مشاكس
22-03-2005, 12:54 AM
في البداية .. اتمنى ان تقبلوني عضو جديد بينكم
آملا ان اسعد بكم وتسعدون بي
أول مشاركة لي هي من الأرشيف القديم وحيث انها اول ما وجدت بين اوراقي فلها حق السبق والنشر
وهي قصيدة تعبر عن ما تحتوي والشكر الى الذي ابدل الحال بحال وابدل الحزن سرور .
يقول مشاكس :
يامن لغمر هموم الوقت مشقنه = كثرت عليه الحمول وضعفت زنوده
تسمع مع هجعة الممسين له ونة = ونة سهير سلبه الليل برقوده
صكات بقعا بطول الوقت بالنه = من اول الوقت توه ما قسى عوده
دارت عليه الدواير لين لافنه = لاقال باسلى نصاه ابليس وجنوده
مقاسم الحض للصكات باعنه = مجبور سوق البلاوي حضي يروده
مادام حظ الفتى مكتوب راضنه = واحكام ربي على اهل الخير محموده
كان انت باغي القدر او منت باغنه = احكام رب البشر ماهي بمردوده
مايكتب الله نفذ لومنت هاونه = خلايق الله بامر الله مسيوده
لاشك مومن وحكم صار واعنه = درب سلكته وشفته شين ما اعوده
من كان مثلي دروس الوقت كاونه = ملزوم يقبل شروط الوقت وقيوده
مشكاي للي دعيت سنين راجنه = ماغيره الي طمعنا فضله وجوده
هو والي الكون ماله رب والنه = مطالب الرزق بين يديه ممدوده
يارب عبدك لباس الهم كانه = نفسه مع كثرة التفكير مهدوده
يارب عبدك حمول الدين لاعنه = وايديه دايم لمال الناس محدوده
يطلبك تفرج هموم مالها عنه = قلن بماله ودين آعيش وازوده
ان قال هانت توهق واختلف ظنه = مسالك الستر عند الضيق مسدوده
يارب عبدك زمانه صار ماهنه = والروح من وين راحت دوم منكوده
يرجيك عبد شكى والضيق حادنه = ماعاد يقوى حمول دامت تكوده
والختم يامن جميع الخلق يدعنه = فرج على الي دعاك الستر بسجوده [/poem]
وسلامتكم والعذر على المبالغه
آملا ان اسعد بكم وتسعدون بي
أول مشاركة لي هي من الأرشيف القديم وحيث انها اول ما وجدت بين اوراقي فلها حق السبق والنشر
وهي قصيدة تعبر عن ما تحتوي والشكر الى الذي ابدل الحال بحال وابدل الحزن سرور .
يقول مشاكس :
يامن لغمر هموم الوقت مشقنه = كثرت عليه الحمول وضعفت زنوده
تسمع مع هجعة الممسين له ونة = ونة سهير سلبه الليل برقوده
صكات بقعا بطول الوقت بالنه = من اول الوقت توه ما قسى عوده
دارت عليه الدواير لين لافنه = لاقال باسلى نصاه ابليس وجنوده
مقاسم الحض للصكات باعنه = مجبور سوق البلاوي حضي يروده
مادام حظ الفتى مكتوب راضنه = واحكام ربي على اهل الخير محموده
كان انت باغي القدر او منت باغنه = احكام رب البشر ماهي بمردوده
مايكتب الله نفذ لومنت هاونه = خلايق الله بامر الله مسيوده
لاشك مومن وحكم صار واعنه = درب سلكته وشفته شين ما اعوده
من كان مثلي دروس الوقت كاونه = ملزوم يقبل شروط الوقت وقيوده
مشكاي للي دعيت سنين راجنه = ماغيره الي طمعنا فضله وجوده
هو والي الكون ماله رب والنه = مطالب الرزق بين يديه ممدوده
يارب عبدك لباس الهم كانه = نفسه مع كثرة التفكير مهدوده
يارب عبدك حمول الدين لاعنه = وايديه دايم لمال الناس محدوده
يطلبك تفرج هموم مالها عنه = قلن بماله ودين آعيش وازوده
ان قال هانت توهق واختلف ظنه = مسالك الستر عند الضيق مسدوده
يارب عبدك زمانه صار ماهنه = والروح من وين راحت دوم منكوده
يرجيك عبد شكى والضيق حادنه = ماعاد يقوى حمول دامت تكوده
والختم يامن جميع الخلق يدعنه = فرج على الي دعاك الستر بسجوده [/poem]
وسلامتكم والعذر على المبالغه