لا تذكر ولف..

[زيد خالد علي]

من وحي الشعر الشعبي العراقي..
قد يلتجئ شاعر الفصحى أحيانا الى
لهجة قومه العاميه ليبدد قليلا من وحشته..

ما أبالغ.. بس حقيقـة قصتـي هـاي
المر عليه اوْياك مـا اظـن ينشـرحْ
منو الغامض..؟ آني لو انتَ..؟ سؤال
دائمـاً بالـبـال يَسـمـر ينـطـرح
الزاد نعرف كل صنف طعمه بوضوح
بس غمـوض الطعـم يكمـن بالملـح
وليش ينسه الليل ويعـوف المكـان..؟
وهـو يعـرف ألـد أعدائـه الصبـح
وليش خمسه تمر عليْ منك فصول ..؟
أربعتهـن صيـف والخامـس جـرح
هو حبنه انذبح.. بس يبقـه السـؤال:
آني..؟ لو انـت..؟ بهوانـه الينذبـح
خلـي نكعـد كعـدة أحبـاب بهـدوء
نخلي حـد للغُمَـضْ والمـا يتضـح
وخلي نحجي بملل تفصيـل اليصيـر
وبصراحـة كـاع تتنخـه الفـلـح :
آني حايـط. باطـن وظاهـر سـواء
واكف ومـو سهلـه بالكـاع انبطـح
وانت متمـدد. سكـف وجهيـن بيـك
السكف باطن بيـك والظاهـر سطـح
تكـدر تكلـي غلـط..؟ لا مستحيـل
الريش مـا يغلـط اذا طـار الجنـح
ألف مـرة ارجـوك تتأنّـه وتشـوف
واعتبـر ماضينـه الأسـود منمسـح
وهاي آخر فرصة فكّـر بيهـه زيـن
واليصح اليـوم.. باجـر مـا يصـح
ادرس المسألـه بتفكـيـر وهــدوء
وافـرض وحلـل وناقـش واقتـرح
راح تتحمـل عواقـب كـل قــرار
اتعض مـن هـاي وافهـم وانتصـح
ولا يغـرك حبـي وتتراهـن علـيـه
إلحنيتن الفـاض.. لا بُـد مـا يشـح
وصح خسرت اوْياك بس دربي طويل
والخسـارة بيـوم تتـحـول ربــح
ولا تزغـر عينـك الجـاك بحـنـان
الجبـل ينهـار اذا انـهـار السـفـح
وصح حديد الراس.. بس خشبه الذراع
ولولا هاي الخشبه ما صـار الرمـح

[علي الغنامي]

الشاعر القدير زيد خالد


صح لسانك على هاي القصيدة

الجميله بالهجة الجميله جدا

دمت كما تحب.

[جابر الناصر]

اخي زيد

ارى هنا

عمق في المعنى

اسقاطات الطبيعة مغلفة في ظل الكلمات الجميلة

اتزان تام في تسلسل الافكار حتى النهاية

وضوح كامل في الروح الشعرية من اول بيت في القصيدة حتى اخره

جمال التشبيه الموظف للمعنى

شكرا زيد قصيدة تبهج النفس وتقرأ اكثر من مرة

[مشاري]

زيد خالد علي


قصيدة جميلة

تستحق القراءه أكثر من مره ..


دام إبداعك