج الكلب والروح بس وخري عني

مابيه حيل اهواج واندب وغنـــــــي

الياء


معقوله صارلي يومين أسوي مساجله وي روحي ..
وين الربع أميره؟؟؟!!!!

[أميرة الشمري]

يراد اخلي اسبير لعيوني ذني
حته اكدر أبجي اعليك من تمشي عني
تحياتي ياعبد الامير
عندي خربطة اهواي بالحاسبة والنت ا

[احمد ماضي]

ياما بجيت عيون من فاركَتني
درجعلي حتى ارتاح مو عذبتني

الياء بأنتظاركم

وتحية القلب تنحني لكم

[أميرة الشمري]

يم كل ضلع يراد ضلعين اخلي

حتى الزم الدلال من يمر خلي

الياء ايضا
مع مودتي

[عبدالأمير البكاء]

يل منتجي اعله الطوف يابعد اخيي
ريت الصخونه تدور منك لبيـــــــي

الياء أيضا
تحيـــــــــــــاتي للجميع

[عبدالأمير البكاء]

يل منتجي اعله الطوف يابعد اخيي
ريت الصخونه تدور منك لبيـــــــي

الياء أيضا
تحيـــــــــــــاتي للجميع

[احمد ماضي]

ما دامك اغله اهواي حتى من اخونه
نحملها لو للموت سهلة الصخونه

النون
تنتظركم
وشدة ورد

[أميرة الشمري]

قلعاوي امين جبت الميم
ياله رح نمشيها نون

نتكابل انه وياك يوم القيامة

وكل دمعه منك غاد تطلب غرامه
الميم

تحياتي لكم احبتي

[احمد ماضي]

هههههههههه
اسف جدا عزيزتي اميرة
اخذني فضاء الأجابة على البيت الاصلي
و وجود مفردة الصخونه
معذرة
وشكرا لقبولك النون

من كَد دمعها عليك عميات العيون
كَبل الرحيل بيوم من ترحل اشلون


والنون لا تزل تبحث عنكم

وباقات الورد

[أميرة الشمري]

نشفتة ريگي اعليك وانتة اسمك الريگ
شنهو الذي خلاك والشخصي ماطيگ؟

الكَــ

تحياتي لكم

[احمد ماضي]

كَتلك هدية الروح مو خاوه اخذها
يل طعنتك بحشاي عندي اشملذها

في مثل هذه القوافي يكون حرف الروي هو
الذال
لذى انتظركم مع حرف
الذال
ذ

محبتي للجميع

[أميرة الشمري]

استاذ احمد
دورت ..وتعبت
ومالكيت دارمي بالذال
مممممممممممم
اذا عندك اكتبه
ولاتخلينه نتعب اكثر
تحياتي

[تيمه الشمري]

ذمه بركبتك هاي لو ميت اني
علكبر تكتب مات جي مانساني

رح نتعبك اميرتنه

الياء للي بعدي

[عبدالأمير البكاء]

نايم طريح فراش يهذي بونينه

صاحبكم البكّاء ، ما كَِلْتو وينه ؟!!


تحياتي لأميرتنه الغالية وأحمدنا القلعاوي
المتألق دوما

[احمد ماضي]

نرحب وبالبكاء يا هلا بتيمه
انتم هو الطيببين واعذب نسيمه

الميم

شكرا عزيزتي تيمه
شكرا عزيزي البكاء

[أميرة الشمري]

متعذبة روحي عليك بس حزني سكتة_
معقولة ماحسيت واحشني أنتة_


اهلا أ.عبد الامير
سلامة قلبك
واهلا بسحر الكلام
منورين حبايبي الحلوين

[احمد ماضي]

التاء
يا اميرة المنابر

تدري اشكثر مشتاكَـ لعيونك ابكَد
ما دعت رب الكون امة محمد
الدال
مكللة بالود والمحبة

[أميرة الشمري]

دم ينترس ويفيض كلبي من الفراك_
أشهك بشهكت موت من كلبي يشتاك_

الكاف
تحياتي مؤطرة بالورد

[عبدالأمير البكاء]

كافي زعل يهواي زعلك قهرنه

غلطه وغلطنه وياك قابل كفرنه

النون

أقترح على أحبتي أن تكون المساجلة ليست بالحرف الأخير للدارمي فقط بل بالمعنى أيضا كجواب لمعنى دارمي أحدنا
تحيتي ومودتي

[أميرة الشمري]

ندكابل انة وياك ببرة نحفر بير
ومن كونة يطلع ماي ذاك الحجي يصير
الراء
مع مودتي

[احمد ماضي]

أقترح على أحبتي أن تكون المساجلة ليست بالحرف الأخير للدارمي فقط بل بالمعنى أيضا كجواب لمعنى دارمي أحدنا
تحيتي ومودتي

العزيز البكاء

شكرا لتواصلك الرائع والجميل
وماقدمته من مقترح هو طيب وهنا اقول لك وللجميع نترك الامر للمشارك
في ان يكون رده على المعنى مع حرف الروي
او بحرف الروي فقط لأن بعض الاحبة المشتركين لا يمتلكون قدرة التاليف مثلا
او هم غير شعراء قد يكونوا
لذلك نترك الامر لهم وشكرا من القلب لك

تحياتي ومحبتي

[احمد ماضي]

ندكابل انة وياك ببرة نحفر بير
ومن كونة يطلع ماي ذاك الحجي يصير
الراء
مع مودتي

روحي بتوالي الليل ونت تريدك
مرهونه من الشوكَـ شو جنها بيدك

الكاف

ك

[عبدالأمير البكاء]

جواب أميرة / حرف الراء

روحي ونشدي الناس لو شفتي مثلي

كلبي بكرك حفروه وما عفت خلــــــــي

الياء يا مشرفتنا الكريمة

[عبدالأمير البكاء]

جواب أخي وحبيبي أحمد /حرف الكاف

كلما أفكر بيـك جذاب أشوفك

رد كلبي أول لا هساع أعوفك

تحياتي المغمسه بالورد والياسمين

[أميرة الشمري]

گالو تشوف أحباب من ترف عينك_
رفت عليـك الروح بس أنته وينك_

الكاف ايضا
مودتي للجميع

[عبدالأمير البكاء]

كونك تجي وتشوف كَلبي ورفيفه

جا كِلت راح ايموت لحد يعيـــــفه

الفاء
مودتي للجميع

[أميرة الشمري]

فرمتت كل الروح من حب الاوهام_
واول إسم حطيت أسمك على الرام_


الميم
تحياتي مع الورد

[عبدالأمير البكاء]

مادام رامك هاذ امنظف ومغسول

ليش امْنَ ادك اعليك ايكلي مشغول

اللام

[أميرة الشمري]

لا مسج لا مسكول عبالي مفلس_
بس ادري كلش زين لوتي ومغلس_
السين
شكرا يااستاذ عبد الامير
لتواصلك الرائع
مع مودتي

[عبدالأمير البكاء]

سُوله وطبع هــــــل بيك تتهمني باطل

عاشك وعندي فلوس بس خطي عاطل

تحياتي أستاذه أميره

[عبدالأمير البكاء]

سُوله وطبع هل بيـــــــك تتهمني باطل

عاشك وعندي فلوس بس خطي عاطل

اللام مع تحياتي المخلصة

[أميرة الشمري]

لاتخسرالسنتات رمشلي ترميش_‎
حبك نبت بحشاي فلشني تفليش_‎
الشين

[أميرة الشمري]

شرجي او تلملم غيم وشتد مطرها_
روحي اشتهت ملكاك من فلك طرها_

الهاءءءءءءءءءء

وينكم
ماكو احد ايشاركنا المساجلة
يبين رح نبقى بس اني وياك ياعبد الامير
تحياتي لك اينما كنت

[عبدالأمير البكاء]

هذا الوكت غدار خلاني وحدي

أكتب ونوح اعليك وجروحي تدي

الياء/ مع تحياتي لك سيدتي الكريمة

[احمد ماضي]

يابعد ضي العين لا تظن وحدك
العكَل والدلال مو تدري عندك

الكاف

ومحبتي لكم

[أميرة الشمري]

كل لحظه أفكر بيك كل ساعه كل يوم
حتىمن أغمض العين تطلعلي بالنوم


الميم

[احمد ماضي]

مو بس حلم وتروح وبيقضه والكَاك
وي كل نفس موجود وبنبضي . انساك ؟

للكاف نصيب

تحياتي ومحبتي

[تيمه الشمري]

كون العراق اليوم يلتم وراويه
اسمك حًًَفر بالروح منهو اليساويًًَه


وتدللونَ

[أميرة الشمري]

يا شوك وين أرحلت وين الزمن وداك_
أن جان گلبك نسه گلبي فلا ينساك_


اهلا تيمة العزيزة
الكاف
مع مودتي

[عبدالأمير البكاء]

كلما أحس الكلب ألكاك بيه ترفس
معقوله ينسه الولف وبنصه متكربس

السين أختنا أميره

[تيمه الشمري]

سـلَم ولَو بالعين تكفي الإشــاره
روحي إبتلت بهواك .. سويلي جـاره


وكان **** الهاء ****
نصيب اللي بعدي

[عبدالأمير البكاء]

هذا الحجي معروف بس للدعايه

أشّرتْ _ ما حسيت _ و من البدايه

الهاء أيضا

[عبدالأمير البكاء]

هاك الكلب والروح بــــــس خذني يمك

مايطفي نار الشوك إسمي ويه إسمك

الكاف مع التحية

[عبدالأمير البكاء]

هاك اخذ روحي وياك بس حطني يمًّك

ما يطفي نار الشوك إسمي ويه إسمك

الهاء

[أميرة الشمري]

عبد الامير
الكاف لو الهاء
يبين تخربطت عليك

[أميرة الشمري]

كون أفتهم شتريد وشنهو أنت رايد
نضراتك حجايات تسوه الجرايد

الدال
لكم احبتي

[عبدالأمير البكاء]

دلالي من فركاك خلاني ماشوف
من كثر خوفي عليك تيهت الحروف

الفاء
مع الإعتذار أميره القديره

[أميرة الشمري]

فززني گلبي وكال وديني ليهم
مشتاگه روحي أتنام ما بين أديهم
الميم
شكرا لتواصلك اخي عبد الامير

[عبدالأمير البكاء]

مو مثل كلبي الشاب ، فزاته خرعات

لو للصبح سهران لو عنـــــــدك يبات

التاء مع التحيات

[أميرة الشمري]

تمنيتك السفان وانه السفينة

وسكته اعله وجه الماي نكتب حجينة

النون

[عبدالأمير البكاء]

نكتب حجينه اشلون والكلب بابه

ما خفت مِلْشمّات تقره الكتابه ؟!

الهاء

عذرا للتأخير بسبب إصابتي ب( القَنْزَه وَنْزا ) كما كانت تسميها جدتي

رحمها الله

[أميرة الشمري]

هاك استكانة جاي أشرب عوافــي
أو دزيته لك مخصوص يامايه صافي
الياءءءءءءءءءء

[عبدالأمير البكاء]

يل جايك احسن جاي وديلي قوري

وبشربه آني وياك يكمل سروري

الياء

مزحة أرجو قبولها سيدتي الرائعة

[أميرة الشمري]

يالردت عني تروح روح بسلامه
بس عدنا راح يصير يوم القيامه

الهاء

[عمران العميري]

ها يالطبيب الجاي لا تكّضب ايدي
العلّه موش ابهاي علتي بوريدي

[أميرة الشمري]

يل عشت بين الروح لاتظن ناسيك
بالكلب رجفة تصير من يمر طاريك

اليكم أحبتي
حرف الكاف
مع مودتي

[احمد ماضي]

كون الهوى البروح يأسمر يمر بيك
واتناغه انا وياك وبصدري احاجيك

لا تزل الكاف
يأميرتي
تحياتي للجميع ومحبتي

[أميرة الشمري]

كلبي محطة شوك والحب صفاتي
لو مالكيتي الدار بعيوني باتي

[عبدالأمير البكاء]

تقفل جهازك ليش من عِمت عينك

تمشي وتكع بالجول ومحد يعينك


الكاف مع التحية

[تيمه الشمري]

كل ما يجي الليل أذكر وفــــاكم
واذكر محاجي الطيب وابجي أبراكم

الميم
مودتي للجميع

[عبدالأمير البكاء]

مو صوجك انتَ هواي صوجي آنه حبيت

تكطع شهر وتكــــــــــــــــول آنه شسويت

التاء مع المودة

[أميرة الشمري]

تندهني نص اليل روحي وتهم بيك_
وتكلـي كوم أبساع للغالي أوديك

الكاف
مودتي للجميع

[احمد ماضي]

تندهني نص اليل روحي وتهم بيك_
وتكلـي كوم أبساع للغالي أوديك

الكاف
مودتي للجميع


كلمة حبيب الروح بس الكم اتلوكَـ
طعم الشهد وياك من نلتقي انضوكَـ
حرف الروي هو الـ كَـ وليس الكاف

محبتي للجميع

[أميرة الشمري]

گاعد وافكر بيك والباري شاهد_
نايم حبيب الروح لو مثلي گاعد_
تحيتي لكل المشاركين

[عبدالأمير البكاء]

دلالي ينطر دوم كاعد بدربــــــك

وك من عمت عيناك ها كبره حبك


الكاف مع التحية

[أميرة الشمري]

كون انكلب طلقات وادخل كلبكم
واكتب على الشريان دمرني حبكم


الميم
وينكم حبايبنا
؟؟؟؟؟؟؟؟؟؟؟؟؟؟؟؟

[عبدالأمير البكاء]

ما همني يلمحبوب تنكلب طلقات
همني تزور اعضاي وبكلبي تبات

التاء مع المودة

[أميرة الشمري]

ترعد غضب وأحزان تمطر مصايب_
الدنيا هيچ وياي من أنته غايب_


الباءءءءءءءءءءءءءءءء

[عبدالأمير البكاء]

بالجذب رمّش عاد مو خلص كلبي
مرّن خمس تيام وعيوني تربي

الباء

[تيمه الشمري]

بهاي اشوفك طيف وبهاي اباريك
لو تعمه هاي وهاي بالروح اخليك

لللبعدي (( الكاف ))

[إسماعيل الخلف]

كلَّك نظر يازين .. تسلم حروفكْ
لو تعمه هاي وهاي.. والله مَعوفكْ

[تيمه الشمري]

كلما اكول انساك يرتعش جسمــــــي *****
وترجف جميع عضاي يابعد رسمـــي*****

للي بعدي الياء

[إسماعيل الخلف]

يمكن أشوفك طيف .. يمكن تراوى لي
أمشي الشتا والصيف..بس لو تجي اقبالي

[تيمه الشمري]

يحمل وفى والطيب والرقه كلــهــــــا
أوكل مشكله ابهالكون بس يمه حلها

للمساجل البعدي
(( ~~ الهاء ~~))

[إسماعيل الخلف]

أدري الوفا طبعكْ..والطيب والرِقَّهْ
ما صار أبد مثلكْ ، بالدير و الرَقَّهْ
***
الدير والرقة:دير الزور والرقة..مدينتان سوريتان معروفتان

[طارق النعيمي]

يسألني عنك روج من شاف العيون
بيهن دموع أفراك وهم ضحكه اسنون؟








النون

[إسماعيل الخلف]

نامت عيون الناس..بس عيني سهرانه
بيها دمــوع افراق .. و الـــروح ولهانه
***

[تيمه الشمري]

هـاك أبرتك. . و الخيـط خويــه إمش عنــي
لو بـيـــه أشل إجروح .. جان أشل ذنــي

[إسماعيل الخلف]

ينزفْ أبــــدْ خلّيه .. ماريد شلّهْ
هوّ الجبلْ شيصير .. لو زاد شلّه ْ*
***
*شله :ما يحمله الكريك،الكرك،المسحاة..من التراب في المرة الواحدة

[عبدالأمير البكاء]

هلهل يَشامت حيل محبوبي غايب

لو حضر ساعه وياي نحجي العجايب

الباء للي بعدي

[إسماعيل الخلف]

بانت نوايــــــــــــــاكْ ..واحنا نحييك
حقّك تنادي اهواكْ..بلكي يباريك
***
عبد الأمير اشجاك..اصبر ،شَكو،مالكْ؟؟
لابـــــد يجي المحبوب.. و يقعد اقبالكْ
***

[عبدالأمير البكاء]

كون الله يسماعيل يسمع كلامك

لنثر ورد وبخور خي عله اجدامك


الكاف/ مع تحياتي المخلصة لك سيدي

[إسماعيل الخلف]

عبد الأمير ابشر.. باچر يجيك الغاب
والله ما هو سرْ.."انت دوا الأحباب"؛؛
***

[أميرة الشمري]

اهلا بالحبايب
تيمة
طارق
عبد الامير
اسماعيل
اليكم الدارمي
بليـل أدك كل يـوم وأگطـع منامك_
مو بيدي روحي تريد تسمع كلامك
الكاف للبعدي

[إسماعيل الخلف]

أهلاً أميرة ..
أهلاً بالجميع
.........
كونك تدگ بالليل.. تايـﮕــعد النايم
هذا دوا الولهان..وسحور للصايم
***
الميم ...........

[احمد ماضي]

شكرا لجميع الذين تواصلوا هنا

وتحية خاصة لاميرة منابر

الشمرية

كذلك تحية

للشاعر اسماعيل على مشاركته معنا في هذا اللون الشعري الشعبي العراقي

ومع الميم التي طرحها

بعيدا عن البناء الموسيقي المراد ضمن اللهجة العراقية في الدارمي

نقول

مية هلا بالجاي من طيبة الشام
احزام الظهر حياك يا زين الاعمام

لا تزل ميم الشاعر اسماعيل

تنتظر ابداعكم

ولكم جميعا من القلب التحية

[إسماعيل الخلف]

مثل النخل أبـﭼـي .. لي زارك الهمْ
انت عظيدي دوم .. والخال والعمْ
***

[تيمه الشمري]

مبخوت أضل للشيب يافلان أذكـرك
أوينكرني نور العين من كون أنكرك

[عبدالأمير البكاء]

كلهن يكولن هاذ كلهن يجذبن

تاليهه راسي الشاب وعيوني تلفن

النون مع التحية

[أميرة الشمري]

ناسي وأفكر بيك هم اللة يرظه
ثاري المحبة أحظوظ كلمن وحظه

[عبدالأمير البكاء]

ظالم وعرفك زين ما تنصف وياي

والكعبه ما ناسيك بس انته شجّاي

الياء مع التحية

[إسماعيل الخلف]

يمي تجــــــــــون اثنين .. هذا انا عمكم ْ
أحكم عدل وانصاف..وارجع أضمكمْ
***
.............. ميمــــــــــــ

[عبدالأمير البكاء]

ماينفع وي أهواي كل العشاره

محبوبي يسماعيل ساطرته شاره

الهاء / مع تحياتي لك سيدي الكريم

[أميرة الشمري]

هاك اخذ گلبي ویاك یلماشي لهواي
گله انزرف بجفاك وابوصلك ادواي


مع تحياتي

[إسماعيل الخلف]

يالتبـﭼـي حظك دوم..خذ لك نصيحهْ
اتبع مراضي اهواك.. واطلب "سموحهْ"
***

[عبدالأمير البكاء]

هاي النصيحه اهواي كَالوهه كَبلكْ

يابس حبيب الروح مـــــا ينتصحلكْ

الكاف / تحياتي مع الموده

[تيمه الشمري]

كل ما يجي الليل أذكر وفــــاكم
واذكر محاشي الطيب وابجي أبراكم

(( ميم ))
عام سعيد للجميع

[طارق النعيمي]

متأمل بهل العام أحضه بصوركم
والغربه مني أتزول وامشي بدربكم


تحياتي للجميع
وهم الميم للطيبين

[عبدالأمير البكاء]

ما تنصف ويه اهواك لمن يذكرك

دمعك دمع تمساح يلماضي غدرك

الكاف / مع تحياتي المفعمة بالود لأخوي العزيزين طارق وتيمة

[الشاعرمحمدالحجامي]

كلهم مشو ظليت احسب بالايام.......لامحب ظل اوياي لاديرة اسلام

الميم مع المودة لكل المشاركين

[أميرة الشمري]

مشتل الك بالكلب كل وردة تهواك
وأكطع وريدي بموس لو وردة تنساك


تحياتي لكل المشاركين
واهلا بالحجامي
منور الدارمي


الكاف لمن بعدي

[احمد ماضي]

عام جديد سعيد على الجميع

ويارب الامان والسرور والتحقيق الاماني للجميع

مع الرائعة اميرة والكاف .. نقول ..

كل همسة بيه اتصيح محبوبي اريده
تجمعني كون وياه سنتي الجديده

الدال .. بأنتظار الجمال

[طارق النعيمي]

حبيبي الغالي ابو فيصل
تحياتي ألك يامبدع واكلول

دارت علينه اسنين ماعرفنه وش صار
تهنه بغرب والليل مر بينه خطار


تحياتي للمبدعين
تحياتي للغاليه اميرة :)

[أميرة الشمري]

روحي سفينة شوق بسمك هواها_
ولو فكرت تنساك تغرك عساها_

تحياتي لك ياطارق
ان شاء الله عجبك اللقب

[احمد ماضي]

مع هاء اميرة المنابر

همت تود ملكَاك روحي بحزنها
ومنيتها لو لحظات تغفه بحضنها

لا تزل الهاء مطيتكم
تقبلوا محبتي

[إسماعيل الخلف]

هذا الـﮕـلب يمّك..خلّيه تذكارْ
مالي شغل بيه..لو خليت الدارْ
***

[تيمه الشمري]

رادت تروح وياك بس امنعتهه
روحي تريدك دوم لا لا تصدهه

من اولى محاولاتي لكتابة الشعبي

شنو رايكم :confused:

[طارق النعيمي]

جميل ياتيمه محاوله جميله جدا تحياتي

واكول
هديه هدي الروح لا تمنعيــــــــــــــــه
طيره وصفت بسماي حس كلبي بيه

تحياتي للجميع

[إسماعيل الخلف]

رادت تروح وياك بس امنعتهه
روحي تريدك دوم لا لا تصدهه

من اولى محاولاتي لكتابة الشعبي

شنو رايكم :confused:


هدها تجينا يوم ..بلـﭼـي انتلاﮔـه
روحك عزيزة دوم..دون الرفاﮔـه
***

[تيمه الشمري]

هادي وعمر وحسين مايهموني
بس انته روح الروح يا ضوه عيوني

بقلمي
يارب يعجبكم
شكرا للتشجيع
طارق *** اسماعيل
مع تحياتي

[إسماعيل الخلف]

هادي وعمر وحسين مايهموني
بس انته روح الروح يا ضوه عيوني

بقلمي
يارب يعجبكم
شكرا للتشجيع
طارق *** اسماعيل
مع تحياتي


نلهج بسم بغداد..وانتو ﮔـصدنه
منتو علينا ابعاد..شمّات صدنه
***
مع تحياتي

[تيمه الشمري]

ها ضجت ها مليت ها ها اتركتني
مو تدري احبك دوم مهما امنعتني

الياء
للمساجلين

[طارق النعيمي]

يامن بخلت بليل عن شوف النجوم
يمي الكمر ولهان خالي من الغيوم
zhrh123qw
تحياتي

[تيمه الشمري]

مسعد ينام الليل خالي من الهموم
حزن اليموت اسبوع حزن العدل دووووم

ويبقى الميم
على طاولة المساجلين

[إسماعيل الخلف]

متهوم والله ظلم..ما نمت ليله
ﮔـلبي مهو وياي..يلهج بليله
***

[عبدالأمير البكاء]

هانت عله المحبوب فركتي ونجواي

بيوم العطش بالجول حرموني الماي

[أميرة الشمري]

يلعشت وسط ألروح لتظني ناسيك_
بالكلب رجفه تصير من يمر طاريك_

[عبدالأمير البكاء]

كل طاري بسمك صار يسري بوريدي

فدوه لك روحي تروح يا صبح عيدي

[إسماعيل الخلف]

يِمنه يروح اهواي .. من أمشي يسره
أدعي عليه ان راح .. و اقول يَسره
***

[عبدالأمير البكاء]

هاك الگلب والروح بس گلي ويـنـــك

شنهل قساوه البيك من عمت عينك

[إسماعيل الخلف]

كل يوم أﮔـول اليوم ..بلـﭼـي يمرون
أرجع واعيد حساب..خايف يتيهون

[تيمه الشمري]

نيالك تشوفه هواك وبالحلم ساعه ...
ما نمت لحظة بليل من يوم وداعه ...



وترجع الهاء
من جديد

[إسماعيل الخلف]

هذا الحـﭼـي تخدير ..من وين الأحلام؟
رحت ومعاك دواي..ﮔللي اشلون أنام؛؛
***

[عبدالأمير البكاء]

متشمّت وفرحان لهاي الجوابات

تستاهل أكثر كون وياهه فشخات

[احمد ماضي]

تيمة واميرة اعزاز ما فاركَونه
والباكي واسماعيل هل نورونه

بعد ان اترك النون للمساجلة

أقول

اسعدني هذا التواصل

لكم من القلب التحية والود

وارجو المعذرة عن انقطاعي

تيمة ، اميرة ، البكاء ، اسماعيل

النون تنتظركم

[عبدالأمير البكاء]

نورت درب الشوگ ياخويه يحمد

أهلا وسهلا بيــــك ياجوري ورّد

أقسم لك يا سيدي أني مشغول جدا هذه الأيام بكتابة بحثي للدراسات العليا ، لكن الدارمي بوجود مَن ذكرت صار فسحتي

حين تحتدم المشاغل علي ...تحياتي أخي الكريم

[عبدالأمير البكاء]

دلالي من فرگاك من بَتـّـه مشلوع


هسه ركد من جيت ما بين الضلوع

[احمد ماضي]

حبيبي البكاء مرحبا بك

ويارب للدكتوراة


مع وحرف العين

عيني اعله دربك دوم يا بعد عيني
من كَلبي الك مرسال شوكَي وحنيني


الياء معكم ايها الاحبة

[أميرة الشمري]

يل بالكلب طبيت حيل اسحك اسحك
اردح على الصوبين والله انته
ابو الحك

واترككم مع الكاف
أحبتي

[احمد ماضي]

يل بالكلب طبيت حيل اسحك اسحك
اردح على الصوبين والله انته
ابو الحك

واترككم مع الكاف
أحبتي

يا هلا بأميرة المنابر

هنا حرف الأكَـ وليس الكاف

كَتلك ولا حسيت يل الغالي أحبك
مو راح أموتن شوكَـ يل الصخرة كَلبك


الكاف على أمر الأميرة

تحياتي ومحبتي للجميع

[أميرة الشمري]

گالو تشوف أحباب من ترف عينك_
رفت عليـك الروح بس أنته وينك_

ويبقى الكَـ بانتظاركم

[إسماعيل الخلف]

كافي بعد وفرا ﮒ . . يا من تودنا
لو تلتفت مشتاﮒ.. يـﮕـعد سعدنا
***

[احمد ماضي]

مرحبا بالحبايب من سوريا الغالية

ومع حرف النون


نار بدليلي عليك ما تطفه للموت
مبعد وصيح عليك ما تسمع الصوت


حرف التاء معكم

[إسماعيل الخلف]

تلفتْ يخوي الروحْ .. من نار البعاد
كل ما أﮔول اهجدتْ..ألـﮕـى اللهب زاد
***

[تيمه الشمري]

دنيتك بس وياي شـدت عـــداوه
ولا واحد إمن الناس لجروحي داوه


هلا بالقالعاوي احمد

[إسماعيل الخلف]

هاي العداوة امنين .. جبتيها ﮔـولي
أكظم عنيني بَسْ .. تَـﮕـهر عذولي
***

[عبدالأمير البكاء]

لو يحن گلبك يوم ولگلبي داوه

چا بدّلت بالطيب ذيچ العداوه

هلا بالخلف اسماعيل

[احمد ماضي]

وي النسيم الهاب بوسه ارد اودي
للترك دمع العين يجري اعله خدي

الياء لكم يا احبة

[إسماعيل الخلف]

يومن تهب شرجي .. يبطل عنيني
ويَّا المطر والغيم .. طيفك يجيني
***

[أميرة الشمري]

يتردس عله الروح حسبتهن بعيد
روحي اشتهت ملكاك خبزة مجاريد

الدال
.
.
معكم

[عبدالأمير البكاء]

دوّرلي واحد يوم حَبــّك بگدي

إنتَ الخبز والماي وآنه المگدي

[أميرة الشمري]

ياما حملنه اسهام من النحبهم
ولا فكرينه ابيـــوم نتخله منهم.

الميم لكم احبتي

[إسماعيل الخلف]

مَحَّد مثل ﮔـلبي .. لاب وتعثَّرْ
من أنشد عن اهواي..كلها اتعذَّرْ
***

[أميرة الشمري]

راح اتبع الدلال ومشي اليالي
واوصل حبيب الروح وشجيلة حالي

[احمد ماضي]

مع ياء الاميرة ..

يل تدري بالمدفون وتغمض العين

باجر يصير احساب وابين الزين

النون بأنتظاركم

تحياتي

[طارق النعيمي]

نسمع كبل يحجون من ضالم انهاب
وبحجة التحرير نصـــــــــبو جذاب



تحياتي للجميع وألك يا صديقي الغالي ابو فيصل الورد

ألباء لآحبتي جميعاً

[أميرة الشمري]

بييه وكلت بالثوب سهمك جزاني
امشي واكابر عود شو جاني ثاني



الياء .... تنتظركم
تحيتي للجميع

zhrh123qw

[إسماعيل الخلف]

يلبسَّهم صابوك .. صابوني ويَّاك
آني طريح فراش.. والرب عافاك
***

[تيمه الشمري]

كلي انته هم تشتاك وتحن مثلنه
بكد مانسولف بيك طردونه اهلنه

مع خالص التحايا

[إسماعيل الخلف]

هذا الفرات الجاك .. من روحي يجري
آنا الأحن وأشتاﮒ . . وأعطيك عمري
***

[أميرة الشمري]

ياتيمة اتــرجاج خليهــــه سكته
مـــن ولفي بيه اسهام ميــّه وحملته


مودتي للجميع

[إسماعيل الخلف]

هبّتْ علىّ الريح .. واني خلاوي
هم الـﮕـلب مجروح..وين اليداوي
***

[طارق النعيمي]

يمكم تراها الروح تحبسه الايام
كل ما تريد تروح تمنعه ألعظام

تحياتي للجميع

[إسماعيل الخلف]

منّي تفز الروح .. كل ما خطرتو
أنتو الندى والغيم.. ياما مطرتو
***

[تيمه الشمري]

ويا النجم سهران وايدي أعلى خــدي
الحب أوظلام الليل شو كلها ضـــدي

مساء الخيرات
على احلى عيون

[إسماعيل الخلف]

يَمساهر النجمات .. وانتا ﮔـمرهن
الحب وظلام الليل .. بيدك أمرهن
***
مع التحية...
(..وين الربع)

[أميرة الشمري]

نوحك بعد شيفيد لو ولفك يروح

روحك ابد متهيد لوكل عمرك تنوح

[أميرة الشمري]

[CENTER]]
[I][FONT=DecoType Naskh](..وين الربع)[/RIGHT]


الربع برداااااااااانيييييييييييين

[عبدالأمير البكاء]

مِنْ البرد لتخاف لمّن يوافيك

كلما تگول اشـّاه بگليبي اخليك

تحياتي الجامدة للجميع

[إسماعيل الخلف]

(كفَّتْ بعد ما ظل)..بالدنيا صاحب
كلها غفل تلسع .. مثل العـﮕـارب
***
ما بين القوسين للكبير عريان السيد خلف..
..تحياتي ومودتي للجميع

[أميرة الشمري]

بدلت كلبي حجار حسبالي ينساك
شفت الحجر مفطور كاتبلي مشتاك



تحياتي لجميع البردانييييييييين
:p:o

[عبدالأمير البكاء]

كل جسمي وچ بردان بس گلبي تنور

عَل الغلّس وميگول من ياهو مقهور

[إسماعيل الخلف]

راحت ليالي الوصل .. و اتلايم الهَمْ
صرت أسحن الآهات..ياخوي وألهمْ
***

[طارق النعيمي]

السلام عليكم احبابي
شلون الاحوال هذا الدارمي للجميلات المتعاليات .....





متكبره عله الناس انتي بحلاتج
باجر يجيج الشيب وتذبل شفاتج


تحياتي للجميلات
وللجميع

[إسماعيل الخلف]

أهلاً بالأخ طارق النعيمي ..
يبدو أننا أنا وأنت بقينا وحيدين ...
أفتقد تيمة وأميرة والبكاء والقلعاوي ...........
ولهذا أقول :


ﭼـن الربع غابوا ..مدري اشبلاهم
ﭼـانوا على الصوبين ..يشرج ضياهم
***
مع التحية للجميع

[عبدالأمير البكاء]

مادام ولفي يغيب عن المنابـــــر

آنه بحزن وتموت عندي المشاعر

[منى الغريب]

روحى عندِك

إسأليها

لو فيه يوم

قسيت عليها

ولا حبيت واحدة تانية

ولا قلبى مال إليها

****
تحياتى العطرة للجميع

[عبدالأمير البكاء]

أهلا وسهلا بك وبانضمامك الينا يا عزيزتنا منى الغريب ، ولكن ألا ترين

سيدتي أن هذا المنبر مختص بالشعر الشعبي ، والمساجلة فيه بالشعر الدارمي؟؟

أرجو أن تلاحظي ذلك ، وعذرا للأخت الكريمة أميرة الشمري إذ نبتُ بالرد

من دون ترخيص منها !!!!

[منى الغريب]

راجعة ليه
يادموع عينيا
دمعة رايحة
ودمعة جاية
وأما أقول لك
قلبى دايب
تستكترى
الضحكة عليا

اشكرك فاضلى عبد الأمير
على التنبيه
فعذرا وقمت بالتعديل للرد السابق
فالشكر لك أخى
وأرجوا أن تتقبل مشاركتى المتواضعة

[منى الغريب]

إنت إيه من
غير وجودى
ولا مين
من غير حنانى
ده أنا إحساسى
وورودى
وعمرى كله
معاك كيانى

[أميرة الشمري]

إنت إيه من
غير وجودى
ولا مين
من غير حنانى
ده أنا إحساسى
وورودى
وعمرى كله
معاك كيانى
اهلا بكِ معنا
عذرا
المتصفحلشعر الدارمي
تستطيعين المشاركة
في موضوع الاستاذ احمدفهو مخصص للشعر الشعبي http://www.mnaabr.com/vb/showthread.php?1632 (http://www.mnaabr.com/showthread.php?1632)

واهلا بك مرة اخرى
مودتي

[أميرة الشمري]

مادام ولفي يغيب عن المنابـــــر

آنه بحزن وتموت عندي المشاعر


رد ليه يلرديت يوسف ليعكوب
روحي اشتهت ملكاك يااحلى محبوب

[عبدالأمير البكاء]

بس منك الدعيات تنقبل يازين

من إجه من بغداد حطيته بالعين

النون

[أميرة الشمري]

ناسيني لو مهموم لو إنت ملال

ما تدري شوفك عيد وأنتظر الهلال


اللاممممممممم

[طارق النعيمي]

لتضن امل أبيوم ولا انسه الايــــام

شجره وجفاها الماي هم تحمل سهام



تحياتي للجميع

[أميرة الشمري]

مو كلشي نتمناه يوكع بدينه
أحنه السفن والريح تلعب علينه

الهاءءءءءءءءءء

[عبدالأمير البكاء]

هاي السفن والريح ودّتني لهواي

شو بس تِمنّيناه چُب لَنّه و ياي

[أميرة الشمري]

يـسـتـاهـل المحـبـوب اهـديله العيون

ولو طلب گلبي انطيه فوگاهه ممنون
النوووووووون

[عبدالأمير البكاء]

ناطر هوى المحبوب بلكت يعَدّي

يسألني الدلال:مو هذا عندي

الداااااال

[أميرة الشمري]

دم مدري شنهو الطاح من عيني مدريت
بس هيست ناكوط بيه انه حسيت

[عبدالأمير البكاء]

تتواعد وألكاك تنسه المواعيد

متخاف أشوّر بيك يبن الإجاويد

الدال

[أميرة الشمري]

الداال ايضا ياعبد الامير:mad::mad:


دارت على الطيبين غداره دنياك
كلما يسد الباب تفتح له شباك

الكااااااااااااااف
لمن بعدي