بدوي متحضر
06-09-2004, 11:47 AM
مروج مخدرات يتحسر على مافعل يومنه شاف السيف الاملح
وتراها عبرة لكل معتبر
سمعت قصة واحـد بالسجونـي =يقول أنا للذبـح بالسيـف هايـب
يقول أفضل بالرصاص اقتلونـي =والعين من دونه تحول النصايـب
لعل بعـض النـاس مايعرفونـي =ودي لو التنفيـذ والنـور غايـب
أنتم عرفتم قصتـي وارحمونـي =أخشى على بويه تطـول المعايـب
لو يعرف أني مـروج للفيونـي =وإنّي لشره لأهل الإسـلام جايـب
مدمن حشيش ومثقـل بالديونـي =يدعي علي ودعاه لا شك صايـب
ولا تخبرون اللي بطبعه حنونـي = الوالده تكثـر عليها المصايـب
أخاف لا دريت يصيبـه جنونـي =واتصير معتاله على راس شايـب
من ضاع عقله ما يفيد العيونـي= والعقل من رب الخلايـق وهايـب
واللي جرحني وزاد فيّ الطعوني =قلبه عليه مـن أول العـام ذايـب
جماعتي مـن لبنتـي قاطعونـي =كيف الفتى ينساه حتـى القرايـب
كلـه سبايـب شلـة دهورونـي=وصار الثمن راسي عليه النصايب
حسبي عليهـم شلـة ضيعونـي=الموت حان وشـد يمـي ركايـب
ومشيت في درب السراب مغبوني=والعقل في درب المهاميل سايـب
الله يرميهـم مثـل مـا رمونـي= موت المهونة شلتي بـه سبايـب
وما طعت يوم الطيبين انصحوني =ولا ينصح الإنسان غير الحبايـب
يالله وأمرك بيـن كـاف ونونـي =خلقتني مابيـن صلـب وترايـب
عوض علي دنياي واحسن ظنوني =واغفر لمن قلبه عن الشين تايب
ياللي حضرتم مقتلي سامحونـي =هذي نهاية قصتـي بـه سبايـب
بدوي متحضر
وتراها عبرة لكل معتبر
سمعت قصة واحـد بالسجونـي =يقول أنا للذبـح بالسيـف هايـب
يقول أفضل بالرصاص اقتلونـي =والعين من دونه تحول النصايـب
لعل بعـض النـاس مايعرفونـي =ودي لو التنفيـذ والنـور غايـب
أنتم عرفتم قصتـي وارحمونـي =أخشى على بويه تطـول المعايـب
لو يعرف أني مـروج للفيونـي =وإنّي لشره لأهل الإسـلام جايـب
مدمن حشيش ومثقـل بالديونـي =يدعي علي ودعاه لا شك صايـب
ولا تخبرون اللي بطبعه حنونـي = الوالده تكثـر عليها المصايـب
أخاف لا دريت يصيبـه جنونـي =واتصير معتاله على راس شايـب
من ضاع عقله ما يفيد العيونـي= والعقل من رب الخلايـق وهايـب
واللي جرحني وزاد فيّ الطعوني =قلبه عليه مـن أول العـام ذايـب
جماعتي مـن لبنتـي قاطعونـي =كيف الفتى ينساه حتـى القرايـب
كلـه سبايـب شلـة دهورونـي=وصار الثمن راسي عليه النصايب
حسبي عليهـم شلـة ضيعونـي=الموت حان وشـد يمـي ركايـب
ومشيت في درب السراب مغبوني=والعقل في درب المهاميل سايـب
الله يرميهـم مثـل مـا رمونـي= موت المهونة شلتي بـه سبايـب
وما طعت يوم الطيبين انصحوني =ولا ينصح الإنسان غير الحبايـب
يالله وأمرك بيـن كـاف ونونـي =خلقتني مابيـن صلـب وترايـب
عوض علي دنياي واحسن ظنوني =واغفر لمن قلبه عن الشين تايب
ياللي حضرتم مقتلي سامحونـي =هذي نهاية قصتـي بـه سبايـب
بدوي متحضر