حمود الروقي
13-02-2005, 09:14 AM
بسم الله الرحمن الرحيم
السلام عليكم ورحمة الله وبركاته 00 وبعد 00
في سابقة هي الأولى من نوعها في محافظة عفيف ، تمّ الإعلان مؤخرًا عن
مسابقة في الشعر الشعبي لأبناء المحافظة التي تزخر بالكثير من الشعراء
والأدباء والمثقفين 00
تلقـّينا دعوة من الشيخ : نمر بن منيف بن دعيج بن مسيرير الغنامي ، لحضور
مسابقة الشعر الشعبي والتي كانت بعنوان : جائزة ابن مسيرير للشعر الشعبي
والتي أقيمت في المحافظة مساء الخميس الماضي : 1 / 1 / 1426هـ
حيث استقطبت شعراء المحافظة ، وجمع غفير من محبي الشعر ، بالإضافة
إلى مديري الدوائر الحكومية وأعيان البلد 0
هذه المسابقة هي النسخة الأولى والتي خصّصت لشعر الغزل العفيف ، وذلك بشروط منها :
ألاّ تقل القصيدة عن : 15 بيتــًا ، وأن تشتمل لوصف المرأة ، وأن يكون هناك إبداع في
نظم القصيدة من حيث التجديد في الشكل وإضافة لمسات فنيـّـة جديدة ومبتكرة بحيث لا
تخل بمضمون القصيدة العربية الغزليّة المعروفة 000
حيث توافدت العديد من القصائد الجميلة لهذا الغرض بعد الإعلان عن المسابقة ،
وتمّ تحكيمها من قبل لجنة مكوّنـة من الشعراء والنقـّاد الكبار المهتمين بالشعر على وجه العموم 0
وقد أقـيــم حفل بهذه المناسبة في إحدى قاعات الأفراح وتمّ إلقاء الكثير من القصائد
الترحيبية والوطنية والغزليّة التي نالت استحسان الجميع ، بعد ذلك توجّه الجميع إلى
وجبة العشاء المُعدّة لهذا الاحتفال الكبير 00
وتمّ بعد فترة العشــاء إعلان نتيجة المسابقة وتوزيع الجوائز على أصحاب القصائد
الفائزة بالمراكز الخمسة ، حيث كانت الجوائز عبارة عن مبالغ مالية ودروع تحمل
اسم المسابقة ، بالإضافة إلى أطقم فاخرة من الدِّلال والمباخر ، والمشالح القيّـمة 0
بعد ذلك استمتع الجميع بباقي فقرات الأمسية الشعرية إلى بعد منتصف الليل 00
أمّـا القصيدة الفائزة بالمركز الأول ، فهي قصيدة الشاعر الشاب :
عبد الرحمن بن راشد البرّاك الغنــامي العتيبي ، وإليكموها كاملة :
وآهنيّ اللـي حرمـه الله الحـب وعطـاه=قلب جامـد لـو يهـبّ الهـوى ماحرّكـه
داله مع النـاس واللـي ورى قلبـه وراه=ثبّتـه مـن ثبّـت الارض وآدرا فلـكـه
ساليٍ مـا قـط قلبـه تولّـع فـي فتـاه=ويمكن اللي وسط صدره مهب قلب .. تنكه!
ليت لـي والله مثـل قلبـه الميّـت هـذاه=ماعبـر حـدّ المحبّـه ولا احـدٍ جمركـه
لاجل قلبي بس يسلم مـن الحـب وعنـاه=مايجي له من ورى حدب الاضـلاع دبكـه
آتريّح من هـوى اللـي مذوّقنـي جفـاه=عقب ما خلخـل دفاعـي وسـوّا دربكـه
جيته وجاني وفـي جيّتـي ماجيـت ابـاه=مير خطّـط لـه بخطّـه وجـات متكتكـه
آدمـيٍّ كـل مـابـه يـشـدّ الانتـبـاه=زينـه مـن الله طبيعـي ولا بـه فبركـه
كن عينه عين حرٍّ وحـش يطلـب عشـاه=منوة اللي فـي يدينـه حمامـه وشبكـه
نظـرةٍ منهـا تعرّضـك لسهـوم الرمـاه=تحسب انّك بيـن نظراتهـا فـي معركـه
وفي جبينه مثـل بـدرٍ تعـلاّ فـي سمـاه=يجلـي بنـوره ظـلام الليـال المحلـكـه
وانفصاخ الليل عن النهـار مـع الصـلاه=بيـن خـدّه وشْعَـره يـوم آداره وافلكـه
إن وقف ياقف معه تقل لابـس لـه عبـاه=وإن جلـس ماكنّـه بشعـره ولا يملكـه!
ناسفه من فوق عنقٍ مثل عنـق المهـاه=المهـاه اللـي تذيّـر لا حسّـت بحْركـه
والوصوف الثانيـه غايـة مـراد الهـواه=من سببها أخبط بيمناي صـدري وافركـه
يوم يمشي قدم عيني مثل مشـي القطـاه=ماجداي الاّ اطرق الشعر لاجلـه واحبكـه
وآتمثّـل فـي معانيـه وبمـا الله حبـاه=وابدعه واجيـب الابيـات فيـه محكحكـه
هيه يامهمل وصالي وانا حـرصٍ (عـلاه)=واصل اللي حب ياصلـك والغيـر اتركـه
لق لي بالك وقلبك ليـا اعطيتـك وصـاه=كل ماجيلك بعلـم امسـك العلـم امسكـه
خلّنـي قـدام عينـك علـى كـل إتجـاه=والطريق اللـي عليّـه يوصلـك إسلكـه
تعرف إن مالي غنا عنـك يامـال الغنـاه=لاتعرّضـنـي بـصـدّك دروب التهلـكـه
الوصل في الحب شرطٍ من شروط الحيـاه=والجفا عكس المواصـل ولا فيـه بركـه
أنت بعـد الله فـي يـدك موتـي والنجـاه=غث محبٍّ هالـكٍ فـي غرامـك وادركـه
مايحسّب فـي مخاسيـرك بمـالٍ و جـاه=كل مايملك مـن المـال لرضـاك دمكـه
بانيٍّ لك فـي الحشـا بـرجٍ مشيّـد بنـاه=مثـل بـرج الفيصليّـه و بـرج المملكـه
كان في راسك حميّا علـى الـدار وحِمـاه=لايغيّر فـي نظامـك .. نظـام الأمركـه
وصح لسانك يا رحيــّــم
أخو و و و كم
جريح المشـاعر
السلام عليكم ورحمة الله وبركاته 00 وبعد 00
في سابقة هي الأولى من نوعها في محافظة عفيف ، تمّ الإعلان مؤخرًا عن
مسابقة في الشعر الشعبي لأبناء المحافظة التي تزخر بالكثير من الشعراء
والأدباء والمثقفين 00
تلقـّينا دعوة من الشيخ : نمر بن منيف بن دعيج بن مسيرير الغنامي ، لحضور
مسابقة الشعر الشعبي والتي كانت بعنوان : جائزة ابن مسيرير للشعر الشعبي
والتي أقيمت في المحافظة مساء الخميس الماضي : 1 / 1 / 1426هـ
حيث استقطبت شعراء المحافظة ، وجمع غفير من محبي الشعر ، بالإضافة
إلى مديري الدوائر الحكومية وأعيان البلد 0
هذه المسابقة هي النسخة الأولى والتي خصّصت لشعر الغزل العفيف ، وذلك بشروط منها :
ألاّ تقل القصيدة عن : 15 بيتــًا ، وأن تشتمل لوصف المرأة ، وأن يكون هناك إبداع في
نظم القصيدة من حيث التجديد في الشكل وإضافة لمسات فنيـّـة جديدة ومبتكرة بحيث لا
تخل بمضمون القصيدة العربية الغزليّة المعروفة 000
حيث توافدت العديد من القصائد الجميلة لهذا الغرض بعد الإعلان عن المسابقة ،
وتمّ تحكيمها من قبل لجنة مكوّنـة من الشعراء والنقـّاد الكبار المهتمين بالشعر على وجه العموم 0
وقد أقـيــم حفل بهذه المناسبة في إحدى قاعات الأفراح وتمّ إلقاء الكثير من القصائد
الترحيبية والوطنية والغزليّة التي نالت استحسان الجميع ، بعد ذلك توجّه الجميع إلى
وجبة العشاء المُعدّة لهذا الاحتفال الكبير 00
وتمّ بعد فترة العشــاء إعلان نتيجة المسابقة وتوزيع الجوائز على أصحاب القصائد
الفائزة بالمراكز الخمسة ، حيث كانت الجوائز عبارة عن مبالغ مالية ودروع تحمل
اسم المسابقة ، بالإضافة إلى أطقم فاخرة من الدِّلال والمباخر ، والمشالح القيّـمة 0
بعد ذلك استمتع الجميع بباقي فقرات الأمسية الشعرية إلى بعد منتصف الليل 00
أمّـا القصيدة الفائزة بالمركز الأول ، فهي قصيدة الشاعر الشاب :
عبد الرحمن بن راشد البرّاك الغنــامي العتيبي ، وإليكموها كاملة :
وآهنيّ اللـي حرمـه الله الحـب وعطـاه=قلب جامـد لـو يهـبّ الهـوى ماحرّكـه
داله مع النـاس واللـي ورى قلبـه وراه=ثبّتـه مـن ثبّـت الارض وآدرا فلـكـه
ساليٍ مـا قـط قلبـه تولّـع فـي فتـاه=ويمكن اللي وسط صدره مهب قلب .. تنكه!
ليت لـي والله مثـل قلبـه الميّـت هـذاه=ماعبـر حـدّ المحبّـه ولا احـدٍ جمركـه
لاجل قلبي بس يسلم مـن الحـب وعنـاه=مايجي له من ورى حدب الاضـلاع دبكـه
آتريّح من هـوى اللـي مذوّقنـي جفـاه=عقب ما خلخـل دفاعـي وسـوّا دربكـه
جيته وجاني وفـي جيّتـي ماجيـت ابـاه=مير خطّـط لـه بخطّـه وجـات متكتكـه
آدمـيٍّ كـل مـابـه يـشـدّ الانتـبـاه=زينـه مـن الله طبيعـي ولا بـه فبركـه
كن عينه عين حرٍّ وحـش يطلـب عشـاه=منوة اللي فـي يدينـه حمامـه وشبكـه
نظـرةٍ منهـا تعرّضـك لسهـوم الرمـاه=تحسب انّك بيـن نظراتهـا فـي معركـه
وفي جبينه مثـل بـدرٍ تعـلاّ فـي سمـاه=يجلـي بنـوره ظـلام الليـال المحلـكـه
وانفصاخ الليل عن النهـار مـع الصـلاه=بيـن خـدّه وشْعَـره يـوم آداره وافلكـه
إن وقف ياقف معه تقل لابـس لـه عبـاه=وإن جلـس ماكنّـه بشعـره ولا يملكـه!
ناسفه من فوق عنقٍ مثل عنـق المهـاه=المهـاه اللـي تذيّـر لا حسّـت بحْركـه
والوصوف الثانيـه غايـة مـراد الهـواه=من سببها أخبط بيمناي صـدري وافركـه
يوم يمشي قدم عيني مثل مشـي القطـاه=ماجداي الاّ اطرق الشعر لاجلـه واحبكـه
وآتمثّـل فـي معانيـه وبمـا الله حبـاه=وابدعه واجيـب الابيـات فيـه محكحكـه
هيه يامهمل وصالي وانا حـرصٍ (عـلاه)=واصل اللي حب ياصلـك والغيـر اتركـه
لق لي بالك وقلبك ليـا اعطيتـك وصـاه=كل ماجيلك بعلـم امسـك العلـم امسكـه
خلّنـي قـدام عينـك علـى كـل إتجـاه=والطريق اللـي عليّـه يوصلـك إسلكـه
تعرف إن مالي غنا عنـك يامـال الغنـاه=لاتعرّضـنـي بـصـدّك دروب التهلـكـه
الوصل في الحب شرطٍ من شروط الحيـاه=والجفا عكس المواصـل ولا فيـه بركـه
أنت بعـد الله فـي يـدك موتـي والنجـاه=غث محبٍّ هالـكٍ فـي غرامـك وادركـه
مايحسّب فـي مخاسيـرك بمـالٍ و جـاه=كل مايملك مـن المـال لرضـاك دمكـه
بانيٍّ لك فـي الحشـا بـرجٍ مشيّـد بنـاه=مثـل بـرج الفيصليّـه و بـرج المملكـه
كان في راسك حميّا علـى الـدار وحِمـاه=لايغيّر فـي نظامـك .. نظـام الأمركـه
وصح لسانك يا رحيــّــم
أخو و و و كم
جريح المشـاعر