وين الموالي حياه الله

[خالد الصييفي]

هاوي للرد و وده بشاعر وسيع صدر


سلام الله على اللي للمنابر يدخلون خفاف
------------ يحبكون الشعر في ملعبتهم و الله الوالي

انا جيت متفائل ودي اتعلم و اعسف القاف
------------ و قبيلي ما يمل الرد بالساحة و لو طالي

[مشاري]

<<<< ماجايك غار الحجازي هذا اللي مايداني ازحف وراك :)

يامرحبا ياعاسف القاف وجودك بيننا شرف


واستلم

انا قدام ارد القاف مدري لو عليك خلاف::::::علامك ماتسلم وانت طرقي تعتبر غالي


ليا منك بغيت العلم روح للحرم وطّاف::::::::وراجع دينك اللي نزله خلاقك العالي

[علي الغنامي]

مرحبا بك يا عاسف القاف شرف لنا أنضمامك لهذا المنبر وللمنابر كلها

حياك الله في منابر الشعر والنثر. وصح لسانك.

[علي الغنامي]

صح لسانك يالحجازي والله العظيم أنك مبدع


معك يامشاري والتكله على الله. حتى لو يجي حمود.

[محمد الغنامي]

صح لسانك يالحجازي والله العظيم أنك مبدع


معك يامشاري والتكله على الله. حتى لو يجي حمود.
اسمحوا لي بشجع ابن مسعود شوي
مشاري تراني في صف عاسف القاف إلى إشعار آخر بما أنه ضيف كريم:)

[خالد الصييفي]

أشكر كل من شرفنا بحضوره
و غمرنا بترحيبه،


حياك يالحجازي ومشكور على الترحيب،
لكن تراك ظلمتني بعدم السلام،

استلم لا هنت:

أنا سلمت لكن يظهر ان النوخذه ما شاف______هي اول جملة بالبيت عان حروفها تلالي
أنا توي خذيت العمرة و قريت نون و قاف ___ وانا ديني هو الاسلام و التوحيد دسمالي

[محمد الغنامي]

؟؟؟؟
رقد مشاري
بيجيك الحين كحيلان

[مشاري]

عاسف القاف

الظاهر اني شايفٍ سلامك ;)


واستلم الله لايهينك



والا ياللي تعسف القاف كانك ملقيت انصاف.....ليا سلمت لا تلوي كلامك ماش جهالي
انا ماني بربك لا تكثر لي من الاحلاف....ولا والله ابا احاسبك لو تحط تمثالي

[مشاري]

ابو مراد


يامرحبا يامرحبا يامرحبا


صح بدنك

الصف يتشرف بك

ماعلي هالحين لو يجي رشيد الزلامي ..



محمد الغنامي


يامرحبا وياهلا

وشكراً على المرور ..

ولي تفاهم معك :mad:


ان شالتني عظامي :p

[خالد الصييفي]

حي الله من شرفنا بالمتابعة

حياك يا مشاري

أشوفك متحفز و الدعوى كلها سهالة و سعة صدر.

سؤال بسيط لو سمحتوا: لماذا لا يعمل تنسيق النص و القصيدة؟ يا ليتكم تفعلوه

استلم لا هنت:



أنا مهيب عادتي اشتكي من ضيم أو إجحاف
------------------- لأني دايم آخذ حقي الوافي و لا ابالي


و لا أحلف يكود بربّي اللّي نزّل الاعراف
----------- و لا لي في "هُبَلْ" غاية، و لا يطري على بالي

[مشاري]

يامرحبا ياعاسف القاف


الدعوى بسيطه ومزوح الله يطول عمرك ..

اما على التنسيق فيه عطل وإنشاءالله يصلح فالايام المقبله ..






استلم
اقول الشعر ياللي مبتلينه دربكم ينعاف:::نبا نعطيك درس وغن موالك وموالي
ياعاسف لن ذبحتك سد عن لابتكم السياف:::زمانٍ فات لو انا نعرفك منت خيالي

[خالد الصييفي]

هههههههههههههههههههه ههههههه
طيب طيب يا مشاري،

ما هنا شكات يالغالي.

أشكرك على التطمين على وضع التنسيق
لأن العملية الآن متعبة.

تفضل لا هنت:


مشاري، لا تغرك كثرة التطبيل و الارجاف
............... ترى جوقتك هذي ما تفيدك ساعة الرالي

عرفنا الشِّعر قدام الصغيِّر حرّك الاطراف
................ و ابا اعلِّمك فن الشعر بالمشوار لو طالي

[مشاري]

استلم لا هنت


مشاري مايغره من يبا يطلع على الاكتاف======مثل زيد وعبيد وغيرهم فالناس بطالي
انا مدري من المطران وألا ربعك الاشراف====دقايق ثم يبين الفرق ياعاسف بالاميالي

[خالد الصييفي]

أرحب يا مشاري،

استلم لا هنت:


أنا يا صاحبي من لابة(ن) ينعومها المحراف
-------------------------------- جزيل الرد عند اطرف ضناهم شرب فنجالي

تبي تابس عظم ما جبت عني علم او اوصاف
-------------------------------- و لا يغويك من سجّل عن "الإيميل" منهالي

[مشاري]

استلم لاهنت ياعاسف


والا ياللي تحذفون الحديد وبيتكم شفاف===ضناكم مايرد القوم انا ماني ببنقالي
ياليتك قلت ياعاسف انا مع ربعي الاشراف====تبا تلحق على الاول وروح ردك التالي


(الاشراف) شقر فالرد

[خالد الصييفي]

جاك الموت يا تارك الصلاة هههه
استلم لا هنت يالحجازي
و تمس على خير:


ألا يا ليت راع البل ما يغفل عن الاحلاف
-----------------------------هذيك اللّي عطتكم بيننا رفعة و منزالي

قبل هذا و مثلك من ورا "ركبه" يسيِّر حاف
----------------------------- و لكن عقب "اخو نورة" لبستوا ثوب و نعالي

[مشاري]

تصبح على خير


وصح لسااانك وبيض الله وجهك ..



ونشكر جميع من مر من هنا

[خالد الصييفي]

تصبح على خير


وصح لسااانك وبيض الله وجهك ..



ونشكر جميع من مر من هنا

أخوي مشاري:

حياك الله و بيض الله وجهك.

و قد برهنت لي بأدبك و سعت بالك
بأنك مثال للشاعر اللي يقتدى به،

شكرا لك على قبول الدعوة و على الرد الجميل.

أشكرك شخصيا و أشكر كل من حضر.

تقبلوا وافر تحياتي